自從那一天，我改變了: 第一章 (8)

~「雖然今輪投票唔俾公開自己立場，但無話唔俾用暗示嘅方式告知自己立場，所以我地表面無做野，但實際上我地喺背後已經做咗野，就係嚮背後畫圈圓交叉，告知立場！」皓宜解釋道。
「雖然唔知你地係咪好人，但我都多謝你地先！」那四個人道謝得來未免太眨義，於是她們戚刻急急腳咁行咗入道門到。而我沒有再理會她們！
以前嘅我，係一個非常開朗嘅人，所以結識到好多朋友平時嘻嘻哈哈，每日都有傾唔完嘅話題，自從遇到佢地，我改變了……
「你地咪走，我要搵你地算帳。」我怒氣沖沖，恨不得將他們碎屍萬段。
於是我「拉弓」，作勢要攻擊佢地。
「啪！」
「林優，你冷靜啲啦！」
我呆咗，呢一把，正正就係皓宜打嘅，面部嘅刺痛瀝瀝在目。
「你依家真係好恐怖……」
連溢軍同炎木都睇到目瞪口呆，但佢地都知再唔走就自身難保，然後佢地搭住膀頭往果道門前進。




「……」我無言以對，呢一句話係識佢咁耐最入骨嘅說話。
明明為咗保護妳，明明為咗掩飾自己係一個弱者，明明為咗生存，我不得不裝腔作勢，如果好似條死魚咁任人魚肉，我深信你同我一定死喺佢地手上。
眼淚一滴一滴落下……
「皓宜……」回神過來，佢已經唔見咗，可能佢入咗道門裏面，女人心，海底針……
「皓宜呀呀呀呀呀呀！！！」
……
「咦！佢係咪俾囡飛咗呀？佢地唔係一齊嫁咩，做咩得番佢一個嘅？不過，因為你地無一起入道門，你下一次挑戰將會進入我創做嘅世界，我地好快就會見面喇，林~優~B~B~」
喺一台控制室內，放置許多許多台嘅電視機，而每台電視機分別播放唔同玩家進行嘅選別遊戲，那名穿着黑色連身裙正坐喺果個控制台裏觀賞其中一個選別遊戲嘅實況，而果個實況正係林優果一場，而機械兔子嘅眼睛正正係監視器。
……
發呆都無用，穿過果道門係唔係遊戲嘅終點呢？於是我進入果道門。




「皓宜，妳喺邊呀？」雖然我入咗果道門到，但唔見佢嘅踪影，唔通果道門係隨機將唔同嘅玩家調配喺唔同地方？而呢到係禮堂？
眼前一看，見到有一男一女喺到嘈交！
「放手啦你！」
「相信我，成為我嘅同伴呀！」
「你講咩廢話呀，人與人之間本來就存在猜疑啦！」
「請妳信我啦，我地一定會生存嫁！」
「經過首輪嘅遊戲，我已睇透人性喇，咪煩我！」
「放心，有我喺到妳一定唔會死！」
呢個世界真係乜野人都有，果個女嘅係一個猜疑心重嘅人，而另一個人則是為其他人可以去到盡嘅男人，但我覺得呢類淨係識用甜言蜜語去迷惑他人嘅偽君子。
「哈哈哈！好一對情侶打情罵俏。」我打斷佢地嘅對話。




「我地唔係情侶呀！」兩個人異口同聲反駁。
「相信我，二人同心，其利斷金。」那個男仲死唔斷氣咁說服那個女的成為佢同伴。
「咪講咩同伴同伴啦，你幫人，人地未必會幫番你嫁，今啲事都係靠自己算啦！」我回憶番皓宜啱啱點對我，從而有感而發咁講出我嘅睇法。
「咦，呢位靚仔，估唔到我同你嘅諗法咁夾喎，係呢，你叫咩名？」
「林優，你地呢？」
「夏村！」
「我叫靖仁！」
「請問你地係咪識得嫁？」
「唔係呀，不過我地都喺嚮果道門走出嚟！」夏村指住果到門。
唔通呢個係四度空間嘅門？睇嚟皓宜真係被隨機分派喺唔同地方，可惡！皓宜，我真係唔明，當初點解妳要咁做……
「1，2，3……好！」忽然間喺舞台上出現了正在播放中嘅映象。映像裏顯示出一名女子嘅容貌。
「Hi，大家好呀，歡迎大家進入呢個『暗之區域』呀！估唔到你地可以咁夠薑一個人入嚟呢個世界，呢到嘅人全部都係你地唔識嫁，不過請你地放心，只要你地同心合力我相信你地可以精通呢個暗之區域嘅遊戲，喺參與接落嚟遊戲當中，我都希望你地唔好忘記呢到嘅宗旨︰重現希望！」
重現希望？團結一致？即係話只要相信身邊嘅人，希望之光就會向我地伸出援手？佢地真係值得我信任？
「至於之前果場遊戲，只不過係熱身賽，依家先至係試煉嘅開始！好喇，接住落嚟第一關嘅遊戲正式開始喇，呢個遊戲叫︰死亡二重奏！」
生存人數：26人