《讓我重新遇見你》·緣圓系列·: 第三十四章 鎖鑰

第三十四章 鎖鑰

點解啲提示越黎越難架！
1022已經夠難估﹐
今次仲要鎖鑰…

我又冇同佢去埋啲心鎖橋啲乜野物野。

又過左一個星期﹐
「頂你個肺！陸添羽！」嘩﹐




邊個咁粗魯召喚我？
我一另轉頭就見到周慧敏。
「你召喚我？」我R下頭問佢。
「唔係你覺得邊個叫你呀？」佢反一反白眼。
「啊飄掛。」我發現我對住佢會不自控笑。
「一定係啦。我問你！你做咩俾我電話曾偉雄！」佢指住我個鼻黎鬧。
「冷靜啲。」我掃開佢隻手「啊雄BB要溝你呀。」我講完佢塊面已經好紅。
「哦...咁...咁...冇野囉。」
「你都鍾意啊雄～」我調皮咁講。
「唔Q知呀！」佢急步﹐




但佢又點同長腿既我鬥。
「咁惡佢唔鍾意架。」我跟到半路就冇跟﹐
響原地大叫。
「唔關你事呀！」佢大叫。

------------------------

我行去佢面前「又畫呀你。」
「又唔得呀？」佢笑笑口咁串鳩我。
「得﹐一定得架。」我無奈咁笑。




「講樣野你知。我有新目標。」佢個樣好得戚。
「講黎聽下。」我彎低腰伸隻耳朵過去。
「Not You.」佢既笑容微微拉高佢既臉頰既肉。
「唔通係吉仔？」我開始估。
「癡線咁多人搶。」佢寫左張紙「想知就whatsapp我啦。」佢伸一伸脷。

------------------------

諗返起都覺得搞笑。
...
..
.
唔通係運動場？！
果到有locker架喎。





於是俾人留完堂就去左運動場。

行入去﹐
經過終點位﹐
諗返起上一次…

------------------------

「呀！好痛呀。頂！」啱啱比完賽既我因為比賽前冇拉筋而抽筋。

「唔好郁。我幫你拉。」啊婷竟然親自幫我拉筋。

「大腿定小腿呀?」佢好溫柔咁問我。

「大呀。」我噤住左面大腿。





------------------------
諗起呢一幕,
我不知不覺間笑左出黎。

「啊婷,你到底幾時先返黎…我真係好掛住好掛住你…」

我拎出鎖鑰。
但係見到鎖鑰上面有啲字跡。
好模糊。
不過勉強睇到525。

525咪係啊婷生日﹐
我記得佢本筆記有寫低。





佢係故意定係巧合？
鎖鑰編號竟然係佢生日。

我行近525 locker。
嘗試打開佢。

「咔嚓—」真係響到。
拎出入面既信同相。
相入面係既啊婷笑得好燦爛。
呢張相咪係…

----------------------------
「衰仔,你做乜唔聽吉仔講呀?」啊婷好似啊媽咁講。

「娘子呀。成件事唔係…」我想反駁





「望呢面!」吉仔講。

咔嚓!

佢影低左我同啊婷。

---------------------------

我樣衰呀我個樣。
如果唔係抽筋…
我一定chok曬樣咁影。

睇埋封信先。

---------------------------

喂啊﹐肥添。
仲記唔記得呢一張相呀？
我同你既第一張合照。
不過你個樣唔夠靚仔﹐
我要再影過架。

好彩啊雄果日同我講你就快生日咋。
如果唔係我就miss左架啦。

呢一封信已經係第五封啦。
不過得半張紙﹐
要搵埋剩返果半張架！

我咩都唔食:)

----------------------------

原來係啊雄講比佢知既。
不過啊雄果日幾時同佢講架？
我唔知既？

-----------------------------

「啊添﹐差一個人跑接力呀。」啊雄跑過黎。

「你諗住叫我?」我指住自己。

佢反一反白眼「屌你﹐年年都你架啦﹐行啦。」

「我去跑接力先,你都唔好周圍行啦。啲風吹下吹下好易病架。」我捏佢個鼻一下。

「嗯﹐你都小心啲啦。記得拉筋呀肥仔。」佢搣返我塊面。

「啊添﹐你去先啦。我屙尿先。」

臨走之前見到啊雄同啊婷講左幾句。

不過我都冇理咁多。

-----------------------------

原來係果次。

乜原來完整一張紙先叫一封信...

你咩都唔食。
咩提示呀？

今次真係估唔到啦。