We love but we can't (沒有發生的愛情): 第五集

（回到中六最後一課bio堂）2015年2月11日 (WED) S : 幅畫勁靚囉，多謝你地wor~中六最後一個禮拜，通常學生都唔會專心上堂，話明最後一個禮拜，點解唔珍惜一下同班損友瘋狂嘅日子呢？雖然全港冇一本official嘅記念冊俾中學生寫，世上亦都有whatsapp, facebook去keep in touch, 但到中學生涯最後一日，點都想同對方寫d嘢或者畫d嘢留念，叫做一個“告別儀式”吧！G : 諗唔到寫咩好，就畫個蔡依林俾你啦！
S : Woo!!!舞娘個MV造型呀！超似囉！
E : Gaga抄我idea囉，搞到要畫安室奈美惠俾你。。。I'm not yours~
 G+E+S : Hey I wanna rule my world...I dont wanna be your girl~
 E : 係呢？其他人寫咗d咩俾你？
S : 俾d嘢你地睇呀！Gordon寫咗呢d嘢俾我。[Snowy...其實你好靚女！好，講返正經嘢！你成日話我小學個陣對你點衰點衰，但其實我冇咩印象@@不過，同你呢幾年黎一齊放學，聽你成日喺度鬧人，呢d睇落好似好普通，但將來睇返，都會係好難忘嘅回憶！講到夢想，係一種會俾人恥笑嘅，如果有人咁樣對你。。。打鑊佢啦！你想做歌手，但平時又好怕羞唔敢表演，其實唔係好知你想點。。。唔緊要啦！你鍾意就得！我唔知道我地嘅友誼會唔會永固，你知你啦！神神化化，一時對人好close, 一時對人好冷淡==但係我想講：如果將來我地見面，你仲肯鬧我一句，我就會好開心啦！]G : 嘩！勁sweet囉！
E : 你地其實係咪喺埋一齊呀？
S : 痴線！我都想呀？
G : 你冇同佢講其實你鍾意佢架咩？
S : 你明唔明呀？個問題係佢冇進一步想開始，咁我又唔知佢係咪鍾意我，雖然行為似者，但一切都係我自己靠估。如果告白完係冇feel...好尷尬架！




E : 但係你地兩個勁襯囉！佢對你冇feel好難寫到呢d俾你架！仲有一個禮拜都唔夠就唔駛再返學，雖然你地住隔離者，但係有d嘢錯過咗就。。。對於個陣時嘅Snowy，佢睇到Gordon寫俾佢嘅嘢，心情好複雜，一時覺得好開心，一時就覺得好混亂。。。開始。。。定原地踏步？“Snowy!睇咗寫俾你個份未？”
 “睇咗啦Gordon哥！好有文彩wor~鍾意我呀？想追我？”
 “你都痴線。。。不過係咪寫得好感動呢？”
 “係呀！爭d想喊出黎～”
 “哼。。。你鍾意就得啦！”
 “今日一唔一齊返企呀？”
 “你等我咪一齊放囉！”
 “你要搵老師咩？”
 “唔係呀。。。我要拉琴，你等兩粒鐘啦！跟住一齊放～”
 “你食屎啦你！！！”Snowy返到屋企都仲不停回味Gordon寫俾佢嘅嘢，最後決定錄一段說話，打算到last day俾佢聽。。。“喂Gordon先生！多謝你咁有心機寫篇文俾我，真心嘅，好感動！但想睇我感動到喊？Sorry~其實你真唔記得定玩我架？你小四對住我咁囂張你居然唔記得？算啦！上到高中，你總算對我態度ok啦！本宮就好少會讚人嘅，今次就破例一次啦！嗯。。。一直以黎我同你都喺度傳緋聞，其實我。。。鍾唔鍾意你呢？唔知喎！要追都係你追我啦係咪？我話哂都係女神呀！但認真嘅！可以有你呢個朋友係我嘅幸運，你唔似同我身邊d姊妹一樣俾到刺激感我，只不過喺我心情唔好個陣，你唔介意做我個出氣袋，間唔中又做d白痴嘢令到我笑返，我好多謝你！同你好快唔可以再一齊放學啦！我會好好記住同你放學嘅日子！我應承你，我一定會同你友誼永固架！最後一句啦！我有預感我好快出道做歌手架啦！到時幫我作曲呀！唔收錢架！咁到時可以慳返d制作費！”