有個混血妹同我講，話想同居: 突如其來的狐狸雨
雪兒她們在遊戲機中心打了兩小時電動，他們之後沒有去吃甜品或幹嘛，眾人反而各自歸家
原因是眾人經過了兩小時的激戰後，他們都感到累了
話說，女孩子夜歸，有男生接送會來得安全點吧
當了舒雯男友的Daniel，當然會把握送舒雯回家的機會，好好親熱一下，再怎麼說，他們都要一點屬於她們的空間吧
上一次是他送雪兒回家的，可都是他還是available時的事，現在的他是想多點和舒雯相處，始終二人還是熱戀中的情侶來着
那男神就負責送舒兒回家了，另一位女生雪兒總要有人送吧，就在這時候焌文擔當了這重任
此時的二人，正在走回大宅前的那段路
「大小姐」
「唔？仲咩呀？」
「Sorry」
「好哋哋仲咩講呢啲丫？」
「原本好好哋嘅，點知就因為我.......」
「傻嘅，朋友會鬧下交嘅，係在乎對方先會姐，如果唔係就唔會咁啦，其實你都係為佢好姐」
「都唔係完全係咁嘅，有一部分都係我真係好肚餓」
「知啦，你一肚餓就會爆計呀嘛～你次次都係咁架啦」隨着二人相處的時間多了，雪兒多少的知道焌文的性格還有習慣
女人對男人的行為，是會非常的留意的，當然只是講關係好的那些.........例如雪兒和焌文
而女神呢，係唔會去留意兵仔嘅任何嘢嘅,for sure.唔好講會理下，係連知都唔想知
「不過你呢都要control下自己啲emotion，下下係咁都唔係路」
「盡量啦.......」
「咁就乖啦～」雪兒對着不坦率的焌文，溫柔的說着
「咪咁啦，我又唔係三歲細路哥」
「係咩？」雪兒捏着焌文的臉蛋說「unguuugu～」
「喂yaaaaaaaa~!」被雪兒捏着的焌文說得不清不楚的
「好，如果你可以控制到嘅話，咪唔當你小朋友囉～」
「車！龍門任你擺，你點講都得架啦！」
「係架啦，唔得呀～」
「話說你咁夜返，你屋企人唔會話你咩？」
「唔會啦，佢哋都咁忙～」雪兒沒有向焌文道出事實，而事實是她父親不會去關心她的事，是連講早安也不會講的那種，而後母就更不用想了
「其實無論係咩人，都會有自己嘅煩惱。好多人人只係睇到上流人士風光嘅一面，就好想嫁去豪門點點點。我哋啲窮人就煩緊錢，供樓同養老豆老母
而我哋有嘅家庭溫暖，係你哋嚟講，係幾咁遙不可及........」
「所以都唔知係咪好事嚟........」
「咁呀？一係咁啦你上嚟我屋企食飯囉。雖然唔會做到你屋企嘅水準嘅水準架啦，都係啲家常小菜咋」
「你咁叫人上屋企，auntie唔會話你嘅咩？」
「車～同佢講聲就得架啦」
「你係咪隨口講下咋？」
「先唔係，我唔係隨便叫人上屋企嘅好唔好？你想上嚟咪打俾我囉，不過要早啲下，點都要準備下架嘛」
「聽住先啦～」本來並肩而走的雪兒，走前走了幾步後，彎下身的她停下來對着焌文說「話說西米露，你想唔想有細佬妹架？」
「呃........我只想要呀妹，感覺有細佬會好煩」
「係你會驚細佬同你爭女仔嘛？」雪兒用懷疑的眼神看着焌文
「唔係呀，只係我鐘意照顧女仔多啲」
「ar fa?我覺得你會係啲狂mon住個妹，唔俾男仔埋佢身個啲呀哥囉」面對着焌文的雪兒，慢慢的倒後走
「咁正常做呀哥嘅，都要SCAN過啲仔先得架嘛，我唔想佢俾啲仆街仔hurt親」焌文本身也是個男生，他當然知道男生會出什麼招
