有個混血妹同我講，話想同居: 邊爐與友誼
邊爐與友誼
「我好肚餓呀～食咩呀?」姚明餓得裝甚痛苦
「一日到黑都掛住食ga架...等等」此時焌文的手機響起
（無懼世事變改，還是越難越愛...)
「劉焌文，你幾時捨得轉鈴聲啊!?」
「雯姐，明明聽落都幾好聽，雖然係洗腦咗d～
就轉矛盾一生啦...」
（花開花落至少這一季 被甜蜜蓋過了傷害）
「仲唔聽？」
焌文走到一旁，接起電話
「喂～區長大人。到邊?咁你想食咩？好。
打邊爐有無問題呀你地？」
「啱啦，又平又好食！近排買鞋買到“荷包僵硬化”...」光洙拿出錢包
「你個仆街，仲有500蚊就叫窮？咁我個d叫咩？」姚明忍不住吐槽，將他只有200元的錢包打開
「區長係沙田開完會，一陣去新廣發啦
葉舒雯，真係得？打邊爐唔係部隊鍋啵」
「咪將我同啲港女一齊講
我唔會嫌打邊爐頹，但轉個頭去食部隊鍋囉
都係食午餐肉同埋食公仔麵咋嘛？」
「幾好都話你係最好架啦～」
「咪口花花啦你」
(咦…)雪兒對焌文做了厭惡的表情
「就係呢間啦？」雪兒四周張望，看到大牌擋後「會唔會好多蚊㗎？」
無他，雪兒生於富裕家庭，家族經營知名企業，甚少會到平民化的地方。
穿著的是名牌的衣服，用餐的是富豪飯堂…住的是豪華身的港島半山平房，出入會有司機接送…
另外，錢對她來說，不是問題。父親每月，會給予一萬元作生活費…
「如果唔岩你心水嘅話，你可以走先。」焌文的耐性到了臨界點，若果是平時，以他口不饒人的性格，早就會罵得狗血淋頭。
「頭先咪好好地？仲咩又發火呀你？」舒雯細語着，並制止了焌文繼續罵「當俾個面我哋，返到學校你點hi都得。」
「區長攞咗位，你哋入去join佢先啦」焌文走到一邊，取出褲袋內的黑冰…
焌文只要快要爆跳如雷，而不幸地被迫忍着的時候，他就會走到一旁抽煙。為的只是不想令情況變得更壞，一時間做了過火的行為…
加上他只要肚餓的話，脾氣就會超級暴躁。他就是那種不能熬餓和不能熬疲憊的人，可說是如小孩一樣，所以通常只要他說肚子餓，舒雯就會替他第一時間找吃的
步入大牌檔後，雪兒繼續不停口的說着
「你睇下佢呀…已經染埋髮，仲有帶埋耳環，都夠架啦，家下仲要食埋煙！無得救架啦！」雪兒向焌文擺出厭惡的表情
「佢嘅優點你睇唔到姐。至少係佢，將七高人團結起嚟。同時係焌文，我嘅中學生涯先至好玩啲…如果日日只係返學上堂，做功課訓覺，都咪話幾悶」
「唔係呀，邊會有人肯同古惑仔一齊呀？」
區長看到一行人，向着他們揮起手
「等咗好耐呀？個會開成點呀？」姚明走到區長旁邊坐下
「都無咩嘅，都係啲例行公事姐，同埋啲老屎忿講下經咁。係呀，我寫咗第1round嘢食，肥仔咪獨食下！」
「唔好講啦，坐啦～
Btw你對男神有性趣，我幫下你啦～」舒雯跟雪兒使眼色
「唔使…」雪兒想停住舒雯，可是後者快了一步……
「Daniel，我要睇住個大細路呀，幫我照顧Sherly～好嗎？」
「好呀，我哋都未有機會真正認識，嚟呀～」男神將身旁的膠椅拉開，示意請雪兒坐下。
女孩子就是一種「口裏說不，身體卻很誠實」的生物，
雪兒眼見男神向她招手，終於受不住誘惑，跟男神身貼身的坐下。
「真係呀，唔踢一下都唔郁嘅，呢個傻妹」
「做埋啲多餘嘢」雖則口如此說，可是額頭上已經明顯的刻上了＂我好幸福＂四個字
正當雪兒獨自沉醉着的時候，焌文回來了。
（係咁幸福嘅時候，殺出件垃圾，咩氣氛都無哂啦）雪兒心想
男神察覺到雪兒轉成黑面，感到不解：「雪兒，你無事呀嘛？」
「無事呀～你叫我Sherly啦，我鐘意你咁叫我多啲～」
（咪就係你個好brother囉，係度頂住哂！）雪兒心想
（ 都未見過啲女咁撚姣嘅，葉舒雯！你識埋啲咩fd呀？男神你要受得住誘惑呀！！）
「你又食煙呀，咁大陣味嘅？未夠秤就食咁多，幾時食得死你呀？生肺癌你唔好喊。」
