自從那一天，我改變了: 第二章 (6)

~「H！」夏村說。
「夏村！」
「我決定咗，係H！」
「夏村……」
「優，就等我同你分擔一下風險啦！」
「……」
「Bingo！」
之後黑板上顯示咗「H」字。
_ _ T H O _ O _ _
「好耶，仲差五個炸！」琪說。




「夏村，妳……雖然H嚮呢二十六個字母內出現頻率整體上都算高，但點解……」
「你啱啱講嘅呢本書，其實我都有睇過，但我今次要解釋嘅唔係最常出現嘅字母，而係字母對。」
「字母對？」琪好奇咁問。
「即係由兩隻唔同嘅英文字母結合而成，而其中Th呢個組合係最為常見，例如Three，Fifth，There，Theme等等。」
「妳……妳真係好傻呀夏村，為咗分擔我嘅痛苦，居然想叉隻腳落鬼門關。」夏村明明同我一樣都係唔鍾意信任同伴，唔同佢俾身邊嘅靖仁感染咗？
我雙手搭住佢膊頭，眼眸留有一絲淚光。
感動完一輪之後，大家又沉於思考當中。
正當我地沉思嘅時候，圖像又再出現。
「Hi，大家覺得點呀？」
「妳呢條混帳，妳又想搞咩事呀？見唔到我地諗緊野咩？」




「咁好囉！我唔阻你地喇，仲諗住俾Hints你地添。」
「吓，唔好咁啦，唔知點解妳今日特別靚女嘅！」Ben收咗怒氣，面部露出笑容。
「哈哈哈，你真係賣口乖，我唔單止係一位靚女，而且係一位神，女神呀，咁我俾少少Hints你地啦！呢個字係一個名字。係咁先！」
「咪走住，我估到喇，婊子，答案係咪Mythology？」
「哈哈！不愧係Bb呀，係呀，答案就係Mythology，神明嘅意思！」
「咪講得咁噁心，我唔係妳Bb，仲有妳喺時候答我，妳搞呢啲遊戲嘅目的！」
「乜野你真係好想知咩？等你完咗下一場遊戲我咪講俾你知囉！」
「妳……」
「我知仲有一位叫皓宜嘅玩家，依家仲係第二到到戰鬥緊……」
「佢點呀？」




「到時你咪知！」然後佢對着眾人做鬼臉。
「皓宜！！！」映像又消失了。
皓宜！皓宜一定喺第二到戰鬥緊，皓宜，千其唔好死……
我粒聲唔出咁跪咗喺地下到。
「優，你已經好努力咁裝堅強，你需要一個哭訴同伴，係咪？」
夏村張開雙手，翹過手脾撫摸着我嘅後背，深深地抱緊我。
臉貼近夏村個胸，好柔軟，好舒服，我並沒有抗拒嘅意思，我對手穿過夏村腋窩以下嘅位置，攬緊佢條腰。
「如果你想喊，就即管喊啦！」
「嗯……維持現狀就得喇！」
一陣香味從佢身體撲鼻而來，呢啲香味應該係香水，以及我無法抗拒嘅女人味。
「好香……」
「嗯……」
眾人面面相覷，令整個氣氛變得好尷尬，突然間嘅一個提問，打破呢個冷場。
「話說林優佢點解可以一瞬間就講得出答案？」
「喺英文世界裏，唔同詞性有唔同字尾名首，而名詞嘅字尾有好多，例如︰ -Er，-Or，-Ce，-Cy，-Ty，-Ity，-Ist，-Ism，-Age，-Tior，-Ness，-Sion，-Ment，仲有就係-Logy！」




「補充一句，-Logy代表學科嘅意思，至於佢點解估到字首……」
「係因為Myth係神唔意思，咁樣先會切合佢地嘅主題。」
我擦乾淚水，延續靖仁餘下部分。
「係喎，我差啲唔記得咗！只要無人參與呢場遊戲都要接受懲罰，哈哈！」
接下來4位男生死於機械手之下。
「生存者︰林優，夏村，靖仁，琪！四名！」
……原來果句野嘅意思係需要估字先能夠通關。而琪因為當時陪我企上舞台估字所以無死到。
「好喇，係時候進行第二場選別遊戲 – 投票遊戲。改！」
生存人數：4人