【驚慄】《冥婚：血紅色的裙褂》點解會係我同你？: 七、幽山村

七、幽山村

嘉駿和藍朗蕎正乘坐著直通巴士，由深圳前往佛山。兩人一路上都十分安靜，也許是因為緊張，也許是因為擔憂，因為他們根本不知道他們將要面對什麼。

如果郭小蘭只是開始，那麼之後的可能更可怕、更危險。

「喂⋯⋯」藍朗蕎打破了寧靜。

「你怕唔怕？」藍朗蕎問。





嘉駿頓了一頓，然後微微一笑。

「我怕，但係我有一種好強烈既感覺⋯⋯呢件事唔係咁簡單，應該同我有好密切既關係。」嘉駿說。

「連死都唔怕？」藍朗蕎再問。

嘉駿看著藍朗蕎，正想回答她的時候，車子卻忽然停下，原來已經到了佛山。

-





兩人根據地圖，嘗試尋找前往幽山村的路，可是地圖卻似乎已經老舊了，並不合時，本身的一條大路也已經起了很多建築物，阻擋了去路。兩人繞了幾個圈，卻又找不到方向。他們沒有辦法，只好四處問路，可是十分奇怪，佛山的人聽見是幽山村後，都馬上搖頭撒手，說不知道，然後更對兩人避之則吉，好像很害怕似的。

難道幽山村真是一個被詛咒的城鎮？

嘉駿和藍朗蕎最終找到一個啞大叔，在他們幾番哀求之後，啞大叔才替兩人指路。嘉駿二人照著啞大叔指的方向前進，離開了大路和市鎮，走進了渺無人煙的小山林。

「只要穿過呢個小山林，應該就到幽山村喇！睇落都唔係好難行姐！」嘉駿抱有希望的說。

「希望我唔會後悔跟左你上來喇⋯⋯」藍朗蕎嘀咕著。





兩人繼續走著，雖然這個小山林不是古木參天，也不是密林，本應是十分易行的山林，不知怎的卻讓兩人慢慢迷失，方向感也漸漸消失⋯⋯

「明明個樹林應該唔大，點解行咁耐都未到？」藍朗蕎有點慌張的說。

「唔好緊張，我地冷靜咁諗下應該點行，只要日落前行返出去就得。」嘉駿鎮定的說，但他其實也是六神無主，這裡他們是，人生，但路不熟。況且距離日落只餘一、兩小時，要是入黑了，山林將會是一個很危險的地方。

