有個混血妹同我講，話想同居: Silent night, lonely night
「妹妹仔，你要去邊架？」
「……」老實說，混血少女此刻想不到要去甚麼地方的，但為了不礙着司機，她隨便說出了一個地方
「尖沙咀碼頭，唔該」
雪兒一直強忍情緒，直至走出朱家的閘門
離開了眾人的視線後，她再次哭了起來，而家哭得比剛才的來得更淒厲
她拿出了手機，繼而撥起了一個熟悉的電話
此時不知何去何從的雪兒，失去了家人，還有失去了最後的歸宿
在哭着的她，想着的是那個無論任論發生甚麼事情，都可輕鬆解決
雪兒不是想他做什麼，只是想聽聽他的聲音，不知怎的少年的聲音有一種令人安心的感覺
（西米露……）
眼淚滴到她腿上的照片上,剛好滴在紅髮少年的臉上
******************
焌文家
名為翠婷的婦人正在沙發上看着電影，而盤着腳的她還抱着一包大洋芋片
婦人身穿睡衣，頭髮被綁成馬尾狀的樣子。有別於平時上班的樣子，她沒有要作打扮的意思：
難得在家，她沒有要外出的打算，只想在家好好休息一下而已
(開門聲)
「返嚟啦，無食糖水嘅今晚？」翠婷邊吃着洋芋片邊和焌文講話
「無呀，打咗成兩個鐘機，佢哋話攰咪無食囉……」
「你啲壞鬼後生都無用嘅，打兩個鐘機就唔掂！你呀媽以前打完通宵麻雀返學，都無叫攰啦！」翠婷將播放着的電影暫停了，畢竟她沒多少時間和焌文談話了，無論是怎麼無聊的話，她都想跟他哈啦「送咗舒雯返去未呀？」
「使咩我送呀？有人做護花使者啦，邊輪到我？」
「你哋又嘈完嚟呀？好心你就下佢啦，點講都好，佢都係女仔嚟，要人錫架……」
「唔係啦，係終於有人哽咗佢」焌文未有將事實的全部說出來，他不想因而被念個不停
「咁講都有嘅你……俾佢知道？打死你呀」
「呢個男人婆，係男神先話佢好」焌文把鞋子放好後，就坐了在翠婷的旁邊「俾塊嚟丫」
「男神？邊個男神呀？」翠婷將洋芋片遞給焌文
「咪就係上年等囉成績表，同我吹水個個囉」
「哦～不過講開又講，佢又真係好靚仔」講這句話的同時，翠婷陶醉的樣子被焌文看到了
「你冷靜啲好嗎？你連弟弟都唔放過？」
「咁望下靚仔姐，又唔係要食佢…」說着說着，鼻子靈敏如緝毒犬的翠婷從焌文身上，聞到從未從他身上有過的味道：有別於平時的煙味，焌文身上有一陣女孩子的香水味
無論甚麼樣的情況，焌文都不會用香水的，頂多是止汗劑而已「文仔，咁大陣香味嘅你？」
「係咩，可能係大小姐啦」焌文拿起衣服來聞
「哦～美國返嚟個個呀？」
「咪就係佢囉…等等，我無同你講過佢係美國返嚟架？你點知架？」
（shit,講多咗…）「你估下？」
「好可疑啵你～」焌文矇着眼的望着翠婷「下？」
「唔通我知又要同你講咩？」（呃住佢先，就當係珊妹同我講）
「即係珊姐同你講架啦？佢兩個都係受保護動物，睇少陣都唔得…」
「咪幾好～你想對住佢哋呀，定係對住啲港女公主病呀？」（好彩，佢信咗姐）
「講到咁就無得講啦……」
「咪成日叫人大小姐先得架你！好心你啦，人哋叫雪兒呀」
「真係同個名一樣，成個細路妹咁傻下傻下咁……」
「都幾得意呀，有女神係身邊…」
「哎…而家女神呢個字俾人用到濫哂：只要四枝健全，五官存在，用美圖app仲勉強執到個樣嘅，都叫得做女神……
明明以前女神係靚女專用嘅，而家？就同茶餐廳呀姐叫人靚仔靚女一樣咁common，係女嘅都係女神…」焌文講得有點喝，他到廚房打算沖熱茶來喝
就在這個時候，有電話來了
（矛盾只因深愛著，你知嗎？）
「一講曹操，曹操就到」焌文接聽了電話「喂？點呀，咁快就沖完涼啦？」
