[末日][極限生存][獵奇]　致人類的輓歌－首部－墮落: 4.5

「咩講大話？」阿申問。

「佢又話熱又要外套，都唔合理。」小靜一臉狐疑地說。

「但係佢冇需要呃我地丫？」阿ca說。

「可能。。。佢唔想比我地知佢收埋啲藥係邊掛。」小靜扁嘴，擰頭表示不清楚。

「是但啦，唔關我地事。我地依家自由喇！」阿申笑著說。





「我地今次有咩計劃？」阿ca問。

「我地上山啦，海嘯之後好多動物都走哂上山。老鼠曱甴一地都係。」阿申說。

小靜頓時大腦缺氧，面色鐵青。

「唔好比佢嚇到啦。」阿ca笑著拍醒小靜。小靜聽到阿ca澄清後鬆一口氣。

「冇一地咁多既。。。」阿ca滑稽地看著小靜說。





「點解。。。屋宛果到冇？」小靜吃驚地問。

「你睇唔到唔代表冇。」阿ca白了小靜一眼說。

「你估次次都搵到雀咩？班友食咩肉都唔知架啦。哈哈哈」阿申按著肚子大笑。

小靜跌進一個無盡的恐懼深淵。她決定永遠不在家裡吃新鮮的肉。

他們沿著醫院附近的山邊向上爬。小靜第一次居高臨下地俯瞰附近的景色。





她回頭看到橙堡，醫院，遠眺還看到新城市中心，她生活了三個多星期的地方。

很多矮樓都被水淹沒，只露出小許天線在水面。在太陽的照射下大地一片欣欣向榮。海水淹沒了大片的土地，陽光在壯闊的水面映射著，好一片

風景。

「點解啲水灰灰地咁既？」小靜問。

「可能上次啲海藻掛，紅潮之類。」阿申不以為然地回答。

他們繼續向山頂進發。

阿申隨手撿了一枝木棒，和小靜身高相若的長度。他拿上手後用開山刀削尖一邊後交給小靜。

「平時拎住矛既中間行路，當柺杖用。記住記住千萬記住矛頭向地，唔好向天。你一仆親就會殺左自己。明白重覆一次重點。」阿申認真地看著





小靜說。

「行路時矛頭向地。」小靜冷靜地回答。阿申滿意地點點頭。

「係你要攻擊既時候用雙手握住下三份一位置。因為槓桿原理，把矛自身既重量會聚左係前面。所以記住，把矛一定要拎高。刺出去時個勢係向

下。咁你既攻擊力會最高。」阿申一邊說一邊示範。他雙手分開肩膀闊的距離握緊木矛，水平地維持在肩膀的高度。阿申神色凝重地看著面前一

棵樹。他眼神一變，整個人向前傾斜，矛尾微微托高。阿申利用臂力加上自身的重量向前奮力刺出木矛。嚓！木矛刺進了樹皮少許。

「係招係比你旁身用。旨在短時間重創目標。因為你出得手都係危急情況，所以唔好插唔中呀。」阿申笑著，把木矛給小靜。小靜看著手中的武

器，突然自信起來，滿足地笑著。





他們繼續往山頂進發。

「點解冇咩動物既？」阿ca問。

「可能去哂水源附近。最近既水塘要行半日先到。我地去到都拎唔到水番去。算啦。」阿申說。

他們終於到了山頂。景色豁然開朗，卻又令人膽顫心驚。

九龍區域盡覽於眼皮底下，甚至能夠遠眺香港島。但基本上隨了少數高樓大廈，一切已經被海洋吞噬。山脈擋下了海嘯正面的襲擊，但巨浪摧毀

的一切同樣被擱置在山下。大量的垃圾，碎木，膠樽散布在山邊。還有無數的屍骸浮在水面或是在山上曝曬。

小靜被眼前的景象震懾，鬆開手中的矛，倒在地上呆坐。

「唔洗咁樣啵，望遠小小，尖沙咀果面啲高樓大廈仲有人住，睇下樓同樓之間有好多橋連住。」阿申指著遠方說。小靜擦去眼眶無名的淚水，果





然大廈都彼此連結著。

「生命總會搵到出路。」阿申對眼前慘烈的情況感到安慰。

咔嚓！一陣樹葉被踏碎的聲音從身邊傳出。

阿申立即示意她們蹲下及安靜。

一隻龐然大物出現在他們二十米的一處低樹叢走到山路中。它長著兩隻尖牙，渾身棕黑色的短毛，有力的四肢。

「野豬。」阿申雙目發光，壓下自己激動的聲線說。