「提起呀妹都咁啦，如果俾着你有個女，你會更加勁囉。哎，我登你個女慘」
「唔通俾人呃好咩？」
「如果有你咁嘅呀哥就好啦」雪兒抬起了頭，轉身繼續的走
此刻雪兒想的不是甚麼人，而是她父親（如果佢有咁好嘅話，而家屋企都唔會搞成咁）
背對着焌文的她看着天空，想起她的生母如何的照顧她
至於在後面的焌文，也沒有講話，只是安靜的陪着雪兒，他可以做的是在後面默默的支持她
走着走着，兩人終於走到朱家大宅前面
「我到咗啦」
「唔，沖完涼wts我啦」
「知啦，快啲返屋企啦你都」
「唔，bye」
「多謝你送我返嚟呀，bye」跟焌文道別後的雪兒按下門鈴，有一位身穿制服的保安人員為她打開了門
準備進門的雪兒轉頭一看，看到焌文還站在剛才的位置上
「仲咩呀你？」
「等埋你入門口先走，得唔得？」
「傻瓜」雪兒小聲的講了聲
「咩話？」
「無事呀」雪兒踏進了閘門，她向在門外的焌文揮手「走啦你，byebye~」
「我真係走架啦」
「快啲走啦你！」
「唔，bye」焌文舉高了手，他想看着雪兒歸家
「byebye長氣仔」就這樣，門就被關上了
「雪兒」雪兒進了房子裏面的時候，在玄關等候着她，是視她為親女兒的家雄
「sorry ar雄哥，我今日無買雪蛤糕俾你....下次我會記得架啦！」雪兒對家雄做道歉的手勢，這時候她還不知道接下來會發生甚麼事情
家雄未有說話，雪兒只見他神色凝重的看着她
「係咪發生咗咩事呀，咁樣嘅你？」
「我等你，係因為要事搵你」家雄的聲調變得陰沉，是發生了大條的事情才會這樣的吧「老爺叫你上書房搵佢」
「好」雪兒將鞋子放好後，就往書房去了
（敲門聲）
「入嚟」在看着窗外明月的朱父，叫在門外的雪兒進去
「朱生」雪兒沒有用（父親）這個的稱呼，反而用外人的身份稱呼他，即便兩人是親生父親
「坐丫」
「咁夜返嘅？去咗邊呀？」手上拿着紅酒杯的朱父冷冷的道，正如雪兒和他提出要辦生日會的那次一樣。他的語氣，與其說是父親和女生間用的，倒不如形容為老闆跟員工那種從上而下的口氣
「我同舒雯去咗玩姐，nothing special」雪兒坐了下來
房間的設計簡潔，有的只是一個大座牆櫃，還有一張書桌
櫃子裏有着滿滿的參考書，更有一些經典的文學作品，不論是古今中外的作品：麥田裡的守望者、絞刑架下的報告、1984、四書五經、西廂記……可見
在沄沄書海中，有一種非常顯眼的書是常人不會看的，是帝王學的書籍。作為社會上層的存在，朱父對帝王學有所研究
「哦，咁呀？幾好丫」朱父沒有進一步的回應，他喝了一口紅酒「所以就記得玩，唔記得要去event…」
「so?」
「你好意思同我咁大聲so?你知唔知而家你嘅生活，都係靠我支持住咋？！」朱父將酒杯放下「如果無我接返你，你訓係邊都唔知呀！叫你去event都唔得下？」
「係咩？真係辛苦你囉」雪兒對着朱父冷笑了一下，明顯的她沒有要讓步的意思
「我養你，唔係應份！我可以唔理你都得！」朱父聽到雪兒反駁他，他不爽的回應着
他認為無論如何，自己都是對的「呢度無人可以咁對我，包括你在內！」
「生完仔，養仔係天經地義嘅事。你唔好當呢樣係恩賜啦，係責任未做好前，唔好要求人俾面你，okay?
