自從那一天，我改變了: 第二章 (1)

~死亡二重奏？即係要喺呢關連續挑戰兩場遊戲？真係有啲荒唐！
「依家兩人一組，然後搵個位坐底！」
地面突然浮現出許多枱同櫈，而且每兩張枱都係前後並排一起。就好似單對單面試時嘅擺法。
「林優，不如我坐你對面呀？好唔好？」夏村問。
我覺得呢個擺法係有佢原因。如果對面果位係你對手，咁我同夏村變相兩個只能活一個？
「嗯……預其坐我對面，不如坐隔離咪仲好！」
「嗯……都好喎，我相信有好多話題同你傾啫，尤其係果個！」於是佢坐咗喺我隔離，然後邊笑邊指住靖仁。
「林優，相信我啦，不如成為同伴，一起戰鬥啦！」靖仁捉住我前臂。
「得喇得喇，完咗呢場遊戲再同你講！」我對佢嘅言行開始感到少少不耐煩。
「你都去搵個位坐啦！」




「咦，林優，你將枱白色嘅，而我將枱黑色喎！」
我同夏村坐咗落將櫈之後，發現將枱同櫈變咗色。
「好喇！大家坐好哂啦埋？我依家講下呢個遊戲啦，呢個遊戲叫『奪命20』，我相信在坐嘅同學都聽過『搶20』呢個遊戲啦，呢一個好玩嘅數學遊戲，而每個人最少可以數一下，最多數三下。不過通關遊戲嘅條件同你以前玩嘅唔同，就係叫到20果時等於死亡。每個人最多只可以思考三十秒，如果喺之內都唔出聲，咁就代表棄權，棄權係會接受懲罰嫁。而呢到嘅人數有26位，完咗呢場遊戲之後，就會有13位玩家生存，喚然之，兩個只能活一個！好好加油！」
果然無估錯，對手果然係對面，陣間將會上演一場殺戮遊戲，唔知點解有種無比嘅期待，頭發出無比嘅劇痛，明明下一刻可能會死，但依家我內心感到愈嚟愈興奮。
生存人數：26人