[末日][極限生存][獵奇]　致人類的輓歌－首部－墮落: 4.4

霍女仕留著一頭短曲髮，由左向右一個波浪髮型整齊地梳好。她手戴著一隻名貴腕錶，手指套著一隻鑽石戒指。她言行舉止彬彬有禮，卻沒有穿

上醫生袍，反而一身平民的打扮。小靜感覺她像一個貴婦更像一個醫生。

「Well，係咪你想像好大出入呢？已經冇必要著醫生袍喇。入面冇冷氣仲有啲熱。」霍醫生看著小靜對她投以好奇的目光，她慢條斯理地回

答。

「J，不如你幫我去急症室件外套。記得順手閂門，唔係啲病人可能自己誤打誤撞入左去。」霍醫生看著Jason溫柔地說，但眼神十分凌厲。





「Yes, madam。」Jason轉身離去。

「一個好幫得手既年輕人，isn’t he? Oh look!你拎左咁多野比我地。Thank you!」霍醫生看到阿ca手上的物資時像小朋友一樣興奮。

「互相照顧姐。曹醫生，我地想借你地部發電機一用。我地想用嚟整多組蒸餾裝置。」阿ca說。

「蒸餾裝置？你地唔係有喇咩？」霍醫生一臉不悅。

「我地想整多組，長遠計樽裝水都會用哂。」阿申答。





「我地依家部發電機用嚟幫醫療用品叉電。我地離唔開佢兩日，抱歉幫唔到你地。」霍醫生斬釘截鐵地回應。

「我地都係用一兩日架咋。一陣佢地有人送水上嚟當交換，一係你同佢地傾丫？你知我架啦，只係傳話。話唔到事。」阿申陪笑說。

「Oh boy. 你應該留係依到。」霍醫生像疼小孩一樣撫摸著阿申的臉。

「我地要出發喇。再見喇曹醫生。」阿ca拉著眾人離開。

「Good bye and take good care。」霍醫生微笑揮手，目送他們離開。





。。。。。。。。。

「佢講大話。」小靜在路上說。