「……」
「大小姐？」雪兒沒有回應到焌文的話，焌文隱約的聽到有抽泣的聲音
即使雪兒沒有回應，但焌文沒有把電話掛掉，他怕的是如果掛了，雪兒會做傻事
「西米露？」停了一下後，終於有所回應了
「係～我係度…」
「點好呀而家我……」
「發生咗咩事？」
「我……我」
「？」
聽到焌文的聲音後，雪兒反而哭得更厲害了
（喊聲）
「呀爸……佢……話我無利用價值，我係咪好多餘？」哭着的雪兒，話說得不清不楚的
「佢點解可以咁講架？條仆街有無打到你？」
「無…」
「你而家係邊？我而家出嚟搵你」
「尖嘴海旁…我走咗出嚟」
「好，等我，好快到」焌文將電話掛了後，急忙的要離開家裏
「咩事呀？」
「大小姐同佢老豆嘈交，個男人講咗啲過分嘢……」
（個賤人……係紫凝先會幫佢講說話）
「咁你快啲出去啦，唔好要人一個女仔等呀」
「點解你唔問我」
「得…就咁話」
焌文走出門後，坐在沙發上的翠婷沒有繼續的看電影
反而是走到露台的位置
婦人將茶具放下在木製的桌子上，然後慢慢的坐下來
看着滿天的繁星，翠婷露出了一彎的微笑：一來是因為奔波勞碌的她，鮮少抬頭看天的機會，二來是她對緣分這回事的驚歎
平常的人非常害怕獨處，而婦人卻在享受着這樣的時刻
默不作聲的她，在跟遠在他方的友人對話着……
（交俾啲後生啦，我哋做到嘅，只係默默咁支持佢哋…係咪呀？）
********************
這晚的尖沙咀，比平時來得更熱鬧
無他，這是失身夜平安夜嘛
而離家出走的少女，則獨自在海旁的大道上走着
少女本來是想忘掉剛才發生的事，到來後卻發現只有徒添傷感的份兒
少女的前方有不少人是一家大小的來：有一個男孩被眾多的長輩圍着，受盡寵愛的他被哄得笑個不停的
另一邊是一家三口的站在圍欄前看海境，而父親不時的將男孩子抱到肩膀上騎
抱着父親頭的小孩，用着另一角度看世界
除了全家動員的到來的，還有些教徒在佈佳音，他們的歌聲滿佈在各個角落上
成員們整齊的排列着，並同樣穿着了紅色的外套還有帶上聖誕帽
在歡樂的氣氛下，哀傷着的雪兒明顯地格格不入
其他的人在和親朋歡樂相聚，只有她是孤零零的樣子
過往的聖誕節，都有外婆在身邊，而外婆都會為她準備豐富的晚餐
話雖只有二人，可對雪兒來說，卻已經是夠她樂個幾天的事了
只因，這個家有愛在當中，是雪兒非常渴望的一回事
當然，小時候的她曾經想過可以和父母二人共渡聖誕的情景
深信每個小孩都想有這樣的時光吧，再怎麼說，父母在小孩心中的重要性是不可替代的吧……
過了這麼多年，一切都還是未能實現。即使是現在，她想和父親一起共渡晚上的時光，就已經是近乎沒可能的
就算就邊的環境如何，雪兒都沒有看的心情
維港兩邊的大廈佈滿了聖誕的燈飾，可五彩繽紛的燈光，照不亮她的心
而不斷的吹着的寒風，吹得雪兒身子冷，還把她的心吹得更冷
有點累的她，到了上次和焌文談天的位置，就坐下了
她將貓袋輕輕的放下，並坐到袋子的旁邊
雪兒身邊的，都是成雙成對的男女
他們都是相互依偎着，或者在甜蜜的聊天
看到這樣的情景，她回憶起一件令她心死的事
一年前
那時雪兒跟Brian已經交往了半年，而這也是她的初戀
每個女孩都有想過和男友共渡甜蜜聖誕的情景，雪兒亦是當中的一員
平安夜前的一晚，興奮得很的她緊張的睡不着
當天晚上，雪兒照舊和外婆吃晚餐，不同的是她吃過飯後就和男友外出了
為了這次約會，她作了精心的打扮，為的只是令兩人有難忘的回憶
此外，雪兒戴上了一條長頸巾，她是想和Brian共用同一條頸巾