區長自小有鼻敏感，只要吸到一點煙的味道，就會發作，非常痛苦。
在街上，太多＂火車頭＂，一路上都會吸到不少二手煙，人多擠迫的mk，他如非必要，都不會去。
*＂火車頭＂＝在街上邊抽煙邊走，如Thomas般的向後噴黑煙的人
「聽到未呀？我哋講到爆肺都為你好…」
「得啦，咁我又真係頂唔到嘛！！」
「嘢食到～」怕醜仔，光洙二人將一羅羅的食物安放於檯面上，姚明就急不待的把食物倒入煲內。
「個胃就穿啦～」
「大佬呀，岩岩我哋先掃完一轉街咋！你個胃係咪黑洞嚟㗎？
次次都係咁，咪搞到個肚腩咁撚大囉！」
無他，無論姚明吃下的分量是多少，即使是吃下三人分的大餐，都可以在吃後兩小時內將食物消化得一乾二淨。
平常用餐，他都會至少要二人份的。別人要一個飯，他可以吃個三碟才剛好（他講的）
他長期＂荷包乾裂化＂，硬化已不足以描述，亦是因為龐大的食量造成的。
「文少，飲返支可樂gur返先啦～」舒雯將飲料分給大家後，就站了起來「我哋一齊歡迎雪兒加入我哋～飲呀！」
眾人都起立歡呼時，焌文勉為其難的加入。
「終於唔使剩係得舒雯一個女仔啦，un正嘅女，對得多都悶啦～！」
「你個咸濕剝光豬！我好失禮你哋咩？係邊個幫你追女仔架…」
「佢係前女友！」
「咁唔係女呀？」
此時說那時快，煲內的食物已經熟了
「喂…肥仔你一下夾咁多肥牛，咁其他人仲有得食嘅？」
「快呀嘛大師～俾返一塊你又點話？」
「你究竟明唔明我講咩架」
「Sherly,唔好怪我咁問呀，你其實係咪好少同人玩？我見你都有少少生外咁…」
「可以咁講，如果係close friend嘅話，就只係得Shermen一個。係外國，我無咩朋友嘅，如果你唔介意嘅話…」
「咪講埋呢啲嘢啦。我哋而家咪一齊？」
「劉焌文，好心你就學下Daniel咁啦～喂！又係度目及女！」
「光洙，你覺得邊個正啲呀？我就話係，個黑色背心妹啦！條腿又長又白又嫩～仲要著埋boot！呢啲先係女㗎嘛～
重要係瘦低大波，係背心內收埋好大對嘅…」
「你個腿控呀，都係個樣重要啲～你對女起初就話中意佢大，咁識得耐咗，你對得多啲嘅係個樣定個波？拿～你睇下同檯，啡色頭髮，着純白T-shirt個個！佢個對厚唇，如果一下錫落去，都不知幾舒服！同埋佢對電眼～我唔得啦～」
「黑白雙殺～～！！！！」二人同時擊掌
「你哋係食火鍋，定係食女？」舒雯將肥牛夾到焌文的碗內
「Why not both?」焌文把急急的夾肥牛，直接吞下，連咬的動作都沒有
「唔係啵，前面個…」
「無你咁好氣！」舒雯獨自吃着她愛吃的蟹子丸「好熱！」
遠處有一個龍友正在不斷的向雪兒拍照，而在目及女的焌文剛好看到。
那男子穿著紅綠色的格仔shirt，而他的身材瘦削如營養不良的樣子，頭上更綁上動漫頭巾。
（條撚友咩人嚟？唔會係朱太D......）
「肥仔，夠囉啵～除咗你俾個塊肉，我咩肉都未食過呀～我只係食咗菜同啲丸咋」
「你又唔同舒雯爭？係都要話我嘅！」
「好男人係唔會同女爭…我唔理呀，我要食肉呀～！！！！」姚明，區長二人爭著煲內的肉，還不斷將對方夾了的肉搶去
「你兩個咪爭啦」怕醜仔本來想二人收手，二人卻未有因他人調停而冷靜
「好啦，睇嚟要用最後一著。喂～係咪要我講啲不為人知嘅事呀？」怕醜仔取出一本筆記，那本筆記記錄的並不是知識，而是各人最不想他人得知的黑材料…
密密麻麻的字，並不只有7高人的秘密，還有學校其他同學的資料。
因為有這天書，沒有人敢找他麻煩…
「講邊單好呢？」
「食嘢食嘢…你食呀」二人立即靜了下來
「睇完女就要正式食啦…無嘢食嘅個煲！！！姚明！」焌文驚叫
「要望女就無嘢食架啦，唔係雯姐?撚毛都無得你食，仲why not both?」
「你今晚無事嘛，食咁少嘅？係咪唔舒服？」男神繼續吃着他的牛肉
女仔對住心儀對像，扮食得少是常識吧。
