有個混血妹同我講，話想同居: Crying in the party

放學後

「唔經唔覺 聽日又到星期六~去邊玩?」男神問道
「出mk吖 我要買AJ呀」醉愛mk的光洙,旺角就當然是首選了
「啱la 我都想買衫...」怕醜仔的球衣破了,不喜歡穿t-shirt打球的他,是時候買新的球衣了

「你哋成日都話買，我而家返學聽得最多嘅唔係書，而係啲牌子！
同埋價錢!日日都係$$聲...對於我呢啲窮撚,情何以堪?」
姚明家境未至赤貧,可未到「一百萬未開頭」的那種。他只要聽到名牌的名稱,都會受不了..
無他，姚明只能聽，而不能買


.
「仆你個街，你個柒頭有聽過書咩?
除咗食,瞓,玩仲有屙外...仲會做乜? 你有資格講咩?」
大隻仔用拳頭一下轟落去姚明的頭顱,發出了清跪的一聲

「我都join呀～得你哋男仔有份...雪兒join埋我哋呀…」
「好呀...不過mk係邊度?有乜賣?」
雪兒一面一無所知的表情,令所有同學的目光投向她。

「雪兒之前係外國返嚟 ，唔知好正常姐...


MK姐係旺角呀 ，你話好多人好迫嗰度」舒雯連忙幫雪兒解釋
「咁公主你去開邊度?」
「香港嘅地方，就多數係銅鑼灣希鎮嗰邊，一係就係金鐘，天后呢啲...仲有尖沙咀囉…」

這些地方物價比市區來高,莫講是如焌文他們的學生,已有經濟能力的上班族都甚少到上述幾區消費
滿街都是被自由行的中國人攻佔的名店,店外就是會隨便大小便的小孩,和大聲呼喊、拖着XXLsize的唊神大媽,尤如處於鄉村地方的情況下,港人已經走夾唔抖。外地的人不文明,都可視而不見,可自己友呢?本地店員只會對講普通話的遊客付出良好的服務態度,又是另一令港人少到尖沙咀的原因

Sales們都有着一種的特殊能力，就是天眼通
相信有睇過賭聖的朋友，都會知道，星爺劇中的角色，有着一種超能力──天眼通，是可以用於透視障礙物，或看到遠方的事物。不同的是，Sales們只會用於偵測豪客。
他們只要看一眼，就可以從不同遊人/客人身上的裝扮、各種的飾物、妝容，看到誰是土豪，誰是只會買一個半件的窮光蛋，繼而對他們演起四川國術：變面


為何sale只買大陸客帳?無他,他們買得起不突只,有些千萬富豪更加可以買起一整間店的包包。在佣金的面前,只有將尊嚴放開,做牛做馬

有人說愛到日本,因店員的態度令人舒心,有賓至如歸的感覺。其實日本對本地人,比外國人來得更重視:最好最新的產品,是不會進行外銷的,反而是留給本地人,這同時代表了他們的民族之情。

可是如果店員聽到了客人是說廣東話,就秒速變為黑面,求其做完,就可以繼續賺佣,繼續炒iphone,炒潮衫潮鞋
看到如此的待遇,港人都不會愛在香港消費,亦怪不得為何他們有時間就外遊

「幾點呀...」舒雯問題
「晏就一點la」
「我唔係好得呀，有週會呀，後入」
「就咁話...劉焌文,咪遲到下,你唔係要兩個靚女等你下麻?」
「知啦...舒雯女神」焌文伸着懶腰的說着

週六 1300 旺角E出口
七高人正在等雪兒還有舒雯



此時焌文收到一個whatsup msg,他打開一看:

