自從那一天，我改變了: 番外篇 (溢軍)

~我係一個正宗毒撚，高又唔夠人高，話題又唔夠人多，放學番屋企淨係識得睇Av同打飛機，日日如是，我喺學校到都係獨來獨往。呢種無聊嘅生活就好似同坐牢一樣沉悶。
我好憎果個叫林優嘅同學。唔單止成績優異，而且性格爽朗外向，不論同性定異性都結交得到。最重要嘅係佢又高又靚仔。
就係多得呢種人，扼殺毒撚溝女嘅自由。
哇屌！呢條女幾靚喎，好可惜我只能夠上Fb，睇佢啲圖嚟手丁。
唉，溝女？這些機會不是屬於我。溝女？溝渠我就識！
「早晨呀，溢軍！話俾你知呀我今日……」
屌，條仆街又煩鳩住我。無錯，我同佢係朋友，但表面果隻囉！
有咁多朋友唔傾，做乜要搵我先，顯你夠高夠靚仔夠博學多才。
班婊子個個見到我同林優吹水，個個竊竊私語咁讚呀林優，然後禁低我呀埋。
我係毒但我有自尊囉屌你。當我係地底泥咁踏！乜野尊嚴都俾你搶哂啦。




「我真係忍無可忍啦！」
「忍唔到，不如唔好忍！」
「你係……？」
「炎木，其實我都睇佢唔順眼。講緊邊個，你知我知心照啦！」
哦……原來係炎木呀，講野非常之謹慎同小心。佢成績雖然同林優不相伯仲，同受歡迎程度就俾林優次一級，都係果啲問題，身高，樣子問題，好彩佢有散光。如果佢無帶眼鏡，真係柒到無朋友。
「你想搵我咩事？」
「呢到唔方便講，不如等放咗學之後我哋重詳計議！」
「嗯……隨便你啦！」
……
「有啲咩事要去到咁隱閉呀？」




「你咪好想整衰果條友嘅……」佢講到一半，頭擰向後面。
「妖，你又做乜勁呀？」
「說話呢啲野，都係少啲人知愈好！」
「唉……不如我地入正題！」佢不免太小心眼吧，我開始對佢嘅「謹慎」行為感到唔耐煩。
「你有無睇呢段新聞？」
「呢段……係面具人校園欺凌事件！」
「Exact7ly，呢班人最大特點，就係每次有欺凌事件都會有一個面具人喺到，貌似係成隊嘅老大嚟。呢類事件唔單止係果間學校發生，就連成區都泱及池魚。依家不論校方定警方都徹查好甘……希望可以將果批人繩之於法！」
「但面具人同我地要整死果條友有咩關係？」
「嗱，我地就一於「借『面具』殺人」！」
「殺人？」




「我屌你咩，咁柒大聲，嗱，方法係咁嘅……」
……
「林優，呢幅係咩嚟？」
「我同面具人……等陣，果日我只係跟住呢封匿名信去搵果個人，我估唔到呢一個人係面具人，我亦無同佢有交流，我更加唔係面具人嘅同黨喎！」
「冷靜啲林優，校方都相信你無做，然而相片喺手確實好難幫你洗白，但你俾多少少時間我去調查呀，真相一定會水落石出！」
……
「點呀林優？」
「我真係唔係佢地同黨，一定有人屈我……」
「林優，你嘅為人我最清楚，我相信就算有幾衰都唔會做惡霸欺凌弱小！」
「嗯！」
「現實就唔係咁講呀！正所謂人心難測，對人有一定嘅保留好啲，就算係至親嘅人！」
「喂喂！你好歹都係佢朋友，你唔係應該關心佢咩？」
「哼哼哼！」見到林優落樸個樣，我就最開心。
至從呢件事之後，雖然未查明真相，但其他人開始因呢個「現實」而疏遠佢。甚至連我當面恰佢，其他人不但視而不見，反而仲支持我，仲因為果條仆街成為我同其他同學嘅話題而加深同呢班嘅關係。
原來呢一班都係同一種心態，睇人仆街最開心！見高就讚，見低就踩。嘿嘿嘿！林優，你都有今日喇！




……。
「嗱，我負責淘番隻一模一樣嘅面具，你就責任打封信，之後聽日將封信俾林優，話你都收到呢封信。再之後我地就準備相機同面具，當你地一見面我就『咔唰』。最後將呢張相交俾校方，明未？」
我終於明白，出賣朋友所獲得嘅利益比朋友之間嘅情更實在。不，呢段情只係佢一廂情願……