你唔係同我講你爽完個三秒之後，就無諗住要照顧我？咁好心你戴dum啦，咪唔會有我係度囉！」在朱主席講完過份的話後，雪兒接的話也變得尖銳了
「你問心呀，你點對媽咪呀？到咗死前個下，佢都仲叫我原諒你，話你有自身嘅痛苦……
而家我就睇唔出你有幾痛苦，只係見到一個負心漢加負分嘅生父姐
俾你咁treat法,我點都原諒唔落，睇住佢因為你而搞到咁……你仲好意思嘅？
口口聲聲話咩要家庭合一，最唔合一嘅就係你。我知，你係外人面前就要做好人，要有好形象呀嘛，於是就做埋啲門面功夫。一關埋房門就完全變咗另一個人，如果係要嘈嘅，就好心咪係人面前扮親切啦！It’s so disgusting okay?」
「如果唔係要個新project順利啲，我都唔會接你返嚟」
「咩話？」父親道出驚人事實，雪兒沒有想過被接回來是有這樣的原因
「集團係新界有個酒店項目，有相士同我講如果想順利發展的話，就要set個陣係度……
當然，要成事唔可以只靠放幾舊石，同埋有放幾張符就得啦，仲要加埋一啲行為先完美
佢同我講如接返你係度住，可以令投到標嘅機會提高
我係睇在生意份上，所以先勉為其難咁做。你唔想對住我，我……又何嘗唔係先得架？」朱主席靠近雪兒的耳邊道，而他面容亦變為魔鬼般的扭曲
「好在，而家已經投到，你……已經無價值架啦，知道嗎？」主席拍了拍雪兒的肩膀
「係咩？好在我無相信過你」嘴上說不在乎，但此刻雪兒卻在流淚
「我都唔在乎你信唔信我，你真係同你呀媽一樣，咁單純咁天真
講返呀，站立係人道立場考慮，我已經俾咗生活上要嘅嘢你，知你要錢我每個月都有俾錢你啵……係度你有高床暖枕，想要嘅都可以得到，有咩唔好？」朱主席沒有一點兒的感到羞愧，他反而冷笑了一下。可以這樣理解：他已經完全失去人性了
「你認為錢可以解決一切咩？！呢個屋企就係因為錢同權力而suffer
我最想嘅唔係錢呀，而係一家人齊人咁係度食餐飯咋
人哋啲家庭點都好，都會等齊人食飯呀，你話人哋無錢／無咁好生活質素，咁又點呀？
佢哋有嘅溫情，我從你身上無感受過
有人話家庭就係最好嘅避風港，乜呢度有過咩？我係呢個豪宅，感受到嘅只是無形嘅壓力……係出面已經要帶住面具同對住啲虛偽到不得了嘅人啦，估唔到返到嚟都係要累鬥累！
同樣嘅，我只感受到銅臭味同埋每個人冷酷嘅目光。可能你對住另一邊家庭會有嘅，不過你唔可以話對我有給予任何感情
你話我同媽咪無得住豪宅，但個短短幾年嘅時光，我反而覺得okay，係屋企我真係有被愛嘅感覺
婆婆就更加係，係佢用咗行動教咗我，咩叫愛同點對人好。佢當我係親生女，多過係外孫女咁照顧，
岩岩去美國嘅時候，我成日都諗起媽咪，每晚都喊到訓唔着，係佢摸住我個頭哄我訓……
係佢，令我知道我仲有親人嘅
而家屋企係連最簡單嘅呢樣嘢都做唔到呀！你明唔明呀，朱主席！
如果錢可以買到美好嘅家庭時光嘅話，無論要幾多錢我都買
你講到錢真係咁萬能呀嘛？朱主席開個價呀，你要收到幾多錢先得呀？」
「如果真係俾個價你，你係咪出得起先？
你要知道，每日我日理萬機，秒秒鐘幾千萬上落，邊會有咁多時間同你玩？你唔好同我咁任性，我而家肯同你講咁耐，你應該心存感激至係！」
