自從那一天，我改變了: 第一章 (7)

~眼見四位同學不知所措，但我地胸有成竹。
於是我地好早就已經投咗票，在剩餘的時間裏，炎木同溢軍就對我在上回合生還一事心存疑惑。
「話說呢，你條仆街唔係應該喺上回合死咗啦咩？點解你無死但投「No」果班人就香哂？」
「你梗係想我死啦，但無咁易，係你叫呀皓宜除我對鞋果時，你已經註定殺我唔死。」
於是，我拎咗部電話出嚟，用個Nose頭開鎖。
「吓，你點做到嫁？」
「我反問番你，點解你禁部電話有反應？唯一原因係『溫度』，由於人係有體溫，所以唔單止用手可以開電話，而且連其他部位都可以令部電話得以操作。例如腳趾，手肘，甚至舌頭。」
「原理我明白，但部電話點解可以無啦啦喺皓宜手上？」
「當我發現你地用暴力對付我嘅時候，我就發現用正常嘅方式係打唔贏你地。所以喺第二輪投票之後，我就一早喺第三輪果時投咗票，然後先捉住阿Lu，妨礙佢投票，令佢因失去投票權而死亡，之後我知道你地會『以其人之道還治其人之身』。所以我同皓宜講我部電話嘅位置同嘛你嘅下一步。因為你嘅本性鍾意操控他人，以突顯你嘅地位，但好可惜，『聰明反被聰明誤』，皓宜表演慾強，佢好快就代入一個被操控嘅角色……只不過估唔到你真係一個變態佬，叫哂成班剝我光豬，搞到成班好Hehe……」
因為俾隻機械兔聽到就必死無疑，所以我地只能悄悄話。




「點算好呀我地？」對面果四個不知所措。於是皓宜走咗過去……
「終於完結喇，又係我點票時間
Yes︰4人
No︰4人
棄票︰0人
無人死亡，Congratulation，大家通關喇！」
黑板面前出現咗一道門，看似能夠穿去其他空間。
「嘿嘿嘿……溢軍，炎木，係時候搵你地進行『結帳』喇！」
生存人數：8人