有個混血妹同我講，話想同居: 守舊。開明
眾所尻知，
學生holiday mood其實無咁快過，通常他們都會拖住喪屍一樣的身軀回校。
不過靈魂還是停於LOL,韓劇,或者屋企張床...
焌文為其中之一...
「究竟係邊個扑街發明返學架?」
「醒神啦～嬲哂咁...」舒文把凍飲推到焌文的面頰上，焌文凍得打了個震
「諗起就爆計 你個fd呀..邊度好,你老味? 諗起佢就瞓唔到，未訓過就天光...」
「咪咁呀~姐姐呵返~」
此時巴士就到站了
在巴士上,焌文喝着舒雯替他買的檸檬茶
突然有位c9喃喃自語起來：
「班90,00後真係食飽飯無s屙嘅，
有書佢哋讀就好心俾啲心機la?
呢啲嘢都唔關我事」
後來焌文描到標題:【網絡23條 人見人驚】
聽到肥c9一番高見後，二人就談了起來
「政治呢家嘢，你唔揾佢，佢都會揾你!
啲港豬,明明搞到上心口,都仲可以唔理嘅?
昨日國教唔關事姐,到咗今日網絡23條又話唔理,到咗聽日連言論自由都無,就喊都無謂!
你估係子宮頸癌個廣告咩?呢啲嘢唔關我事架？」
「成件事未必去到咁嘅 唔係仲有班白鴿會反對咩?」
「指意佢哋就死得啦！有av仁,又有人瞓覺
分分鐘連要投票都唔知
仲有啲獻世派係度搞屎棍...」
每個返學嘅學生總係等放小息,lunch同放學嘅
「未食早餐，好撚餓呀」姚明餓到完全破防
小息鐘響起，令本來頹如蛋黃哥的他，清醒過來
「死仔,一有得食就咁」大隻仔看着姚明
「今次睇下佢有幾快?」焌文開始計時
「我哋賭佢幾快落到去？輸嘅，一人一支可樂...」焌文用「靚坤」的聲線說着
「3...2...1...」
「good bye sir」
姚明一個疾走直衝小食部，一行人就隨後
區長：「我估佢會破紀錄...」
「同學，唔好係走廊跑...」姚明無視呀sir的勸諭，繼續爆seed
「平時叫佢做嘢又唔見佢咁快啵！」
「下面等...」舒雯從筆袋取出膠水
「得啦，你又未食早餐啦？」焌文說
「未呀～幫我買～」舒雯向焌文撒嬌着
「唔～搞完好盡快落嚟」
「你有嘢忙?雪兒一面不解」
相信到咗呢度，大家都唔係好知發生咩事
7高人第一次睇到雯雯做嘅時候都o哂嘴
雪兒睇到舒雯在用膠水“癡”住裙子，
之後把裙子拉長，再“癡”落雙腳...
好彩女仔無乜腳毛…
如果係男仔癡就一定痛到扑街
雪兒當堂成個「唔撚係掛」的樹熊樣：
「好好地，how come你要用呢支嘢...！？」
無他。雪兒公主(啲男仔咁叫佢嘅)係乖乖女嚟嘅…
不明白都正常不過
相信大家中學總會穿cut短咗裙返學la
又要威又要戴頭盔，
唔想俾人hi，咪要咁做囉
遠處有一把響亮嘅聲音，是一嘅女人聲(or呀嬋)
正在hi個女仔，頭髮過眉乜乜乜...
「就係佢la ，呢個miss好煩架，成日都汁人儀容」
舒雯聽到那聲音，感到心煩意亂
miss(唔係 叫佢呀姐算la)，姓沈，
三不五時就找人開火...
有傳是更年期的原因，所以才老馬有火
(佢係咪唔抵得有人靚過佢 就不予置評la)
令人不能信服的是，她髮型有如龍捲風一樣
還有她化妝更如「馬蹓屎忽」
不知道的可能會問,佢係咪啲乜鬼校董夫人/公司董事嚟睇堂?都唔係!
其實他就是傳說中光頭副校的妻子，在同學間二人合稱「沈范夫婦」
正因為她有超然的地位，所以可以揸住雞毛當令箭，對住學生寸過馬撚
有說她還曾經暗角掌摑女學生，還要打了足足十四巴......
受害者怕被踢出校，就只能忍氣吞聲。
值得一提的是，她要求女生將全部頭髮束起
紥起馬尾，露出額頭...看起來就如光頭的樣子
同學們將此稱為「光頭文化」
「睇下你!
