《易容師 II 模仿犯》: 第十二章-危機四伏
2015年10月17日，晚上8點49分。屯門醫院，急症室門外。
講返搵返歐陽美琪個一刻，我既心情既興奮又擔心。
興奮係「易容師」一案線索再次出現，擔心係歐陽美琪醒後會唔會協助我
地警方既調查呢？
「你個仆街仔......」係急症室門外，岩岩包紮完既我，坐左係急救緊既歐陽
美琪既房外。
而陳仔就岩岩先走到埋黎：「天哥，SORRY啊！」
我點解鬧佢？因為佢猜考車牌囉！
就係岩先我碌左落山，跌到個人都傷哂，要CALL白車送去醫院同時，我
都需要有人幫我睇部架戰車。
點知呢個時候，我先醒起陳仔個衰仔，咁大個人仲未考車牌！
「你條友，廿歲人仲唔考車牌。」
「真係SORRY啊！咁我平時又大洗，又唔鍾意車既，咪唔去考囉！」
真係比佢激死，搞到頭先上白車個陣，仲要死死地氣，請阿熊教授幫我揸
架車，兜埋陳仔黎醫院。唉！
「教授呢？」我手又痛起黎，咬緊牙關，禮貌咁問返教授情況。
「佢落左去買Ｄ野食，話自己都想了解下佢前學生發生左Ｄ咩事啵！」講
真，我都好想知啊！
明明比神祕人捉左去，案件完左之後都冇再出現。
遇返佢個陣，佢好似見鬼咁，驚到要跳落山崖咁......
我怕，我所估計既野真係有半成真。
真正既「易容師」，可能另有其人......甚至唔只係一個人咁簡單！
之後，經過左唔洗半個鐘，醫生同護士都出左黎。
護士小姐拉埋塊布，我地隱約見到歐陽美琪訓左係入面，立即拉著醫生問
下詳情。
「醫生你好！屯門重案組B隊，劉孝天。」我出示返我警員證，醫生都馬
上知道Ｄ咩事咁：「我想了解下入面個傷者既情況。」
「哦，係咁劉SIR......傷者歐陽美琪傷勢唔算嚴重，只係頭部受到震盪，一
時間暈左咁姐！另外，我懷疑傷者先前受過一輪虐待，身體有處傷痕。但詳情
報告就要等一陣，我地再替傷者作詳細檢查後先知。」
「咁我地依家可唔可以入去睇下佢？」陳仔幫忙接話。
「唔係唔得既，不過我地護士會先將傷者送去房先。一陣你地再跟姑娘入
房啦！」醫生好聲氣咁講，講完佢就比其他護士拉走左，去睇其他病人傷者。
又一陣間，歐陽美琪比人送左上樓。
我同陳仔跟到上去，點知比護士係房門左截著左。
「唔好意思，傷者岩岩先醒返，精智唔多清醒，麻醉阿SIR你地一陣唔好
問咁耐野啦！」又係Ｄ例排對白，不過都明白既。
叩叩。
「歐陽小姐？」我叩門進去，陳仔隨後。
只係我地見到歐陽美琪，拎著被單蓋住自己。
「歐陽......美琪？」我地一步一步咁慢慢走前，去到佢既床邊。
歐陽美琪依然捉著被單，連個頭都唔露出黎。
「我地係警察，係好人黎架，你放心啦！」
我安慰佢既同時，手慢慢放到佢被上，輕輕力咁拉開佢。
逐漸咁拉開，終於見到佢染左啡色既頭髮......
Do......Do......Do.....
「呀！唔好呀！唔好再打我啦！」
頂！就快拉開哂張被個陣，陳仔電話忽然響起黎。歐陽美琪嚇到拉返埋張
被去，可惜呀！
我馬上以一個殺佢全家既眼神睥著陳仔，陳仔好慌張咁答我：「係......係伙
計打黎架！」
「咁拿林出去房外接左去啦！仲係到比佢響？」
真係呀！依家Ｄ o靚仔要比人鬧下踢下先識郁咁！
「咩事呀？」同時間，熊教授亦上到黎。
「冇事架啦！頭先個警察哥哥電話響炸。」
我即刻以極之溫柔既聲線，好似哄小朋友咁同歐陽美琪講野。
但誓都估唔到，換黎對方一句意想唔到既回應：「警察......差人......係鬼......
係鬼呀！」
警察係鬼！？
咩警察係鬼？
我緊知唔係Ｄ咩靈異鬼魂啦！
係鬼......莫非，警察入面有內鬼？
「歐陽......」正當我再繼續追問佢個陣，陳仔衝門入返黎。
「天哥，伙計個邊有發現啊！」
「發現Ｄ咩呀？」我拿拿聲捉陳仔出返去，以免又嚇到傷者。
「個Dr.Chan果然有Ｄ唔妥，佢明明住係九龍區，但伙計查到佢近呢兩個
月，每星期都有三四係留係屯門區間私人醫院到。」
「咁作為醫生，每星期有幾日留守過夜好平常姐？」我反問返陳仔。
「問題係，佢每星期留守，身邊都會有個女伴。而個名女伴，冇人留意個
有冇出返黎！」
唔係掛？兩個月內，都冇咩新增失蹤人口報告啵！
「咁你地繼續查著......」
「唔得呀！伙計岩先打黎，就係話我知依家Dr.Chan身邊個個女伴正正......正正係.....」
「挑，講野講清楚Ｄ啦！一舊舊做咩姐？」
「天哥，係阿嫂呀！Fish姐呀！」
乜......乜話！？
即係話，琴日見到既Fish，係同緊Dr.Chan一齊？
唔係，依家應該擔心既係......Fish有危險！
乒啦──
所謂一波未平，一波又起。
就係我腦海整理緊混亂既線索個陣，病房內突然傳出巨響！
「又咩料呀？」我衝返入房，見到窗門打開左，教授訓左係地。
「劉SIR......歐陽美琪......又......走左呀！」
(to be continued...)