We love but we can't (沒有發生的愛情): 第三集

（回到小學四年級）2006年9月1日 (FRI) “開學啦！都唔知邊個做班主任！”
 “Snowy你做乜咁緊張者？你成績咁勁, d老師實鍾意你啦！”
 “我係驚d老師好惡呀！唔知點解，老師大聲鬧人個陣，好恐怖架！”小學開學第一日，小學生就小學雞咁，跟住自己個班別，係操場排隊集合。Snowy同佢個姐妹，Petcy，可謂“德德小學姐妹花”，由一年班開始就已經同班，兩個都受老師寵愛，但佢地對住d成績差嘅同學，態度就。。。“你再係咁對我，我叫我屋企人寫家長信俾校長，跟住踢你出校！”
 “我依家係班長，你再嘈住我上堂，我一陣間就摘你名！”
冇錯，呢兩姊妹就係咁小學雞，Snowy依家睇返以前嘅自己，真係想坐時光機改寫歷史。。。“喂Snowy，行緊過黎個個係鍾sir呀，佢好好人架！”
 “係好人呀？咁得啦！不過就算佢唔惡啦，我都好緊張呀，唔知同咩人坐！”傾吓傾吓，就係咁傾到8點半，打鐘lu~~~咁多位小學雞就即刻跟高矮排隊上課室，方便班主任調位。雖然，Snowy同唔到Petcy坐埋一齊，但係呢？坐佢前面嘅一個男仔。。。雖然唔高，但皮膚黑黑，笑起黎好charm，就令到Snowy暗爽～“好咁多位同學，我叫鍾sir，呢一年大家就好好相處啦！大家同吓坐隔離位嘅打聲招呼啦！”
一般黎講，係未相熟嘅情況吓，細路仔對住細路仔係最有禮貌，什麼“你好，我叫XXX！”成個班房都會聽到。
“你好呀！我叫Gordon！你叫咩名呀！”
 “He...llo...我叫Snowy呀。。。”
Snowy一向對人呼呼喝喝，冇諗過對住眼前嘅呢位男仔會咁怕羞。。。就係咁，Gordon成為咗Snowy自誕生以黎第一個暗戀對像。喺開學頭3個月，Snowy都好享受每日上堂嘅過程，就算有次調位令到二人冇法坐埋一齊，自己不定時就會偷望Gordon...直至有一日。。。“今次英文科考試最高分。。。係Snowy，一共93分！”




Snowy係一個好勝心極強嘅女仔，今次全班第一，係意料之內。返學對於佢黎講，唔係學習，而係要分高下。。。至於明明係英文堂，但個老師用中文教書。。。傳統黎嘅～不過，正當Snowy好開心之際，Gordon就突然間走出黎。。。
“等等先，劉主任，好似計錯分。”
 “係？等我計吓分先。”
 “佢照計冇可能會高分過我架Wor"“咩呀？我冇可能會高分過佢？”
Snowy冇諗過自己暗戀緊嘅人會當住全班講出如此過份嘅說話。。。最後。。。Snowy就成為全班第二。。。致此之後，Snowy就決定要更努力讀書，亦都同Gordon絕交，但係。。。Snowy一直都冇次可以打低佢～“你唔好咁囂張！你要知道驕兵必敗！”
 “係呀係呀！你高分過我先同我講嘢啦吓！”升到小五小六，由於大家都唔同班，都冇再點見面。不過，每當Gordon會行過自己班房個陣，Snowy就會自然地望住出面，心諗“其實佢都幾靚仔呀！”。。。直到小六，大家都流行寫記念冊，有一日。。。Snowy明明口口聲話仲好憎Gordon, 但自己又想俾Gordon寫記念冊，自己又唔好意思直接俾佢，所以。。。就搵好姊妹。。。Petcy幫手傳遞。不過呢，雖然Gordon有攞到，但係一直都冇交還俾Snowy。。。2009年7月16日 (THURS)直到升中放榜，亦都係Snowy學業生涯嘅高峯---入到全港top中學---懷人書院！唯一美中不足，就係同唔到Petcy同一間中學～當Snowy打算返企之際，冇想過Gordon會上前主動同佢講嘢。
“Snowy，俾返張紀念冊你呀！係呢，係咪讀懷人書院呀？”
 “係呀！你都係？”
 “Yes ah！到時見啦！”同Gordon告別後，Snowy急不及待睇返Gordon寫咗咩俾佢，但有幾項係令到Snowy“印象深刻”：
 全校最可愛：Snowy




對於自己(即Snowy)嘅印象：自大 (Sorry~)
自己(即Snowy)未來嘅職業：銀行見習員“我可愛我知道，但我呢d邊叫自大呀！！！我呢d叫做認清自己嘅實力，我係勁唔通我要扮弱咩！呢d叫虛偽呀！銀行見習員？我到時第一日返工個個爭住俾我做經理啦！咁睇少我。。。上到中學我就整死你！”