[末日][極限生存][獵奇]　致人類的輓歌－首部－墮落: 4.3

警察對著阿ca和阿申揮手。

「喂，點呀近排？」阿申上去和他握手。

「我都唔知呀。。。重病果啲都走哂。。。後備電都耗盡。。。跟住。。唉」警察欲言又止，垂頭喪氣地說。

「最後曹醫生想幫佢地係儀器冇電之前打針，舒服咁去。但係霍醫生反對，兩個人嘈左一輪之後冇講過野。。。跟住儀器就冇電，佢地一個接一

個咁走左喇，得番幾個差唔多康服既人仲係到，不過好辛苦。」警察皺著眉說出不想記起的事。





「我地都盡力架喇，唔好諗咁多。振作。」阿申拍一拍警察的肩。警察苦笑了一下，他注意到小靜。

「咦，新臉孔啵！」警員走上來想和小靜握手，小靜下意識地把身體稍微藏在阿申背後，緊張地低下頭用兩隻渾圓的大眼睛打量著警察。

「我叫Jason。你叫咩名？」Jason把手架在半空，等待著小靜回應。

「小靜。」小靜用幾乎聽不到的聲線說。Jason把頭貼近小靜想聽得更清楚。

「咩話？」他問。小靜看到他貼近立即嚇得向後縮。





「佢叫阿靜，發生左啲事佢要小小時間放鬆。」阿ca說。

「喔，你好。」Jason尷尬地起自己的手。

「估下今次有咩？」阿ca狡猾地笑著，一邊放下自己的背包翻尋著。

「我知我唔好意思估架。」Jason嘴裡說不，身體卻十分誠實。他湊到阿ca身邊，探頭期待著阿ca的禮物。

「今次帶左罐頭回鍋肉，麵包，餅，仲有小小檸檬茶。我地係屋宛入面搵到依類野多，新鮮既都腐爛哂。」阿ca像聖誕老人一樣抱著一堆禮物在





手臂，得意地笑著。

「我。。。我真係唔知點多謝你地。」Jason眼泛淚光，攬著阿ca。阿ca臉一紅，立即推開他。

「得喇得喇，我地都係盡下人事姐。曹醫生呢？」阿ca急忙岔開話題。

「佢同我伙記係二樓幫照顧緊病人。依家得番三十幾人仲係到咋。其他都。。走哂。」Jason說。

「係呢Jason，我地想借你地部發電機。」阿申單刀直入。Jason聽到後面色一沉。

「要問曹醫師啵，但係又借？上次先借左去搞農埸遲左幾日還。」Jason略有微言。

「唉～我地都係做醜人。要用既人唔係我地。晏小小佢地有人送水上黎當交換。」阿申說。Jason強顏歡笑。

「J! J!拎啲水同抗生素上嚟。」大堂的二樓傳來一把成熟的女聲。





「等等，阿ca佢地嚟左呀。」Jason向二樓大叫。

「唔好郁，我自己嚟。」聲音回應。

深幽的大堂回復到一片死寂，只有門口範圍被陽光直射，其餘的空間只有昏暗的反射光照著。

很快，一個身穿粉紅色汗衣，白色長褲的女仕從扶手電梯走了下來。

「Hello there～～～」女仕的笑容十分親切，但眼神裡卻是十分警戒。

「你好霍醫生。」阿申禮貌地打招呼。