自從那一天，我改變了: 最終話 (5)

~好痛，夏村無啦啦做乜打我喎。問下都唔得咩？我搓搓塊面，準備離開房間。
「好痛……咦！皓宜？」
我打開門嘅時候，見到皓宜一個人孤伶伶咁企喺門口。
「妳……唔係同靖仁一起落地下食野咩？點解……」
「我肚餓喇，不如一齊落去啦！」
「嗯……」
……
「小啫，妳杯芭菲！」
呢間別墅只係應有盡有，不論跳舞場所，房間，校服以及食物，就連服務生都有！
「唔該！」




「係呢林優呀，你唔叫番啲野食食下嘅？」
仲有咩心情呀皓宜！目賭一條一條嘅屍體，一位又一位嘅人死喺你眼前，果啲影像喺你腦海不斷浮現，諗起都想嘔。
「林優，呀~」皓宜將匙羹指向我。
「咩呀，呀？」我未反應過來，皓宜已將一羹放入口裏。
「點呀，芒果味嘅芭菲點呀？」
「甜帶帶酸……」
「林優呀，精神啲啦，你由頭先就係咁喇呆下呆下咁！」
「無事，只係有少少累啫！」
「嗱，食番啲冰涼嘅野醒神番啦！」皓宜將食剩嘅芭菲俾我
「知啦知啦！」




「皓宜，我唔好明，點解遇到咁多人死，妳都仲可以咁樂觀面對？」
「我記得有人講︰『開心又一日，唔開心又一日。為何唔開開心心咁過？』
雖然目睹好多人死亡，但我地亦唔可以由此而大受打擊，相反，我地要笑住活下去。預其懷緬過去，不如諗下下一步你應該點做。林優，你咪有好多同伴嘅，我相信佢地需要你，你千祈唔好沮喪。林優，笑住去面對難總好過苦口苦臉。係咪？你笑起嚟樣比起依家更有型！」
「……皓宜，多謝妳，妳係我不可或缺嘅同伴！」佢講得無錯，如今我唔再係一個人面對難關，而係同身邊嘅人面對。係呢個絕望嘅環境底下，我唔應該再迷失自我，而係成為眾人嘅明燈，成為大家嘅希望之光。皓宜，係妳啟發咗我！
「皓宜，士別三日，妳改變咗好多！妳比以前成熟咗！」
「邊係呢，嘻嘻……咦~」我向皓宜遞出右手。
「May I……？」