We love but we can't (沒有發生的愛情): 第四集

2020年11月14日 (SAT)“喂Snowy！篇訪問好爆Wor！廿四小時都未夠你個訪問喺Youtube過咗50萬呀，創舉Wor！今餐你請呀！”
“係，係好紅。。。但係有人話我博宣傳，仲話我一腳搭兩船添～係呢？其他人呢？”自中學時期，Snowy識咗好多好多朋友，要數到最癲嘅，就一定係一共6人嘅“溝仔大聯盟”，除咗有眼前呢位Gaga外，其餘四位係Eva, Candy, Kendall同Queenie。今日，就係佢地每月一次嘅dinner gathering。E : Sorry呀我地四個遲到。。。最衰Candy囉，約好六點準時地鐵站等加嘛。。。遲咗半粒鐘郁有嘅～
C : 你估我想遲加咩，班學生畫吓畫吓畫無端端打起交上黎，又要見家長又要同副校交代，咁咪遲咗囉～
K : 咁你唔識得叫停佢地打交嘅！？
C : 我有架，我不停喺佢地身邊講“唔好再打啦”，但佢地都冇睬我，好在我叫班長叫Queenie上黎stop佢地咋～
Q : 小姐，我做校務處架咋，幫唔到你幾多架，人地背後叫我做副校你估我真係咁有權力咩？
G : 計我話我地咁多個之中，發展得最好就係Snowy，有夢想就去做，依家仲做埋天后添～你睇我地5個，讀完書好似求其搵份工洗吓錢就算，我都唔係好知道依家為咩而活！
S : 係呀，好正架，日日返屋企都見到d加仔隊架，一陣間你地同我返屋企呀，包保你地即刻見報。
K : 我地五個邊有新聞價值呀？喂，話時話，你個篇訪問講個個。。。係咪Gordon呀？
E : 仲有邊個呀？係中學時期，同Snowy傳緋聞傳得最勁就係Gordon，唔通Nelson咩？




C : 咁又係Wor, 喂Snowy, 你依家好似俾Nelson帶綠帽wor!
S : 你同我定！我地開始拍拖之前已經同佢講清楚～
G : 如果呢。。。我係話如果。。。Gordon冇端端同你講“我愛你”，你會點？
S : 唔駛講咁多，一腳踢落佢個度！個陣時叫佢同我拍拖佢又say no，依家冇feel先黎話開始，咁當我咩呀？
Q : 你肯定你依家對佢冇哂feel?喺班姊妹眼中，Snowy係一個好有理智嘅人，只有一個情況之下會失常---提及佢自己鍾意嘅人～以今次訪問為例，Snowy好似被人點咗相咁自動爆料Gordon對佢有幾重要，同平時作風完全唔同～S :  。。。我同Gordon依家咁樣就啱啱好架啦！我對佢真係冇哂feel...你地依家咁樣係咪質疑我花心先？
E : 但係呢！我覺得你要顧吓Nelson感受，換個角度諗，如果Nelson係大明星，佢喺d傳媒面前狂讚d靚模有幾索，你會點呀？
S : 一個字。。。剪！
E : 咁咪係囉！快d安慰番人啦！
G : 好啦唔好講d咁正經嘅話題啦！Snowy，假設回到5年前，如果Gordon同Nelson一齊同你講鍾意你，你會揀邊個？
S : 我地尊貴嘅Gaga姐，我完咗個中學生涯先鍾意Nelson架！Timing都唔同，個陣時一定揀Gordon架！




K : Gaga係話如果者。。。嗱我地逐樣逐樣比較！講外表，咁Nelson係靚仔過Gordon嘅～高都係Nelson高d啦！
E : 但係Gordon大隻d wor!講忍耐，Gordon拋甩成條街啦！大家都知Snowy d小姐脾氣幾勁架啦，但Gordon係心甘情願受哂架wor!相反Nelson, 佢自己心情唔好反而會發Snowy脾氣啦！
Q : 咁講到錢，Nelson會勁過Gordon啦！拉低音大提琴賺到幾多錢者！但Nelson假假地未來醫生黎架，幫人界吓幾刀就一個月十萬啦！
C : 你地成班就真係夠膚淺！冇Gordon一路撐佢，Snowy又點會做到歌手呢？Nelson呀，一日到黑就潑Snowy冷水，旨意佢？Snowy依家都唔知做緊乜呀！
S : 計我話你地5個都好膚淺！你估我地個陣上bio堂咩，唔聽書就去品評全校d男生。你地呀，再講我反面架！我已經夠煩架啦，d網民亂講我話明知有男朋友仲係度諗初戀男友，有d賤人仲講話我同人亂搞關係都唔知搞過幾多條人命出黎！”
G : 我知，有人仲將你個頭Key落去d鳳姐到呀嘛！呢六位姊妹花就係咁，最鍾意係咩？玩囉！係中學個陣都唔知玩過幾多人，連老師都夠膽玩，一見到d女老師個日著得好特別，就話“X老師，你今日好靚呀！可唔可以介紹吓呢個造型呀？”～冇錯！中學點都會有一班同你玩得好癲嘅兄弟/姊妹/兄弟姊妹～
。
。
。
(Phone call)“喂，Nelson，我同Candy佢地食完飯呀，我又唔想返企住，去我留下個公園呀！”




“神神化化咁。。。是但啦聽日又唔駛返學，駛唔駛買嘢啤一啤？”
“今日我唔想啤呀。。。我要飲可樂！仲要咖哩魚蛋！”