啲蔭勁到!!姐住哂啲暗瘡!!!、
再姐住，咪仲核突...好好地幾整齊啦 邊使...@#￥%%……」
雯雯聽到要瘋了，她拉著雪兒急速的下去吃早餐...
「咁遲落嚟架？實係俾儀容姐話完啦？」文少突破盲腸,隨後遞了一袋燒賣給舒雯
「又未，不過就到我啦。有無幫我落豉油，辣油？」
「一早整好哂，你唔係食燒賣，係食醬嘅」
有舒雯的份，就少不了雪兒的。
「唔知買乜俾你好，就買咗個撈麵俾你先，試下吖？ 」男神向雪兒微笑
「thankyou」公主羞答答的回答
眾人的對話期間,姚明已經吃了三碗撈麵...
不消一下,他就把早餐消滅(無錯，係消滅)
碗中的面吃得一條不剩
「ooork...飽喇」姚明一面滿足
「咪食得咁急啦！因住哽親，你唔係唔知你架啦」區長對姚明沒轍
好死不死的,區長講完沒多久...姚明就連咳了幾聲...
「咳...咳...咳」
「死仔有無梗死呀？」
「我……唔得…啦」
「叫咗你幾多次,要食慢啲呀？你講呀?」
呢個社會 有犯眾憎嘅同時，就會有萬人迷
今年的中文miss就為其中之一
「各位同學早晨」
「院長早晨...」
「好高興可以見到大家，尤其係七高人下。
你哋班係咪有個叫朱雪兒嘅新同學呀？歡迎你，希望我唔會嚇親你啦」
呢位miss相當玩得，無論在老師或學生羣
她的上課方式跟其他老師不同，除了教知識外，
有時會講一下之前學校趣事
最「頂癮」的是她小時候的趣事
要命的是講過的都是爆笑級的...
另外因七高人他們班，講什麼都笑不停
有老師稱他們班為“青山班”
而她本身也是這一卦的，所以有同學稱院長(or青山院長)
「好啦，今日我哋講徐志摩嘅...(課文)...計埋你哋班
我已經講咗呢啲嘢3次la...係3次咁多啦
講完你哋班，仲要講多次～！！！！(崩潰)
如果可以好似xx教育咁，啲學生睇下片就得，你話幾好...」
呢個patten係院長口中成日都講同FF嘅...
又係嘅，講得多真係好q悶
就當佢要教四十年書，一級要教四班中文啦，
同一課都要講一百六十次，所以話做老師，其實都係厭惡性行業
仲有，佢好有可能唔只教一級／一科嘅，俾着係你都想死啦
「食飽就瞓」是常識吧~
這個時候姚明就趴在桌上呼呼大睡，還要口水流滿整個位子...Orz
怕醜仔不斷的用盡方法叫醒他，都還是沒有用
無論是在耳邊叫醒他，或是拍他的頭，甚至搔他的腰，都一律無效
而後排的焌文就、光洙、男神他們就玩着斗地主，而為免太明張目膽，他們玩得細聲
設置方面，就和一般的有所不同：
將要用的將要用卡洗好，每人拿十三張卡，多了的卡就放在書包內
要出卡時，將手牌露出給對方看見，用完的卡就放在櫃筒內，待下回合重洗
焌文手上只有兩張K，而光洙就是一手都是要一對出的卡，而男神就餘下同花順和一對5
「無呀，pass」焌文看着自己手上的卡不多，認為可嬴到光洙
（嘻嘻！聽朝早餐仲唔你嘅！）
「我都無」光洙看着他手上的卡，是明顯的爛，對此佢打定輸數
「等等！同花順！你哋有無呀？」男神將卡露出的時候，焌文感到不妙
「無呀！」光洙此時恨不得將卡捏成紙球
「都無！」
「嬴咗！聽朝早餐你請！」
其實他們玩得興高采烈的時候，雪兒在朗讀着課文
「雪兒同學讀得好好啵，thank you...
