《只有一棵樹的森林》: 第二章
「而曾醒女老師則會擔任低年級的訓導主任」
「噢！Shxt！唉！」
.
全場學生馬上驚訝聲不絕，直至「老姑婆」一出聲
「靜！」全場學生馬上鴉雀無聲
「希望你們尊重台上的每一位，亦都尊重自己，同時希望各位低年級同學務必嚴守校規，否則後果自負！」
「好大個官威吖！」
.
就這樣，開學禮就在一片爭議反抗聲下結束。
.
接下來，又是分班回課室處理班務的時間…
.
「大家鍾意點做就點坐就點坐，最緊要唔好阻住後面睇黑板」
和藹的朱老師就像一個慈祥的老人家在教孫兒孫女，明明年紀都只是四、五十歲，總之就是令你不願要他勞氣的感覺。
.
至於座位，難得杜杜又和我同班，我倆當然心有靈犀，向獵物奔去－角落近窗的位置。
.
待大家都安坐後，朱老師就開始處理一些班務，都是派手冊、通告、收功課等雜項。
.
誰知，朱老師突然說：「不如大家自我介紹下」
.
What！老師你說笑吧…
「不如就由窗邊呢行開始啦」
.
不要吧，這麼老土…
.
不消一會，前面四個同學就介紹完畢。
.
「我…」
「老師，唔好意思，我遲到」門外站著一個正在氣喘喘的女生。
.
停！停！她！她！她怎麼像…
.
「唔緊要，你搵個位坐低先，我地做緊自我介紹，男同學你繼續」
「我…我…我叫司徒駿」怎麼會這麼緊張？！！！
「進？！！邊度進呀？」突然有人插嘴
「哈哈哈哈」全班都因此大笑起來，她也好像輕輕笑了
「唔係呢個進，係宮崎駿個駿」
全班隨之慢慢收起笑聲，我只見她轉過頭，望向我…
.
「喂！喂！喂！」
「下？！做咩呀！」
「坐返低啦死傻仔！」
`.
「傻仔頭先做咩發哂呆呀？」
「我諗…我初戀喇」
.
“愛戀沒經驗 今日初發現 遙遙共她見一面 那位快樂太新鮮＂
.
「妖！秋天喇！仲發春夢！」
.
「我叫方晴」太好聽了吧！
「我今年插班入黎，中意打排球，請大家多多指教！」
.
「噢…我暈喇」
「原來係佢…」
「咩原來係佢？」
「佢咪係今年由聖羅蘭轉過黎嘅校花囉，聽講體育部鄧sir三顧草蘆架，不過唔知點解佢肯轉黎磊光呢啲Band 2學校姐」
.
「校花？！！！」
「仲係排球主將，學界田徑冠軍，全級第一」
「唔X係掛」（有畫有聲，你懂的）
「咪住先，你唔係冧人呀嘛？」
「Err…」
「我勸你就唔好喇」
.
「跟著我地就要選男女班長，女班長方面我想由方晴同學擔任，方同學你無問題牙嘛？」
「下，無…無問題」
「咁有邊位男同學想做男班長呢？」
.
「我！」我飛快的舉手加站立，快得連椅子都向後跌
「嘿～」看見她噗一聲笑了出來，真的很美
「好，司徒同學，老師欣賞你的主動，方同學你有冇問題？」只見她害羞地搖搖頭，萬歲！
.
「咁就麻煩兩位班長攞大家嘅手冊落校務處蓋印，順便攞埋學生證」
「好！」獨處呀！巧緊張呀！
「唔好失禮呀毒男！」
「仆街啦你！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