嘉駿為免迷路，於是把一條毛巾綁在一棵樹的樹枝上，用作記認。然後他們便徑自繼續往前走，遠離那棵被標記了的樹。

「你同Marco拍左好耐拖？」嘉駿問，他實在不想兩個人只走路，卻不談話。

「我同佢？一兩年到喇⋯⋯話長唔長，話短亦都唔短。」藍朗蕎說。

「你呢？你同上次果個女護士Natalie係咪都係⋯⋯」藍朗蕎狡猾笑道。

「唔係喇，我都無女朋友。」嘉駿說。





「對佢有無好感？」藍朗蕎好奇的問。

「朋友來咋，最多只係朋友。」嘉駿說。

「無中意既人？」

「無呀，而家無，真係無。」嘉駿說。

「咁你拍過幾多次拖？定係你⋯⋯」藍朗蕎意味深長的望著嘉駿，嘉駿馬上搖頭搖手。

「緊係唔係喇！我拍過一次拖架，你都可能聽過佢個名。」嘉駿說。

「邊個來架？」





「前一兩年咪有過個咩『夢想之聲』既比賽既？入面果個路過既女朋友柳忘憂咪就係我既前度女朋友。」嘉駿向藍朗蕎解釋道。

「咁犀利？咁你仲掛唔掛住佢？」藍朗蕎問。

「掛乜鬼丫，人地而家都好幸福喇，況且個陣時係我主動話分手，諗返起其實我都唔係真係咁傷心。」嘉駿說。

「咁偉大？你個時做咩同佢分手既？」

「個陣時其實佢只係為左忘記佢既前男朋友，所以先同我一齊，佢心底根本唔係中意我。」嘉駿說。

「而我自己⋯⋯其實都唔係好知道，中意一個人係咩既感覺⋯⋯由細到大我都好似唔識去愛人咁⋯⋯」嘉駿忽然顯得有點憂傷。

「我見到人人為愛情要生要死，但我偏偏唔明白呢種感覺，從來無過一個咁既人令我有真正既感覺同愛情⋯⋯我好似講多左添。」嘉駿苦笑道。

想不到，藍朗蕎此刻的表情居然是詫異。





「我都⋯⋯一樣⋯⋯」藍朗蕎說，這又震驚了嘉駿，因為從來沒有一個人會說跟他一樣有這樣的感覺。

可是，他們很快便被另一件事吸引了注意力⋯⋯

他們又再回到那棵被標記了的樹下！

「點解⋯⋯我地好似走唔出呢個樹林咁？」藍朗蕎擔憂的說。

嘉駿走近那棵樹，並擇下那條毛巾。一向冷靜、鎮定的嘉駿此刻也不禁洩氣失落，從來最可怕的都不是遙遠的終點，而是看不到終點。那種好像永遠努力也沒法成功的挫敗感和無力感，最容易教人放棄。

「點解又係咁！」嘉駿一氣之下，一拳打向那棵樹。大樹依然屹立不倒，也沒有半塊樹葉被擊落，倒是粗糙的樹皮擦傷了嘉駿的手。

「你唔好咁喇！咁樣你會受傷，而且對成件事都無幫助架！」藍朗蕎說，並趕緊拉開嘉駿。





「咁我地又可以點？我地已經行左大半個鐘，結果又係返來原點，一次又一次，點先可以離開呢到呀？你教我呀！你教我呀！」這是嘉駿第一次這麼兇惡的跟藍朗蕎說話。

藍朗蕎理解何以嘉駿變得這樣焦躁，所以也沒有怪責嘉駿。藍朗蕎溫柔的拍了拍嘉駿的肩膀，以示支持。

在得到藍朗蕎的諒解之後，嘉駿的心情也慢慢平復，開始平靜下來。

「太陽就落山，我地用太陽去定位，會唔會有用？」藍朗蕎也一起想解決辦法，嘉駿初初以為藍朗蕎是一個膽小懦弱的女子，原來到了絕境，她反而是一個善解人意的女子。藍朗蕎的表現，實在讓嘉駿改觀。男人需要的不是能幹的女人，而是一個會支持他、諒解他的女人。

正當嘉駿欲說話的時候，他的腦海忽然閃過一個片段，是一個他從沒經歷過，卻又好像真的經歷過的片段。

「左轉⋯⋯直行⋯⋯五步⋯⋯轉右⋯⋯石頭⋯⋯轉左⋯⋯」嘉駿放空的說著。

「嘉駿？你講咩？」藍朗蕎看見嘉駿有點異樣，感到驚訝。

「跟住我！」嘉駿說完便走，藍朗蕎不知就裡的匆匆跟著嘉駿就行。

「左轉⋯⋯直行⋯⋯再行五步轉右就會見到⋯⋯」嘉駿走得頗急，並依照著口訣去行。

兩人停下，然後驚訝的看著眼前的一塊巨石。

「點解你會知道⋯⋯呢到有塊石頭？你來過？」藍朗蕎驚訝的問。

「我都唔知⋯⋯不過跟住⋯⋯轉左直行就會出到去！」嘉駿興奮的說道，然後拉著藍朗蕎的手便走，兩人轉左直走，一直走一直走⋯⋯

直到看到一塊寫著「歡迎來臨幽山村」字眼的殘舊木牌。

「我地到喇⋯⋯」嘉駿說。

未完待續