這晚的紐約，正是下雪天。在寒冷的天氣下，和另一半依偎着，那是多醉人的情景呀
到了會合的地點-中央公園，
雪兒到了的時候，Brian已經站好的等她了
看到Brian的時候，她就立刻上前拖着男友的手
「等咗好耐啦？」對唔住下，為方便起見，我都係打返中文把啦
「唔係，我都係到咗無耐」
「咁行啦，我想快啲睇到棵大聖誕樹呀～」
二人就開始走往目的地－Rockefeller Center了
沉醉在浪漫氣氛的雪兒，慢慢的感覺到男友拖手的力度不如以前般用力了
是有點在敷衍她的感覺
（應該係天氣太凍，所以佢先係咁嘅姐，無事嘅……）傻傻的雪兒還在這樣想
「Brian，無事嘛？」
「無事呀…」男友隨便的答了一聲
此時的她，還不知道接下來有什麼事情在等着她…
到了Rockefeller Center的聖誕樹前的時候，Brian開口了
「Sherly，我有啲嘢想同你講…」
「仲咩呀？」（唔知，佢想同我講咩呢？）
「其實……」
「咩姐？快啲講啦～」
「我哋分手啦…」Brian將雪兒的手鬆開
「點解無啦啦講呢啲嘅，你講笑咋嘛？Brian？」雪兒聽到這話後，眼神呆滯了
往後退了幾步的她，這樣突如其來的話，雪兒有點消化不到
「對唔住，我係認真同你講嘅。分手啦我哋…」
「Brian，我係咪做咗啲咩你唔中意，同我講丫？為咗你，我改丫…」
「…」Brian沒有回應雪兒的話
「定係而家你想我同你做咩？你講就得架啦」
「唔係呢啲問題呀…」
「定係你已經…」雪兒不想和話說清楚，她不想承認這個事實「對厭咗我啦…？」
「係， 無錯……對唔住」Brian停了片刻，才給出答案
「Brian，我真係好中意你，你唔好走…
你係咪覺得我打扮得唔夠多？係嘅我買多啲衫同鞋丫，改下唔同嘅造型丫？」
「夠啦，我唔想浪費大家嘅時間」
就在這個時候，有一個熟悉的女生走到Brian身邊
「Brian…」
（點解佢會係度嘅？等等先…）
雪兒想起了，剛才Brian在跟某人在傳短信
原來是在跟傳其他女生的，收到信息的時候Brian還被逗得笑了起來
當時雪兒問他是誰，他說是其中一個兄弟在傳幹話給他
她沒想過，全心全意的愛着的他，會和另外的女生在一起
而女生就是她的好姊妹-Adia
「對唔住呀，我同Brian上過床…」
「咩話？」
「我同男友分手嘅時候，係Brian係我身邊安慰我，照顧我嘅
係其中一日，佢上咗我屋企，我忍唔住寂寞，就同佢…」
「你點解可以咁對我？佢係你好姊妹，我嘅男朋友……點解？
出面咁多男仔唔搵，係都要搵佢嚟得到安慰？」
「對唔住呀，Sherly
我當初真係諗唔到會搞到咁架。事後我都好後悔……每次同你一齊嘅時候，我都唔知點面對你」
「早知今日，何必當初！點解而家先嚟後悔，係同Brian上床前，就應該要控制下自己啦！
你有無諗過我嘅感受架？枉我仲信咗你咁耐，時不時會帶Brian同嚟大家出下街咁
原來我咁做，會令你兩個係一齊……真係太天真啦我」
「Sherly,你聽我講呀……」
「我無說話同你兩個講，行得開心啲……」雪兒轉身離開了兩人，而忍了許久的淚水就一下流出來了
在回憶起往事的時候，有人在雪兒的臉上放了一罐熱飲
放了一陣子，被熱到的她才回過神來
「喂，仲咩發哂呆呀？係你面前行過都睇唔到……」紅髮少年將手上的熱飲送到少女的手上
「係咪吹親呀？」焌文將手放到雪兒的額頭上「無事呀明明就」
雪兒安靜的看着眼前的他，那個在摸着她頭的少年
「真係……」焌文坐了在雪兒的身邊，他將手上的熱飲打開來