「如果你早啲俾時間落媽咪同我身上的話，相信成個屋企都唔會好似而家咁？
難道你就唔可以將少少時間分俾我哋？
想同你傾下計咁平常不過嘅事，都要同你make appointment先得，由細到大都係……唔係啲外人呀，係個女，一家人嚟架
每次想同你分享學校嘅生活，你就一句”無時間”打發我，就好似五歲個年咁，
我想同你講……」
「我有關心過你架，你唔好亂講」
「有，不過次次都係問成績囉！每次可以同你講耐啲，都係你問我囉成績表嘅時候
呢啲叫關心我？你係擔心我落你面嘛，而唔係真心睇下我返學返成點
你係關心嘅，就點都會bit到啲時間出嚟啦，唔好講多呀，夜晚用返15分鐘傾下計都得嘛？」
「就算真係錯哂都好，你唔係叫堂堂明朝集團主席，係你面前道歉呀？
Too young too simple sometimes naïve
你要我做乜，我就做？以後我點掌管集團，又叫啲人點會聽我支笛？」
「你乜咁做過啦，有咩係做唔出呀你？係呢個時候，你好意思同我講面子問題？」朱父本認為他的話可以令雪兒停口的，但事實是他沒有這樣的能力和資格
「連一個普通daddy做到嘅，你都做唔到，有咩資格講呀你。
問心呀，你點樣對我？」
「你要嘅，我都有俾你。咁仲唔夠咩！你仲要求啲咩呀？」
「除咗錢之外，乜你仲有其他嘢咩？
先唔講話叫你為其他人做咩，就連對老婆同個女，你都完全一點兒都無在乎過
每晚開飯嘅時候，你去咗邊？
我最需要人係身邊嘅時候，你去咗邊？
呀媽係醫院訓緊嘅時候，你去咗邊？
當學校旅行，啲同學個個都同父母玩得好開心嘅時候，你又係邊？
媽咪喪禮當晚，啲親友無論幾忙，都會盡量抽時間見佢最後一面。你同媽咪嘅關係，照計比起佢哋來得密好多丫？佢哋要嚟嘅都嚟哂，就算嚟唔到嘅，都有送個花圈致意
你？唔好話要你朱主席來臨現場，你連花圈都無個，係你眼中究竟媽咪算係咩？
唔好俾我講中，你都係去咗半島同其他女人一齊咋？」
「咪玩啦，對於呢個女人，我已經無任何興趣，更加唔想知佢嘅事……佢生，定死都同我無關
男女分開咗就唔應該係埋一齊啦，妹妹仔？教精你呀，人要向前望，過去咗嘅事就唔好諗」朱父口中的那女人，指的是紫凝
「做人做到無感情，生存嚟有咩用？」
「呢句係咪個老嘢教你架？係而家，已經無呢支歌仔唱，幾廿年前都可能得嘅,maybe？
而家呢個時代，無人會同你談感情，啲人行埋你度，為嘅都只係錢同利益，你估真係中意同你相處咩？」
「佢係我婆婆，你唔好用咁失禮嘅稱呼嚟講佢老人家，你講邊個都得，係唔可以講佢同媽咪」雪兒怒目瞪視朱主席，明顯的後者已經踩到地雷了
「睇住呀，之後究竟係你岩定係我岩？」
雪兒沒有講話，她只定晴的看着朱主席
「望住我仲乜姐，你咪都係乜都係做唔到？就同你個好媽媽同grandma一樣……
如果我係你，我會乖乖……」就在主席講得正爽的時候，雪兒拿起了桌面上的紅酒，她將酒潑到朱父的西裝上
「對唔住，我諗同你已經無咩好講，多謝你呢幾個月嘅照顧」
結束了對話的雪兒，急步的跑回房間內
