那些年，當香港仲係百鬼夜行既時代 II: 13. 高街鬼屋VII – 鐘馗真身

「王叔叔! 」
個個男人輕輕點頭又用手拍一拍我手臂，「還真是緣份啊!難怪你師父一直搖頭晃腦地說緣啊!我現在明白了! 哈哈哈…」
 
「別以為我們到了你就可以偷懶啊!我們充其量只可以幫一下你的，沒有了鐘馗主神的真氣，絕對是鎮不住這種場面的。」一個企係隔離，細細粒粒既男人冷冷瞪住四周接口道。佢唔單止說話冷冰冰，毫無感情可言，連全身上下都係冷颼颼，成舊冰咁樣。
 
佢地呢一班奇異到極既人其實係台灣八家將團隊中最享負盛名既一隊，三龍王子宮廟福意堂八家聖將。同佢地既淵源，可以由我同一班師叔去台灣時講起，係呢一件事中，我除左從八家將前將主口中得知請出鐘馗主神既真魂既方法之外，我仲識左一班甘願成為鐘馗部眾既八家將。八家將中職位分明，大約可以分成前四班同埋後四季，頭先滿口台語既男人，就係前四班既領頭，甘爺。甘爺專司刑罰，所有既惡鬼都唔會從佢既法眼底下走甩。
 
而剛才接口既漢子就就係後四季既主將之一，冬大爺。佢地單打獨鬥既力量雖難以媲美一眾主神，但係一但有主神統領起黎，卻可以增加主神十倍，甚至百倍既力量。清朝既殭屍扎記就記載1896年既清朝就曾有五行殭屍為禍，各行各派都有派出高手前往清剿，當中有道家一代宗主方悅華因力戰而死，但係而其他既人當然都係無功而還，到最後，清政府見事態嚴重，唯有派死士過台灣，請出當時既三城隍宮廟如意堂堂主帶領其十三精英家將秘密渡海助陣，協助清軍既三大欽天監施法，方能消滅五行殭屍。由此可見，台灣土產既家將對主神既幫忙實在唔能夠睇少。
 
雖然見到有咁強力既後援黎助陣，但係我心中依然係唔踏實。因為要發揮八家將既最大威力，就必須要請出主神既真魂黎控制佢地，唔係的話，佢地就會功高蓋主，帶返住主神既魂，無辦法發揮到最大威力，甚至只可以發揮到平時一半既力量。如果祭出主神真魂，配合上台灣本土最強既八家聖將，當然要請除眼前既百鬼可以話係小菜一碟。但係與此同時，真魂既降臨卻會震醒附近鬼魂既自我保護心態，令佢地陷入瘋狂狀態加入戰鬥。二戰時，死係呢到既港人，英軍，日軍亡魂都多不勝數，如果佢地同時挾帶住怨氣一擁而出…諗到呢到，我就有股不寒而慄既感覺自尾龍骨直沖天靈蓋。




 
「王叔叔…我想我請不了主魂來…這邊徘徊不走的亡魂實在太多，我怕會震醒他們…到時就…」我壓低聲音，用我一口唔咸唔淡既國語黎同佢地溝通。
 
「哦，不怕!有我在你儘管放心請吧!哈哈哈! 」雖已經一別多年，但王叔叔依然係一貫既豪氣，沙膽。
 
唉，橫又係死，掂又係死，我就即管搏一搏啦!
 
「翊聖雷霆驅魔辟邪鎮宅賜福帝君大駕人間，大妖小鬼勿視，跪地叩接，六道萬物皆不可逆違，八家聖將領陣，六鬼壓尾，呈請翊聖雷霆驅魔辟邪鎮宅賜福帝君真身!」