自從那一天，我改變了: 第二章 (5)

~眼見四人被殺，眾人被嚇到V哇鬼叫。
“乜隻遊戲唔係估錯十三次先當輸咩？無啦啦向人開刀做乜勁呀，反口咁話喎？“神少氣沖沖咁講。
“吓，我幾講過估唔洗死呢條規則呀？“忽然間映像出現了。
“仲有，我唔記得講，估錯嘅人就會好似佢地四個咁被分割成數得份，然後掛喺絞刑台到，如果你地全部死哂，咁人型人偶就會出現啦，啦啦啦啦啦~“
接着，映像再次消失了！
“可惡……居然有啲咁嘅規則！被耍了一道！“Vick說。
“但從好方面睇，如果唔係佢地，如果真係估錯，下個犧牲者可以就係我地！“鎮講。
“雖然呢個遊戲係唔限時，但我地一日唔答，一日都要被困喺到，我唔制呀！“Ben好唔滿意咁講。
“但點都要有名勇士去估……“Vick說。
喺你一言我一語嘅情況下，我企咗起身，走去舞台面前。




“優，你冷靜啲好喎，估錯你就……“夏村一面驚惶地同我講。
“預其坐以待斃，不如拼死一戰，而且人多雖然好辦事，但人始終係獨立個體，有唔同嘅價值觀，分歧愈多，就愈難達到共識。“無錯，我本來就唔願意打開心房去相任同伴。
“預其結伴，不如孤軍作戰！靖仁，呢個就係我嘅想法！“如果皓宜真係相信我，點解佢會講出一番冷血嘅說話，係佢改變咗我……
“林優哥哥！”阿琪捉住我隻手。
“阿琪，做咩事？”然後拖住阿琪一齊上舞台。
“我好驚，請你唔好放手！”
“嗯，但點解……！”阿琪只係一位嬌滴滴嘅細路女，我估係Form 1女啦，唔好話佢呀，就連我都係第一次見到血淋淋嘅環境，呢種場面我見到都有少少驚，更可況係一位細路女？
“同你一齊……我好有安全感，至少有我陪住你……”乜我真係咁重要咩？我只不過係一位平凡嘅人。面對我最熟悉嘅人，幫咗佢卻換來一句冷血冷語；然而面對無親無故嘅佢們，卻深深支持我，乜我喺佢地眼中真係咁重要咩？
“嗯！”我點點頭。
“T！“於是我地一齊大喊。




“唔好錯呀……“夏村默默為我祈禱。
“Bingo！估啱咗喇！“
黑板上顯示咗T呢隻字。
_ _ T _ O _ O _ _
“哇，你好犀利呀！“大家異口同聲。
“多謝！“
“林優！“
“嗯？“
“你唔係一個人戰鬥緊，至少仲有我！“夏村同我講。
“仲有我，你係我嘅同伴嚟嫁！“靖仁講。




“我都係！“
“仲有我地！“餘下嘅7個都係咁樣同我講。
“話說點解你會估係T嘅？“鎮開口問。
“我估T，其實係有原因嫁。因為吊頸遊戲同字母頻率有莫大關係！“我降釋道。
“根據赫伯特•S•基姆寫嘅一本書叫做"Code And Secret Writing，裏面提及到字母頻率。字母由我就多少排序︰Etaon Rishd Lfcmu Gypwb Vkjxqz。由於E呢隻字已經講咗，退而求其次T係第二個出現次數最多嘅字母，然而呢個只係一個參考……"
“N，我估N，我要好似林優咁成為英雄！“Vick大聲咁講。
“Wrong！“
接着Vick嘅身軀被分成數份。
“恭喜哂，又多一名炮灰喇，哈哈哈！“那個映像忽然間又出現喺我地面前。
“妳真係好可惡，妳唔覺得妳對手好污糟咩，親手殺咁多人？“
“我只係為咗消除一啲愚昧，弱小嘅人啫，仲有係因為我係神，我有權去淨化呢個污糟嘅世界！Bye！“
“嗚……又死多個！“阿琪哭泣道。
“林優！“
“嗯？“
“下一步應該點做好呀，啱啱佢講N之後就瓜咗，明明N嘅頻率係排第五，但係都……“神少說。




“唔通真係由呢個排序順住落去估，如果呢隻字有X Y Z啲字，我諗瓜咗都未估到喎！“鎮嚴肅咁講！
“H！“呢一句由夏村口中道出。
“夏村……你……“
生存人數：8人