難道一開波就即刻食慾大解放吓？通常咪都係人哋食碟頭飯，佢（哋）就食碗仔飯
人哋問起，就話身已食量細。返到屋企咪都係餓到仆街，之後咪都係死死地氣去煮碗面食！
不出所料
「無呀，不嬲都食得少架」
少朋友，不代表她不知如何令男性落撘…
「喂，我唔食竽頭架，邊撚個同我落咗去呀！睇下而家成個湯都係啲竽頭！」
「仲好講，你夠落咗啲臭茜啦，仲要落一大堆～？」
「唔理你哋兩個，我去攞雞子」焌文無視了吵架二人組
「拎多啲呀，我都要食」光洙說
「雞子到！」焌文將二兜裝得滿滿的雞子放下，並把雞子倒到火鍋內
「講到明先，得你哋兩個食姐，食唔哂咪叫我哋幫你」區長對着雞子兄弟說
雪兒看到雞子於煲內浮浮沉沉的，臉上露出如小孩看到新事份一樣的好奇。
「等咗咁耐，得啦！」雪兒把煲中的雞子夾起，慢慢的品嚐。
「個口感又幾得意，唔係雞胸咁hi，又唔係雞咁嘅口感，請問係咩部位？」
一時間，全檯的人從吵架中靜下，視線轉去雪兒身上……
「哈哈哈～」
「咪姐係隻雞嘅睪丸囉，係你口裏面含含下嘅咪係Chicken Testicle囉
即係雞蛋蛋～哈哈～！」焌文想也不想，就將事實道出，並笑得有如瘋了一般。
雪兒聽到後呆了一下，繼而將口中的雞蛋蛋吐了
「So disgusting! Daniel呀～～你又唔同我講？」雪兒不斷的將可樂灌下喉嚨，希望把雞子的味道洗去
「見到你食下嘢，唔通我停你咩？你咪當係補下身囉？」男神邊忍笑邊講，臉通紅得如番茄般
此時眾人的恥笑聲此起彼落，雪兒只好低頭紅着臉，不發一言
「無事嘅～女仔咁中意食雞子嘅，我都係第一次見！！！我唔得啦」光洙笑到停不了
「唔夠食後面仲有好多呀，一陣幫你囉多啲～吓～」姚明說
就是眾人還為着雪兒吃雞子的事，繼續的恥笑，男神就收起了笑容
「呢啲咪係一班人一齊嘅樂趣囉,試下enjoy啦，只係同我／舒雯玩好悶㗎，萬一我哋唔在場，咁你咪無fd?
試下融入下大家，識下啲人。而家認識到嘅人仲係單純做朋友嘅時候就好把握…」男神講的時候。眼神流露出一點兒傷感，看到的舒雯亦為他嘆了口氣。
男神的話，令雪兒明白了一啲嘢。
人係自私的動物，當有起利益沖突嘅時候，就會離棄你無論你係幾咁好，
只要有誘因令佢可以背叛你，佢就會毫不猶豫嘅背叛。
人性本善，卻因權力金錢地位等而變得醜惡。
好人/單純的人已經如頻危動物般罕有。
身上傷痕滿佈嘅人，亦會因而變得絕望。
「唔好睇佢無嚟正經咁，其實佢先係睇事情睇得最透徹個個。
仲記得初中嘅時候，可能係我屋企算係有多少錢啦，
所以啲同學係成日討好我，諗住有着數可以r，點知到無嘅時候，就走都走唔切
真心朋友都無幾多個，唔好睇我成日好似多女仔埋嚟，
其實咪都係因為我個樣同埋屋企啲錢？
屋企有錢，唔係代表我有錢，啲錢係父母辛苦得返嚟嘅.....」男神將啤酒罐開了，大口大口的灌下去
「有幾多人知你有錢，而又只因個人嘅內在，而做死黨？唔多。
你個fd就係Sherman，而我咁耐嚟，第一個咁單純咁對我嘅人，就係文少......
我哋係中二先識嘅，而佢唔中意睇啲虛假嘅事，反而在意同會欣賞人嘅內在，仲會同你講有啲咩要改
佢講過：『人un勁同醒都無用，最重要係內心』
就係呢句，令我開始同佢做朋友
文少係一個講得出，做得到嘅人。
係我面前唔講錢，唔講屋企，而將重點放係相處同建立友誼方面。
你個人有少少唔妥，佢一眼就睇得出，仲會諗埋點幫手。
每次我同女朋友分手嘅時候，佢同會同我深夜吹通宵嘅。
一個電話，無論幾點，佢都會出嚟，仲買定啤酒等我...雖然係友真係好鐘意食煙,不過就係對住佢，我先可以放心做自己。
Sorry,講得太多啦...不過唔知點解，我睇到你係好女仔嚟，所以先講咁多
個傻仔係唔知點同你相處姐，無事嘅」
男神打從心低的，相信雪兒。幸好，今次他沒相信錯人