「喵～」(咁晏架你，仲唔快啲同我按摩！)
「小冰，我哋走」雪兒流着淚的從房間拿起貓用寵物袋，還有將桌上的課本、筆記等拿到書包內
「喵？」（咩事？究竟發生咗咩事？）小冰看到雪兒急忙的收拾行裝，不在狀況的她驚慌的叫了聲
將書包背到身上的她，同時打開了寵物袋，雖然是這樣的氣，但雪兒還是溫柔的將小冰抱到貓袋內
行裝都收拾好的她，快速的走到樓梯處，好死不死的雪兒和兩個同父異母的妹妹在樓梯相遇了，二人是要上去房間休息
「咁急呀你，趕住去邊呀？小心行呀……」
「家姐，咪講啦，人哋已經喊到咁，仲講人哋就頂唔順架啦～」
二人是知道雪兒要下去的，可兩人沒有要讓開的意思，她們並排的走着，剛好擋住了雪兒的去路
「唔講嘢呀？咪認為喊就有人可憐你」美怡看雪兒不講話，就更用力的調侃她
俾無禮對待的雪兒沒有要做什麼，她只是繼續的走着。當走到二人的身邊時，她用肩膀撞開了她們
「你無嘢呀嘛？無啦啦發咩嬲呀，孽種！」
「你講咩話？講多次？」本來沒有表情的雪兒，在樓下看了上去，和平時的她不同，這次她的眼神可以用恐怖來形容，從眼神可以看得出來，此時的她是招惹不得的
「如果我係孽種的話，你哋都係。點講都好，都係同一個男人嘅種」看到這樣的雪兒，霸氣外露的雪兒，兩人嚇得出不了聲
「都夜啦，我…我哋上去……」蕊怡強裝冷靜的說着，但內在的她是在害怕，在怕雪兒下一步會做出甚麼行動。因為在崩潰邊緣的人，是甚麼也做得出的
雪兒繼續的走向門口，在門前的是和她要好的管家－家雄
「雪兒……」他沒有多說甚麼，只是輕輕的叫了她的名字。家雄知道雪兒要走的心意是何其堅定，他有想過要留着雪兒的，可更想的是告訴她，在這大宅裏，還有他在真正的關心她
「家雄，我真係要走啦。對唔住呀，返嚟無耐又要走……」面對着和藹的家雄，雪兒的表情從眉頭深鎖中略為放鬆，她好不容易的揚起了笑容，為的是家雄好過一些，還有不想家雄為了她而擔心
「如果有機會的話，我哋一齊食雪蛤糕丫，好嗎？」看到為他而強顏歡笑的雪兒，家雄的心情變得更加沉重
「唔好咁啦，我會唔安樂架，我又唔係要死，點都會機會再見嘅……」傷心着的她，此時反而在安撫着家雄的情緒「不過，可能要等你放假先得啦」
此時的家雄眼泛淚珠，他只是輕輕的回應：「好呀，你記得先好」
「得啦」如是者，雪兒就在家雄眼前離開了
這時候，家雄想起了紫凝離開的背影
同樣的，兩母女都是這樣的，突然的說要離開
同樣的，把自己悲傷的樣子收起，對他作出最後的笑容
也同樣的，約定要再見
家雄跪倒了在地上，對於自己的無能為力，他感到無比的自責
無論是對紫凝，或是對雪兒。
想不到，在這家最愛最在乎她們母女的，不是其他的家人，而是沒有血緣關係的家雄
不同於他人，家雄不是為了錢，或者好處，原因很簡單，只是因為那顆純粹而真誠的心
在這世道上，這簡單不過的情感、心意，想不到是最難得到的
一段關係，不是只由其中一方單純的付出，要的是雙方不作計算的對另一方作出關懷、付心時間、心機的，所以父母通常都會告訴我們，當你有，不要輕易放手，反而是要小心翼翼的經營、珍惜
尤其是這個把人情當垃圾的時代……