自從那一天，我改變了: 第二章 (4)

~“吊頸遊戲！“
呢場應該係第二關嘅遊戲，以為第一關同第二關之間可以休息下，點知轉眼間又嚟另一場殺戮遊戲。
咦，我見到黑板則顯示了九行短底線。
_ _ _ _ _ _ _ _ _
“你地有十三個人，根據『吊頸遊戲』嘅規則，即係可以畫十三筆啦！“佢喃喃無語。
十三筆？根據呢個遊戲規則，即係十三次機會？
“好，呢場遊戲嘅規則非常簡單，就係估一隻英文字母，估啱就係你地赢，估錯嘅話，絞刑台就會模擬番個遊戲咁，會不斷出頭呀，手手腳腳之類啦！任何人都要參與遊戲，否則後果自負！好啦，遊戲開始！“
參與遊戲？係咪指只要參與討論便算係參與遊戲？
映像又消失了，我地議論紛紛，眾人於是介紹自己。
“阿琪！“




“神少！“
“鎮！“
“Vick！“
“Ben"
“仲有我地四個，我地係四兄弟，阿一，阿二，阿三，阿四！“
“我係靖仁，呢場遊戲嘅目的係希望我地團結合作，我相信我地十三個人都可以生還！“
“大家好，我係夏村！“
“林優！“
“除咗團結之外，呢場遊戲仲需要智力，仲有運氣……“
“怕咩喎，我地有十三次機會！“阿四講。




“係囉係囉，大約有二分之一機會啵！“阿二接住講。
“我有一個建議可以減低錯誤嘅方法。“鎮建議。
“由於每隻字都有元音，所以底線必定有A，E，I，O，U，中至少有一個，咁不如估元音先，大家點睇？“
“好！“大家異口同聲！
“但我有個問題，就係邊個去估？“Ben問。
頓時氣氛變得鴉着無聲。
“既然你真係為同伴着想，不如就由你先啦！”夏村用手肘撞一撞靖仁。
我點頭同意，人本性係自私，你死總好過我死，你死大不了喺世界上少咗一個人，對我本人無咩影響；但我死咗，我就唔能夠生存喺呢個世界到享受人生。
“好！“靖仁打破冷場。
“不過夏川﹑林優﹑大家，你地要聽我講，如果我能夠估啱字嘅話，我想你地成為我嘅同伴！＂




“吓，靖仁，你食藥食懵咗？估錯字有機會死喎，你用一條命去換取我地信任，咁樣真係值得咩？＂
於是靖仁企咗上舞台上。
“O！＂
“正確！“一把機械聲回答靖仁。
黑板的其中一行底線添加了“O“的字母。
“做得好呀靖仁！＂
“你好犀利呀！＂
_ _ _ _ O _ O _ _
之後我一手捉住靖仁，我唔明白，點解佢可以為咗陌生人嘅肯定要搞到自己上刀山落油鍋？我唔明。
“我只信人係自私呢個道理，你嘅行為令我感到非常討厭。＂
“林優，咁我問番你，你有無試過失去同伴嘅滋味？喺所謂嘅熱身賽，所有同伴一個一個都死喺我面前，我唔希望再見到類似呢類情況發生！不妨同你講，啱啱果輪死咗果位係我好基友，而唔係咩敵人，佢臨死同我講，就係要成為呢個英雄，寧可天下人負我，莫可我負天下人。如果你真係覺得我行為討厭，你接受唔到嘅，接落嚟嘅估字由我一個人都估。我唔想再失去任何同伴！＂
原來你喺之前嘅關卡都係一直相任其他同伴而存活至今，睇嚟佢唔係一名偽善者，而係一個真真正正嘅白痴，呢類人，喺人性角度根本解釋點解佢可以咁做，但至少換嚟一個又一個嘅安心，唔單止我嘅諗法開始有動搖，就連夏村佢都一樣。
“切！＂我對佢嘅言行不屑一顧，但佢喺我心中已經佔我心中一蓆位。
時間好快就過，大家又沈於死寂上。
“不如由你估啦！“神少指住Ben講。




“唔好，不如你去估啦！“Ben反駁。
“不如今次由我地四兄弟估啦！“阿三講。
“反正錯咗都仲有機會！“阿一同我地講。
於是佢地走咗去黑板到。
“A““E““I““U“
“錯了！“
接下來的懲罰是在數場試煉中最可怕的。
突然間有數把機械手手持刀刃以及電鋸，將他們斬成六等份，頭，身以及四肢。
然後把他們身體其中一部分放在絞刑台上，呈現出如３ｄ版“吊頸遊戲“嘅圖像。肉淋淋的身軀，嘔心極了。
“好可怕呀！“阿琪把面緊緊貼在我的身軀，手緊緊地捉緊我的腰，面上露出害怕以及滿面淚光。
“估錯的孩子，將會受到懲罰的！“
生存人數：9人