自從那一天，我改變了: 最終章 (6)

~一星期嘅時間，話長唔長，話短唔短。
一星期之後，刷肩而過嘅人將會成為敵人，重視嘅人下一刻可能死喺我面前，甚至可能係自己。
個頭仲係好痛，自從生存遊戲之後，我個頭開始產生劇痛。腦海不斷呈視殺人嘅畫面。然後我個身就可以不受控制，性格都出現異變，好似變咗做第二個人咁。我感受到血正不斷地流身體每一個部位，腎上線不斷上升，心情非常興奮，對每一個每一個面臨死亡嘅畫面都非常期待。究竟呢一個「我」係人格分裂出嚟我定係本本來來為求生存而腦海內潛意識實行嘅「本我」？依家嘅我都搞唔清邊一個先至係我……
「你恨傷害過你嘅人吧？」
邊個？邊個係到講野？
「你唔係有你重現嘅人你需要保護咩？」
你究竟係邊個？出嚟呀！
「以你嘅能力，不論阿琪，皓宜，甚至你最心愛嘅夏村都保護唔到。你只係一位平凡嘅中學生，以你嘅能力根本做唔出大事，你需要嘅係力量……」
我個頭突然產生劇痛，果種痛好似將將整個腦袋撕開。呀……呀……好痛，有無人可以幫到我？
你究竟係邊個？做咩要折磨我？究竟有咩目的？




「我咪係你嘅『本我』，以前嘅你只係一個俾人蝦都唔出聲嘅中學生，遇到惡人欺負你表面上欣然接受，但你內心非常憎恨佢地。不過你又唔會同人講，你只係想喺眾人面前做一個乖乖仔，唔想俾並他人添麻煩！一味將負面情緒收收埋埋。人嘅容忍係有限量，總有一日，壓力會爆煲……」
咁我應該點算好？
「有冤報冤，有仇報仇~邊個以前蝦過你，你今日就好好嘅『報答』番俾佢地！」
我仲記得佢地將我由天堂打落地獄。溢軍﹑炎木，你兩條仆街。
「總算我無救錯你，哈哈！！！」
吓……？
「仲記得你喺『投票遊戲』俾人打到神暈癲倒，唔係我，你一早死咗啦。仲爛好人叫皓宜唔好打人，我真係笑咗出嚟！仲有『投票遊戲 改』都係我幫你諗到條好橋你地先唔洗死咋！」
唔通「做好人」真係無好報，「好人」呢個時代已經完結，只有犧牲他人性命，利用他人感情以及令人臣服嘅權力先能夠生存？
「做好人注定被他人利用，剝削，用完即棄。人與人相處本來就係工具嘅互用。你有啱嘅零件，借住嚟先，壞咗就換。完全只會貪新忘舊，你對人好，人地只會當做理所當然！但你對人唔好，人地就會記喺心中，有朝一日好好炮製你。呢種利己主義嘅相處你嚮往咩？」
……你所講亦不無道理！




彩華曾經講過，通過所有遊戲嘅人將會擁有一個願望。之前我仲衡量性命同物質嘅重要性。如今，我決定咗，呢個利己嘅世界唔係我嚮往，而我希望呢個世界只有和平，沒有紛爭，沒有欺詐，沒有貪念。而我要精通呢個遊戲，成為呢個世界嘅做物主。將一切一切反對我嘅人完完全全殺個遍地不留，創造一個屬於大家期望嘅極樂世界。
於是我拿起界刀，準備在呢個深夜刺殺溢軍同炎木，我相信佢地一定仲生存緊。
「溢軍，炎木，今日就係你地死期喇！」於是我從房面走出。
痛楚正不斷侵蝕我腦袋，我的慾望愈來愈強烈，這一個「我」才是真真正正的我，總覺得事情變得有趣了。
第一部End