葉舒雯:對唔住呀,我遲咗起身~
而家同雪兒出緊嚟,see u 15mins later

「係邊個叫我咪鬼遲架 啲女仔真係...」
「係佢2個煩緊着咩衫出嚟姐...都唔算over架啦
約女出街，遲一粒鐘是常識吧...」男神安慰着空肚、未食早餐的焌文

「雯雯我就知乜事姐...知唔係為咗某人?」明顯的,焌文已經餓到不行，快要爆炸的樣子
「嗰個雪兒就...我怕佢連地鐵都唔識撘炸，睇佢都係有司機接送啦」

半小時後，雪兒和舒雯才和眾人會合



「sorry呀～我哋遲咗」出奇地,是雪兒先道歉
雪兒上身穿白色及腿的oversize毛衣, 衣袖蓋到手背的,可以隱約的看到她玲瓏的身材
下身就襯了黑絲,跟一對黑色的dr.martin...
焌文心想：你唔係認為一句sorry～咁就無數下？
舒文見到焌文一面不悅：「女仔沖涼化妝都要時間架?平時都係我哋等你...」
舒雯就簡單的着上了一件吊帶背心,加上牛仔熱褲,還有air jorden...
「車，我唔反佢艇已經好好」
「文呀～你咪當係我錯囉～俾個面我，好無？」
「睇下點先啦，我唔包架」


到咗波鞋街，可以看到來自世界各地、不同品牌的球鞋，亦是遊客到港必到的地標

「曄！ AJ 12 RETRO 黑色呀！終於俾我搵到你啦！」
光洙進入了其中一家的鞋店，看着牆上的籃球鞋，他雙眼發光的看着


「你抽唔到咩？之前又話抽到對嘅？」怕醜仔說
「唔係呀，我都係有黑色，不過係女裝嚟，送咗俾女朋友啦！」
「又係嘅，我連續幾次都抽唔到！」
「所以咪要係出面買囉，貴啲都無法」
「仲買？你屋企仲有位放咩？」姚明說
「點會無？仲有多個鞋櫃」
「你有咁多鞋未着呀，送對俾我好過啦！支持貧困兒童呀！」
「買埋對Essey　Boost好唔好呢？」
「你有無聽我講架？」

在旁邊，焌文和男神在看其他的鞋款，他們手上的是Nike Air Force 1 Ultra Flyknit Mid
「你話高筒靚啲，定係無筒靚啲？」焌文問道
「我就話係無筒啦，仲要係白色」
「又係，我就嚟要買鞋啦，睇定先～」
「仲等？遲啲無架啦！」


「係囉，遲啲無架啦」焌文指着舒雯的方向說
「無啦啦仲咩講雯雯呀？我對佢無嘢架！」
「呀哈～我咩都無講，你就玩自爆啦，仲話無嘢？可愛嘅男神～」
「你係咪睇架？」男神沒好氣的道

雪兒和舒雯，就在店中另一角
「香港仲有呢對嘅，美國無哂貨啦！」
「係呀，所以我啲外國親戚，都會拜託我幫佢買鞋架」
「呢對點呀,你覺得靚唔靚呀?」
「幾好呀,你咁樣搞到我都想買返對」
「仲諗?買啦.....」
「比起買鞋，我想買衫多啲」舒雯拿起了一件細碼的湖人客場球衣
「你覺得靚唔靚呀？紫色嘅球衣」
「色就無問題啦，不過呢～件衫嘅大細就差啲啦」雪兒拿起了另一件大碼的出來
「呢件就差唔多啦～」
「下，咁鬆身？啲衫咁鬆唔靚啦！」
「不過啲男仔鐘意呀嘛！佢哋話Girlfriendable嘛，仲會話你可愛呀！」
「點解你會咁清楚嘅？明明係香港男仔先會講嘅」
「男人呢，就世界各地都係咁嘅，你信我啦～」這下，雪兒就推了舒雯到更衣室內
「試完搵我啦～」

過了一陣子

「完啦～好唔舒服呀，鬆palpal咁，感覺好怪咁」
「睇過？又幾正咁啵～你身材又唔錯，ok啵」
(你講呢番話，可以話係一啲說服力都無.....)舒雯看着雪兒的E奶，是多麼的偉大，再看一下自己的Bcup，舒雯不禁倒抽一口涼氣

「男神，有正嘢睇啵！你睇下個邊？」
「仲咩？」他一轉身，就看到換上了球衣的舒雯
（好可愛呀佢）男神的眼定晴了在舒雯身上
「睇下你～把握機會啦」
「講個人唔係你，就梗係輕鬆啦！」
「男神都煩呢啲嘅咩？咁我咪唔使溝女？」

