自從那一天，我改變了: 第二章 (3)

~「夏村，估唔到我輸俾妳嘅係數學頭腦。」
「不過，能夠睇得出先後次序正正係你。」
「嗯，根據圍棋規則，通常係黑棋為先，白棋為後……」
……
「從一開始，女神已經企咗我果邊喇！雖然擲公字得出嘅結論係你行先，不過你卻輸咗喺呢場比賽到。」我向David示意身邊嘅計時器上。
David見到枱上嘅鐘已顯示「00」嘅字眼。
「其實我講咗個大話，就係我根本知道先後次序，如果你玩過圍棋，你應該都知黑棋行先，因為黑子數目比白子多一粒。而呢張枱嘅顏色正正係顯示先後次序。我相信呢場遊戲次序就係用咗『圍棋』嘅開局方式。」
「咁你提出擲公字嘅目的係……？」
「為咗拖延時間！嗯，敗北嘅條件除咗係搶到「20」之外，仲有一樣，就係「超時」，而擲公字只係拖延時間其中一個手段，仲有就係 – 注意分散，將焦點放喺擲公字呢個遊戲到。」
「啪！啪！啪……」不愧係林優，居然連呢點都俾你諗到，犀利。」




突然間，激光從天而降，貫穿David全身，血濺向向四周，包括我塊面。
完結了，第一關是我勝出。
……
「林優，你都贏咗呀？」
「係呀！輸咗仲同到妳講野？係呢，妳知唔知靖仁佢去咗邊？」
「佢……佢喺果邊喎，但自從完咗場遊戲之後，佢就變到”溫溫櫈櫈”咁喇！」佢指向前方。
「喂，你做咩呆哂咁唔郁呀？」
「我救唔到佢……」佢指向對面條屍體。
「呢個係遊戲規則嚟，你唔洗擺上心嫁。」
「唔係，係我為咗生存而犧牲佢……係我親自用我雙手殺咗佢！」




「靖仁，你聽我講，呢個世界係弱肉強食。唔係你死就我亡，而且唔係以為幫到人就係偉人，他朝一日，佢未必會幫番你，甚至離你而去。」
呢一刻，我依稀記得皓宜同我講一句︰「你好可怕！」
明明想保護佢，卻遭受冷言冷語對待……
「我唔明呀！點解人要生存就一定要犧牲其他人？」
呢條問題我答唔到佢，個頭突然有少少痛。
「好痛……呀！！！！」
「林優！！！」
「林優！！」
……
「今日有位插班生嚟咗呢班呀！」老師邀一名女學生入課室。




「大……大家好，我叫皓宜呀！請大家多多指教！」
「皓宜， 過嚟坐啦過嚟坐啦！」
雖然已經中四，但我仍然係一個熱情外向嘅人，對其他人毫無防避。
「你好呀，我叫林優。」但至從果件事之後……
……
「皓宜！」我睜開眼，發現自己睡在夏村大脾上。
「好痛……！個頭仲痛緊！」
「皓宜，佢係邊個？」
「……」佢地聽到我嘅夢話，但見到我沉默，所以無再追問落去。
「無野，靖仁，聽住，人不為己，天誅地滅！」回想啱啱靖仁講嘅野，雖然我唔太認同，但我可以理解。皓宜佢曾經係我同伴，成為同伴嘅首要條件當然係互相了解對方。然而，靖仁根本連我內心想法都唔知，如何答應你的要求？
「比起呢樣，你無事嘛？」夏村慰問我。
「嗯……好番啲……」
「好喇好喇，十三位優勝者已經誕生喇，接住落就係玩呢樣野！」
接着，禮堂內忽然間冒起一個大絞刑架。
「呢個遊戲叫『吊頭遊戲』！」




生存人數：13人