《易容師 II 模仿犯》: 第十三章-恐怖醫院
走左？
咩事幹又走左呀？
「教授你唔係睇住佢既咩！」我衝到入房，走埋去窗邊。
望落去，咁岩左下面就有棵樹，見到上邊有Ｄ斷枝位，相信一定係呢到跳左
落去。
「教授你冇事嘛？」陳仔扶起左熊教授，然後拎出手機：「天哥，我依家
CALL班伙計截住佢！」
「唔洗，麻煩班伙計繼續跟著Dr.Chan先！」
講完，我一手抽出病床上既被單，雙手分別捉著被單既兩角，退後到房門
位置。
「天哥，你唔係諗著......」
陳仔番話仲未講完，我已經助跑起步，衝去窗邊！
踏踏── 蓬！
跳過窗口，同時用力拉扯被單，造成一個降落傘......
「弊！」
無奈既係，只有兩三層高，降落傘根本唔夠時間準備！
盡管即時打開左個被單，都只係緩沖左少少，撞到旁邊棵樹，好狼狽咁跌
左到地。
「天哥！唔洗咁搏呀？」陳仔係樓上嗌落黎，確認一下我既安全。
係就係癲左Ｄ，不過呢個方法無疑係最快最直接。
「我冇事！歐陽美琪應該走得唔遠，我依家去追返佢返黎！你同我繼續留
意返伙計個方既情況！」
雖然係擔心Fish，不過我知道依家趕去都幫得唔多，不如安心交比跟緊既
伙計，我自己去搵歐陽美琪既蹤影更有效率。
岩走到兩棟大廈之間既馬路，我就見到歐陽美琪坐上左架的士上邊！
仆街！講明人釘人，你個死o靚妹仲用車，咁樣犯規都得既！我仲唔拿拿
林收線，狗沖去拎返我架坐駕咩！
2015年10月17日，晚上9點13分。新界屯門，青雲路。
今次架的士開得好快，直頭超哂速咁行駛。
直到到青雲路，充黎拋離我架GTR咁制。
屌佢老尾，逼我都踩盡油門追你姐！
就係我踩油門個一刻，部的士竟然急停左落黎！
生死存亡既瞬間，我及時扭呔盤剎車，唔係真係衝撚埋去都似！
岩一定驚，就係倒後鏡到睇到歐陽美琪衝出的士，後去山邊一棟有Ｄ殘舊
既建築物方向。
我實係都馬上落車，先走去架的士個到，發現個司機大叔，大動脈比人用
利刀割破左！
「嗚......嗚......咳咳！救......救我.......呀......」
「喂！頂住呀！」唔得掂，我雙手幫手按著大叔既大動脈，Ｄ血一樣係咁
出，唔停咁流。
唔洗一陣間，個司機大叔已經冇哂反應。
屌！
我即刻打上去大台：「喂！警署呀？青雲路ＸＸ號三叉口到有個司機比人用
利器割大脈，快Ｄ派人黎呀！」
「喂？先生，唔好意思，麻煩你......」
「仆街，伙計呀！有人死左呀！青雲路ＸＸ號呀！屌你！」
佢老尾，依家有人死撚左，歐陽美琪又唔知發咩神經殺人，究竟呢一切到
底發生咩事架！
「喂！喂？喂......答我呀！」
就係我走入棟建築物既範圍個陣，就收唔清電話。
我拎開一睇，竟然一Ｄ訊號都冇！
我再抬一睇，棟建築物叫做乜乜乜私人醫院。
個名有Ｄ熟臉口，但偏偏呢個時候又記唔起邊到見過聽過。
呢間醫院，感覺有Ｄ似恐怖電影入面既荒廢醫院，唔同既係門口兩旁既燈
柱係著住燈，隱約照到玻璃大門後面好似有人影走過。
「唔好意思。」我推開玻璃門，入面只有櫃台開左盞枱燈，大堂四周一片
都係黑媽媽。
唔對路！
我又留意到櫃台旁邊，貼住左張告示，指醫院診症時間係「早上八點至晚
上九點正」。
只係過左唔夠十五分鐘，呢到竟然冇哂人？
更何況，冇人既話點解唔關埋度大門？
颯──
忽然一聲從後發出，我即係轉身一望，見到一度門打開左。
唔得，完全好似入左一間模擬鬼屋咁。
氣氛怪異到令人窒息......
我好自然咁拔出槍同小電筒，慢慢一步一步咁靠近個一間房。
叮噹！
「邊個！」實在太恐怖，只係升降機響左一下，已經嚇到我成個人彈起。
唔係啵......升降機，點會無啦啦停係呢層？
莫非仲有人未走？咁都好Ｄ，搵人帶路比較好。
升降機門打開，我就走上前：「唔好意思，警察。我知你地要關門......」
講到一半，我冇再講落去，因為升降機入面有一個人。
而呢一個人，應該係一個女人。
一個短髮到肩，一身白衫，一直低著頭。
升降機門打開左咁耐，佢都好似冇意欲走出黎。
「小姐？」同時，我既心跳得好快，好似預料到咩事咁。不過，我依然鼓
起勇氣，上前查明。
「小......小姐？」
依呀呀！！！！！！！！！
哇！！！！
好大把口，好尖既牙，成隻白衣女鬼咁衝埋黎！
唔係！係比女鬼更恐怖！
因為又係裂口女！
係實實在在，係有血有肉，有影子既改造人！
只係呢次係冇左雙手，相隔五步距離，好快速咁跑向我！
(to be continued...)