《易容師 II 模仿犯》: 第十四章-殺意盡開

 
　　2015年10月17日，晚上9點22分。新界屯門，神祕私人醫院，地下。



 
　　依呀呀！！！！！！！！！！！


 




　　係四周漆黑，只有近大門櫃檯，同埋Lift入面傳出既光線，形造出一個恐
怖鬼屋既情景。
　　只係，係入面嚇人既，唔係人所扮既鬼怪職員，亦唔係真係異次元既魂魄
惡靈，係實實在在即時奪人命既「裂口女」改造人！
 
　　距離唔夠五步，無手姴口女迎面衝到埋黎！
　　「彈開呀！」
　　尖牙好似咬到我鼻頭既一刻，我及時側身避開，順勢一個拳打落佢臉到！
　　一拳就咁將佢打到仆係地上。問題係，佢並冇因為咁就暈低左！
 





　　颯──
 

　　就係我仲未黎得切確認無手裂口女仲有冇反應能力既時候，又一個似曾相
識既畫面呈現我眼前......
 
　　一雙足滿血絲既眼睛，係一個裂開既大嘴巴下面。
 
　　而呢一個畫面，亦好似之前睇CCTV一樣，整個大頭瞬間近距離出現我既




面前！
　　唔同既係，今次係4D、係實況！實在咁撲殺到我面前！
 
　　是福不是禍，是禍......祈禱都躲唔過！
　　岩避開無手既裂口女，依家又一隻「倒行怪」撲到埋黎！
　　電光火石之間，絕對唔係打機禁QTE咁比你有時間緩衝！


 
　　依呀呀！！！！！！！！！！！


 
　　無啦啦比隻怪物一下按係地上邊，手槍都跌左一二邊。
　　雙手死撐頂著怪物既頭，佢係咁抬高個頭，將把死人口起勢咁窒埋黎！




　　望著隻倒行怪獪獰既眼神，滴著口水既尖牙，絕對可以用極度凶險黎形容
此時既情況！
 
　　可惜，我起初就係因為唔想亂咁開槍射殺佢地，只盡量打暈佢地，換黎依
家咁凶險既情形。
　　無可奈何，眼前呢Ｄ所謂既「怪物」，無疑係「易容師」一案既受害者。
　　無論作為證供又好，人證又好，就算比我依家手上有槍，都未必馬上決策
到，可能又會繼續徘徊射殺或打暈既選項。

 

　　依呀......依......依呀！！！！！！！！


 




　　仆街！
　　就係我同逆行怪掙扎個陣，訓底左一邊既無手裂口女，竟然學似蛇咁，左
右擺動身體，慢慢既爬向我既方向！
　　真係天堂有路我唔行，地獄冇門死入黎！
 
　　同一時間，訓係地既我，又見到一個人影跑入個部升降機到。
　　係歐陽美琪呀！趁我同緊兩隻爬毛死鬥個陣，竟然自己鬆人！
 
　　「歐陽美琪！」
　　救我呀！
 
　　我唔係講唔出後面個句，而係歐陽美琪只係用一個極度恐懼既眼神望著我
個方向。然後佢既人就消失lift門之間，完全將我既生死置之度外！
 
　　死亡逼近，真相卻無法得知？




　　唔得，我接受唔到！
 
　　但我又可以點？
　　用盡全力都推開唔到壓著我隻怪物，另一邊隻裂口女就快殺到埋身！


 
　　殺左佢。
 
　　咩......咩話？


 
　　殺左佢！
 




　　唔可以架......佢地係無辜架！


 
　　佢地唔死，就係你死。
 
　　係呀，我仲有好多野要做架......單案既真相，同Fish道歉，同佢結婚......所
以我唔可以就咁死架！




 
　　殺！！
 

　　對唔著呀！
　　生死於一線，為左保命，我唔可以再猶豫不決！
　　我左手用盡力捏著倒行怪條頸，鬆開右手握緊拳頭，對準著佢個大頭，起
勢咁狂轟！


 
　　轟！轟！轟！轟！轟！轟！
轟！轟！轟！轟！轟！轟！
轟！轟......


 
　　一拳接著一拳，拳拳到肉！一下打到佢面容扭曲，一下打到佢口噴鮮血，
一下打到佢尖牙出飛......
　　五拳？十拳？二十拳？抑制三十幾拳？
　　我都唔知個瞬間，我打左幾多拳，直到倒行怪血紅既雙眼向下反白，冇力
訓底係我身上先收手。
 
　　拳頭，好痛。
　　右手指骨位Ｄ皮都爛哂，上面已經分唔清係倒行怪既血，抑係我自己流出
黎既血。
　　只係，我仲唔可以退！
　　因為仲有一隻無手裂口女，爬到埋黎！
　　企左起身既我，明知可以轉身就走，無奈對腳竟然唔受控制，就連把嘴都
可以亂咁講野：「死開呀！」

 
　　砰呀──

 
　　一腳，狠狠咁揪飛左訓係地既姴口女。
　　踢到佢整個人移開左成米遠，頭頸傾側，再冇點樣反抗。
 
　　「嗄......嗄......嗄......」
　　完左？我打死左佢地？
 
　　呢一刻，我自己都未反應得切，望著訓係地上邊兩個唔知係生定死既改造
人，我內心竟然有一絲既亢奮。
　　我竟然因為重傷左無辜既人，而興奮？
　　唔係，我只係為左活落黎，去幫無辜既尋找真相！
 
　　我冇錯......我冇做錯！
 
　　　　　　　　　　　　　　　　　　　　　　　　　　　(to be continued...)