「飲咗先啦，你凍咗咁耐」
「好……仲咩唔買酒？」說着的雪兒，還是沒有將飲料打開，只是看着手上的黑糖薑茶
「傻妹，買咩酒呀？越飲越傷心呀」焌文摸起雪兒的頭「咩事咁sad呀？」
「原來，我係爸爸眼中只係棋子一隻
一隻幫佢爭取中標嘅棋子，如果唔係相士同佢咁講，佢都會由得我一個係Manhattan自生自滅
細個嘅時候，佢成日都唔係屋企，就算係都只係行過見到下，
有時我想搵佢嗲下，佢都會一句＂好忙＂完咗成件事
啲同學星期日都可以同爸爸媽媽一齊去街，食早餐
到咗下晏就踩下單車，去玩下咁…
只可惜…我無咁嘅福份
之前聽你講同uncle嘅趣事，我就會諗：如果我爸爸係咁就好喇～
一個可以同自己玩，陪住我一齊成長，同埋有困難就搵佢嘅爸爸
有時我都好羨慕，起碼你同uncle有難忘嘅回憶……
其實我只係想要一個家，一個屬於我嘅家」
「下？咁點解佢要接你返嚟？」
「佢話係要接到proj先咁做，到咗而家事成後就話我無利用價值」
「就算佢係你老豆，都唔可以咁講嘢格？」
「如果早知係咁我就唔返香港，我一個人係美國生活都好過，對住佢同埋狐狸精個家人」
「狐狸精個家人？」
「媽咪同佢離婚前，佢就同佢個秘書係一齊，仲要唔係上司下屬個隻關係…
最後個女人搶走咗我爸爸，仲坐上正印嘅位置
亦係因為咁，媽咪就同我相依為命咗幾年」
雪兒看了一下走道上的人，她繼續講未講完的話
「每次婆婆返嚟香港，佢都叫我扮作生活得好好，媽媽唔想佢擔心
好在仲有啲好好人嘅auntie同佢分擔下」
「auntie?」
「係以前媽媽啲中學同學嚟」
「啲姨姨同我哋無血緣關係，但都好過啲所謂親戚多多聲
以前爸爸媽媽未分開嘅時候，親戚見到我哋都會幾咁熱情
仲會加多句＂有事搵我，我會幫手＂咁
仲要講得幾咁誠懇咁，我仲要信到十足十
點知到咗mama走個時，個個就唔聽電話，仲要俾人當波咁踢……
話自己屋企無房呀、唔係香港呀、仲有啲無聊借口咁
不約而同嘅，就係佢哋都會叫我搵其他人收留，唔好搵佢」
「人就係咁架，見高抬見低踩，同你好只係因為你有利用價值
見可以係你身上有好處r，就埋下你身囉，當然亦會講下啲客氣說話嘅
如果唔係點得你信佢呀？如果你俾咗啲好處另一個，咪好蝕？
到咗你落難嘅時候，想佢幫下你？無可能啦
佢係驚你害佢呀會」
「做人做到咁假，值得咩？」
「啲人唔會計呢啲架」
「呢兩年嘅平安夜都無好事發生嘅，
上年係Manhattan，就被分手
今個係香港，就同爸爸鬧交，仲要講到話要我離開屋企
係咪我太單純呢？成日信埋啲唔應該信嘅人……」
「唔係，只係而家啲人太複雜姐
係呢個世代，唔可以做好人」
「咁點解你要幫我呀上次？明明我當時同你唔fd架，你又幫？」
「咩呀？如果佢真係得手，我會好麻煩」儘管嘴上是這樣說着，焌文對雪兒還是有那點的同情心
「係咩？原來係咁呀？哦～」
「大小姐，呢個袋入面係啲咩嚟？」焌文指着黑色的貓袋
「係我隻貓小冰」
「你要隻貓同你天寒地凍咁食西北風？唔係嘛？」
「咁都無辦法架，我出嚟搵你其中一個原因，係想你幫我搵地方住？」
這時候焌文的收到訊息，是翠婷傳過來的：
婷姐：又話到咗就wts我嘅？咁耐時間，我飛轉台灣都得啦！
(係啵，掛住講唔記得搵佢)
他回復起來：就返嚟，好快
「有人搵你？」
「咪又係我呀媽」焌文拉起雪兒的手「行啦喂」
「去邊呀？你唔係想同我去時鐘……」
「去我屋企，你反正都無地方去住啦？」
「只不過……Auntie……」
「放心，無問題」焌文提起雪兒的行李「你上到去就知咩事啦！」