呀姚明~你幫我讀下。下一篇吖」
「hihi仔 快啲起身讀課文吖」光洙打卡放下，走到姚明的位子旁，試圖把他叫起來
「唔該，仲要多個手卷，同埋要多個拉面...」姚明發開口夢，相信剛才的份量不夠吧，看來他滿腦子只有食
光洙見狀，就用2隻手指曲起
對準姚明盤骨的凹位戳下去
「食少陣唔洗死架? 快醒呀柒頭~!!!!!」
姚明此時還未從夢中醒來，光洙只有加強力度
「睇嚟唔夠大力，無計啦」
隨著光洙力度加大，他手臂的肌肉變得結實，而且青筋暴現，看得出是來真的
「屌！！！！！好撚痛呀～!!!!!!!」
不消幾秒，姚明從FF中驚醒，而且表情如同虛脫
這下，光洙稱作「刨冰」的招式，對每個人都相當管用，
被戳的人會感到痛不欲生，而且還會痛個半天的樣子
如非必要，他都不會用這一下的
「肥仔，讀課文呀，第七篇呀」焌文在旁提醒著
「呀食神,唔好認為你講完粗口就唔使讀吓
仲有唔好再爆粗...校長行過就到我受罪啦」
於是，姚明就彎住身讀書：
「宿業師山房待丁 大 不至。
夕陽度西嶺，群壑倏已暝」
而後面的焌文，舒雯就笑到gap gap聲
幸好她教的課，時間都會快完些...
至少可以在痛苦中尋找快樂,而且氣氛來得輕鬆
一般課堂 ，只能如周星馳在 逃學威龍入面的樣子
唱起「無自由-失自由-痛心傷心眼淚流」...
返學真係同坐監無分別,由細到大係操卷
操乜,操乜咁,得個死讀。為嘅只係公開試嘅成積
有說「死讀書 讀書死」
最後就乜值得記念嘅都無:只有溫,讀同操!
到頭來,人生頭廿幾年,都係為考試而活
填鴨式教育，真係玩死咗好多人...
就算你去到大學，都只可以做個高分低能！
到社會工作後,你嗰張畢業證書,係腦細/PR眼中,都只係千萬個cv嘅其中之一,你亦變成了如工廠的產品一樣,毫無重要而且有大量代替品的人
去唔到嘅就仲慘，活在要求高學歷的知識型社會，無相關學歷的注定做一世奴隸，
做啲一周做足五十個鐘嘅牛工,而亦只係人工萬年如一的9k Sales一名,一丁點上游機會都無.....
香港判斷你能力嘅,只有考試一樣,沒有其他
你的未來,亦只能由考試決定
有人話香港機會處處,我就唔係咁睇
你話做運動員呀,為夢想而活幾好咁
可惜,係香港梦想係唔值錢架,好多運動員都要出去做part time先維持到生計,無法全心全意嘅為自己嘅夢想而前進
689講過,體育係無經濟貢獻嘅,而不幸的是,社會上有不少人都是如此認為
有經濟貢獻的,深信只有地產,金融,同埋倫敦金,所謂嘅香港三大產業
講到咁上緊,院長開始講起一些內心說話
「大家，可唔可以聽我講啲嘢，俾幾份鐘我得啦」
「咩事呀，無啦啦咁嚴肅嘅？」有開始同學看到平時談笑風生的院長的語調識了
班上其他還在嬉皮笑臉的同學們，包括焌文他們
都感覺到氣氛變了，而轉為安靜
「係因為老師想講下啲真話，趁仲有得講嘅時候
大家其實點解咁唔中意讀書呀？有無諗過？
係太多框架，太公式化！就囉我呢科講，從小老師教中文，係點教架？
係咁咦，跟書教下啲字呀，文章呀個啲。唔會同你哋講下睇完之後，自己有咩感受、想法，亦唔會囉時間去同你哋講點樣可以作好啲文
上課只係聽啲死gugu嘅文字，朗讀啲篇章咁，呢啲唔係學語文嘅方法囉
香港人好多時做嘢都係但求交咗功課就算，包括教育嘅範疇
大佬呀，其他嘅商業機構咁做唔關我事，做得衰你就無生意
而家係教育呀，係教育下一代嘅新力軍呀，你教到班細路個腦遲鈍哂咁
一味只係識由細到大不斷灌輸標準答案應該點答，之後就用啲公開試嚟將啲唔合乎標準嘅學生dun走
啲學生俾佢哋搞到只係識盲從，而唔識變通
點解要咁做呀？做少啲嘢囉！
學語文係要不斷的活學活用，唔係一味接收，而無實踐
所謂嘅實踐，唔係好似工廠咁啤嘢出嚟：