「得未呀，我就嚟變人乾啦」在出面乾等着的大隻仔，不耐煩的說
見到店內車水馬龍的情況，怕迫的他只好在外邊等着他們
「要講嘅，就上K房先講啦，雖然我入到去只係吹水......」

買好他們的衫褲鞋後,一行人就到了k房唱歌
「係啵...雪兒你有無唱過k架?」
「無呀...我都係第一次...仲要同咁大班人」
眾人進人了一間黑暗的包廂內

剛坐下不久，舒雯他們已經點了一堆的歌曲，而眾高人聚了在拿着搖控的舒雯後面
「舒雯，思覺失調呀唔該」大隻仔說
「仲有夠鐘」姚明說
「我要念念不忘同埋羅生門」焌文說着
「你又要我同你合唱呀？」舒雯回應道
「唔通同大小姐咩？」
「我未點呀」怕醜仔小聲的說
「一個一個嚟！咁多歌，都要時間架！」


「你有無啲乜歌想唱?我幫你點？」男神坐到雪兒的旁邊
「Back To December同埋When You‘re Gone」
男神心想；一嚟就點失戀歌？

電視的廣告停止了，轉了為《思覺失調》的mv畫面
男神看到mv畫面後，心知不妙「雪兒，um住耳啦」
「重咩要um耳仔？」
「um左先好啲」
在這個時候，光洙、大隻仔就拿起咪來，準備唱歌
「就等我哋獻首歌俾你哋啦！」光洙興高采烈的說
同一時間《思覺失調》的前奏開始播放，雪兒心想：無事嘅

「仍好嗎　重會每天失眠到　天光嗎
大頭蝦　沒帶門匙也許很　勞氣吧
仍關心妳願每天問」
「最後也明白角色時已不相襯
還由他去代我為妳緊」
二人開頭都是平常的唱着，聽起來，最多可說是普普的聲線，還未到胖虎那種，音波強得連玻璃都要爆的情況
「都好平常，無事呀！」雪兒就不明白為何要蓋住耳朵
「好戲在後頭」男神短暫的聽完雪兒的話後，就急急的重新蓋起耳朵
然而男神為雪兒提供了答案

「極！危險～！連思覺～像也失調！
無辦法接受～現實　自製～假想～能延續故事
妳的聲線還仍言～猶～在耳　已分不清楚我位置！」光洙到了副歌部分，就開始黎料了
他聲色俱厲的唱，不是，用＂叫歌＂形容會來得恰當點
每句歌詞，光洙都用盡全身的力量去叫出，不知情還會有身處兇殺案現場的錯覺
可是，大家不要忘記，還有一位兄弟是拿着咪的

「願明天～能不再為妳痴～纏
明白改不變～妳亦離～開很遠～」
另一位巴打姚明，就在上演變聲。他的歌聲長期遊走於破音和哭腔的邊緣
他用了非常多的感情下去，可是他的聲帶未能為他做出想要的效果
厲害的是，他是沒有一粒音是對到音的，而且每個字都是有着不同的效果，一子下高音，另一下就低音至極

他們的歌聲，可謂破壞級來概括：唱的唱得豪邁奔放，而聽的就.......
正如歌名，是會令人思覺失調。不過失調的不是唱的人，而是旁邊的人而已
一堆朋友入面，總會有一兩位是這樣的

「而這票尾　還應否捨棄」姚明唱完這句後，鋼琴的音韻繼續播着
「爽呀～」光洙叫着
「完啦！」男神此時鬆一口氣，倚在核化上的他有點有氣無力的樣子
「既然係咁，仲俾佢哋唱？」雪兒不明白為何他們還可以強姦大家的耳朵
「咁唔會係佢哋做得唔好，就唔俾做嘛。每人都有自己嘅權利架嘛，如果你有做得唔好嘅事，
我哋唔俾你做，你會有咩感受？」

輪姦完大家雙耳的孖寶，終於停下來。
畫面亦開始播放起Back to december,雪兒拿起了咪，並開始唱了起來
「I always needed time on my own
I never thought I'd need you there when I cry
And the days feel like years when I'm alone
And the bed where you lie
is made up on your side=14px」

