《只有一棵樹的森林》: 第三章

突然覺得，中三班房位於最高的六樓是一件不錯的事，最少我們有四層的獨處時間。（校務處在二樓）
媽啊，我很緊張啊！要說甚麼開場白呢？
.
『係呢』
『係？！！』
『你...係咪好鍾意宮崎駿架？』
『下？！！』
『無吖，見你段自我介紹咁講，好奇問下啫』
『哦，咁你呢？』
『我呀，我係宮崎駿超級fans嚟架！每套戲我都至少睇左三次，仲有佢既漫畫，我屋企成個書櫃都係！』




.
看來，她真是宮崎駿的超級粉絲。
看她的樣子，由怕怕羞羞頓變成十分雀躍。
.
『我都鍾意宮崎駿架』
『係？！！』女神雙眼發光加心心，真的很可愛！
.
『咁你最鍾意邊套戲？』
『Errr...千與千尋！』只因這是我唯一看過的宮崎駿作品...
『我都係呀！細細個係咁翻睇！』




.
就這樣，我竟然成功和女神打開話題。
與此同時，我發現方晴其實是有兩面的，慢熱的她面對陌生人真的會顆聲不出，旁人看起就會覺得她害羞內斂。
但當和她慢慢聊天，就會發覺她的平易近人，同時感受到她是個極度需要安全感的女生。
.
（通常這個時候，男生都會像超人般變大，然後握緊拳頭對空氣說，我一定會成為保護你的男生！）
.
但我沒有。。。
因為我是一個有自知之明的毒撚。
.




（On9，扮清高）
.
或許你們說得對，我真的十分On9，還帶點傻。
因為我希望，永遠可以保持著這個距離，不太遠不太近。
她不會抗拒我，也不會躲避我。
看著她每日的笑容，和她走幾次樓梯，其實已經心滿意足。
.
『喂！究竟你同你女神點呀？』
『Shu!!! 唔好咁大聲，慌死全班唔知咩！』
『咩啫，我又無講係方...嗚呀』天啊，遲一秒掩他的嘴都不知會發生甚麼事...
.
『咁究竟點啫？！！』
『咩點呀？』
『你同女神呀！』
『咪又係咁...』




『下，你唔係呀！唔好話做兄弟唔話你知，聽講幾個校隊既隊長都落哂戰書，要追你女神！』
『咁又點啫...』
『咁又點？！！大佬呀，你俾d上進心好唔好，女神就嚟無喇』
『咁我追又點？咪又係做炮灰！』
.
與其樣衰地被女神請食檸檬，寧願靜靜地退場。
.
.
.
高登名言：『毒撚切忌有自信』
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