當你寫啲嘢天馬行空啲，佢就話你太跨張、不切實際，最後肥咗你
當你話睇小說呀漫畫，又話無文化低俗，只係叫你睇啲範文。學中文，並唔係得一種方法
聽說讀寫，都係缺一不可。其餘三方面用咗好多時間，說話呢下係少到不得了，放心有時間我會同你哋練習多啲
所以唔怪得其他人話香港嘅細路，中英文都差，根本就係個制度出事,完全無諗好點教好你哋。我唔敢講我教得好,本人但求將自己知嘅明嘅學咗嘅,教俾你哋
講完細個，到大個啦
睇得最多嘅係咩書呀？咪都係旅遊書、飲食書、健美書！
佢哋睇書為咩呀？有用先睇，於是只睇工具書，其他＂無用＂嘅書就一啲都唔睇
呢樣觀念，植根咗係香港人嘅心入面
尤其係專業人士，佢哋覺得自己好專業，唔使對其他無直接幫助嘅事物有所認知
最後自大嘅佢哋，聰明反被聰明誤，知同學得最少嘅，反而係呢班人，除咗自己嘅專業，就一片空白
香港點解會少有創意嘅作品呀？就係由細到大都被人困住」
「你話有無老師有心想做好？有。不過係俾個教育局玩死咗
定政策個啲，本身都唔係教育界嘅人，而係啲其他界別嘅人係度做
就講下兩個出名啲嘅:
第一個佢係做開規劃嘅，後來就做叫房屋咁,過咗三五七年，做埋運輸先做教育局
仲有個，做完房屋同埋政務喇，到咗臨退休先做,根本就唔係教育中人
好明顯,就係外行人管內行人啦！
交俾呢啲只求完成,而無心做好嘅人,就當然死得啦
制度俾呢啲人玩死咗，就講下會考同DSE呀？啲出題方向年年改，師生都未適應到，就話又改啦
一時又話奪命四式，一時又係其他古靈精怪嘢
大佬呀，你唔知頭唔知路就唔好搞大件事啦，幾個局長都無教學經驗嘅就學人制定教育方針
而家教個個係我呀，又唔係你，家下啲學生要學咩、差咗啲咩，你哋班人知咩？
人哋出面啲舖頭都會問下用家意見啦，你而家問都唔問就盲搞...最後咪搞舖杰嘢出嚟！到最後無好咗不突只，仲要學唔到需要教嘅
教育改革，搞死咗幾多老師同學生，仲有老師因為受唔住而自殺呀？呢班人要就係一大原因
講開睇書，就講多個。教育局局長咪話過自己一個月睇成三十本書嘅
邊有可能咁快呀？除非你唔使做，唔係，係Hea做。如果唔係邊有咁多時間睇書呀！
正常忙到甩轆嘅香港人，連訓多個鐘嘅時間都無呀！不過我哋局長又做到，用返你哋鐘意講個句，點解嘅點解嘅？
我都想學下呀！
有個調查係咁講嘅，全球平均睇得最多書嘅俄羅斯人，平均一年都只係睇到五十本書咋，可想而知，局長嘅求知慾係幾咁勁
就講下佢有幾忙先，三不五時去日本睇櫻花，或都睇啲日文學生妹，呢啲都用咗佢唔少時間啦
做政府高官又要出席啲酒會呀、去活動致辭咁呀，又用咗佢啲時間，所以大家唔怪得佢係架車用手機，貴人事忙呀嘛！忙到落車收請願信嘅時間都無呀，無他，公務繁忙呀！
忙到佢放下假舒服下，都要因為塌天台而令佢無得去玩呀陰公！
講咁耐,我仲想講想講權威唔係大哂,佢哋講嘅嘢都有錯。你睇返上述幾個,有無做過咩真正有貢獻嘅事?
有人話天下無不是之老師,係錯到不得了
我都會有錯,如同在座各位,我都只係人一個,即使係幾大個官都只係人一個
記住，社會上有好多無奈嘅情況，如果你有心做，只能暫時跟住個遊戲玩，到咗自己係高位嘅時候，就改變現狀，到時點都有得你玩。
要知道，你唔係想像中咁微不足道
當然幾時都係,有不公嘅事,就要企出嚟
多一事不如少一事,只會令高處的人更得寸進尺
可以咁講,細個時教嘅對規矩唯命是從,對權威服從,只是上一代啱用,社會無而家咁複雜
而家時代太亂,人食人的情況越來越多,大家一定要有自己想法,如果唔係,只會成為隨波逐流之輩,終日被人壓榨而不自知
老師而家負擔重,要養家人同自己,無法如你哋咁大聲疾呼,所以先同你哋講咁多
真係嘅,要趁無負擔,做過到良心嘅事」
而最後這句,於不久後會用得着