「串得我咁開心呀！等我息咗伴唱，你就知味道！」焌文拿起了放在台上的搖控，並將伴唱的功能關閉
當焌文認為雪兒會出洋相的時候，她反而沒有因此而停了
反而雪兒歌聲因而更加明顯了，她的歌聲，可以用清新來形容，
令聽眾有如身處陽光明媚的草地上的錯覺：一望無際的青草地上有外國的長髮少女唱着歌，旁邊更有些小鳥和應，同時更有涼風輕輕吹過

「When you walk away
I count the steps that you take
Do you see how much I need you right now?」

她唱得富有感情之餘，表情亦恰到好處
在旁的焌文，看到她唱的同時，嘴唇是微微的張開，而非如宇宙歌手般，表情跨張之餘，更只會一味拉高音
而如同如同寶石晶瑩的雙眼，有的眼神更如同會說話的一樣
可說是滿足了眾人視覺和聽覺方面的感受

「又話第一次唱k，但係又唱到成個老手咁！」
「唔俾佢本身鐘意唱歌嘅？」聽得樂在其中的舒雯，看着焌文
「你玩人唔成，唔開心咋！」

「The words I need to hear to always get me through the day
And make it OK
I miss you」
當雪兒唱到這句時候，雪兒就開始眼泛淚珠...

「咩事咁滾動呀？明明就係個公主病！」焌文問道
「公主都會對自己鐘意嘅皇子動心嘛～你睇唔到咩？」坐在旁邊的舒雯回答了
「我知，又係男神呀嘛？都唔明，佢上世係咪救咗全世界嘅，啲桃花運勁到呢～」
「咁你又唔係無架，不過係你唔要咋嘛～又話人哋豬扒，無身材，FF少陣啦你。」
「感情無得夾硬嚟,巧唔巧？勉強無幸福！」

「雯雯,唔係邊個咁唔好彩,溝咗佢呀?」
「唔好咁睇人，你估個個都似jasmine咁樣咩?佢都好慘架 都唔知可唔可以話係初戀嚟」
「有人溝到佢？咩人嚟」
「是咁的，之前係manhaton，佢同咗個abc係一齊
男嘅唔係有錢仔，但係雪兒無因為咁而嗛佢，反而更加對佢好...
本來認為可以長久啲嘅,點知個男仔就同佢係上個聖誕節要求分手...如是者，佢就被分手啦
雖然係咁，當時嘅佢都無放棄，仲覺得個男仔會搵返佢
直至，Christine，即係佢婆婆走咗，佢先無諗佢」
「我講出嚟,係唔想你亂up24...同埋-希望你可以用平常心睇佢
我知...佢而家對你仲有戒心
就當係為咗我而接受佢na,知你辛苦,我都會同佢講......」 

「呀雯，要乜嘢飲?」在聯絡客服的姚明打斷了2人的對話
「fruit punch2杯吖」舒雯對姚明說
「點歌呀你，嬲爆爆咁，放鬆下好嘛」 
Jasmine你問係邊個? 係文少嘅ex...

「All I ever wanted was for you to know
Everything I do I give my heart and soul
I can hardly breathe I need to feel you here with me
Yeah~~~~~~」

雪兒繼續的將歌唱完，可是淚流滿面的她，是帶有啜泣聲的唱着的
然而，看到的男神將歌停了
「無事嘛，喊哂咁」男神安慰起哭成淚人的雪兒，他用紙巾輕輕的替她擦去眼淚
「It's okay」嘴裡是如此說，可是明眼人都知道事實並非如此

「雯姐，到你啦」
「唔該」
播放器開放着的是蔡依林的詩人漫步

「你是詩人 細數窗外雪飄落多繽紛
你很快樂 享受著孤獨的片刻
你多天真 以為一切是這樣的」
唱着的舒雯，不時偷看後面的男神
每次看到，都只是他是和雪兒玩得正開，而二人形甚親暱，令唱着的舒雯更加的痛

「世界再大 你還是原地不動
說得再多 你從來也沒聽懂
你的幽默 像玻璃劃破雙手
我在你的眼中 只是畫面拼湊」這可能亦是舒雯的想法吧，所以唱得帶點傷感

唱着的舒雯裝作沒事，可青梅竹馬焌文就看得出，一直都在背後單戀着男神的她，多麼的辛苦，多麼的痛.......