唔好玩啦，我係月老個助手？: 2.2

「小玉麻煩哂你啦，呢個係我既孫女，小玉。係佢岩岩幫你換了套衫和洗身的。」 月老見我咁迷惘就答左我既疑惑。

「小玉姐姐，想問下你幾多歲？」我好小心咁問，始終年齡都係女人既祕密。

「下年剛剛好係600歲！」 小玉冇咩避忌，好快就答左我。

我招招手示意小玉過黎，然後係耳邊問佢：
「你知唔知洛賢佢幾大呀？有冇幾百年？」

「洛賢跟你一樣大咋！」 小玉聽完之後就好大聲咁答我。





洛賢係出面聽到佢個名之後望左一望入黎，然後開始行返入黎。

「你又知我幾歲？」 加上洛賢係人類黎？

「梗係啦！我看過你啲資料，加上係我…逼爺爺…揀架！爺爺呀！唔好再推啦！」 小玉講講下就比月老格硬推左出去，於是成句野就變得好鬼激動。

「搞咩呀，玉姐佢咁激動既？」 洛賢等月老同小玉都走左之後就入黎問我。

「林洛賢！我聽到你講咩架下！！」 小玉把聲大聲到好似係我前面講野咁。





「玉姐就係頭先你係月宮見到既個隻兔仔啦，果個係佢既原形。」 洛賢即刻嚇到講返細聲啲。

「哦～唔怪得佢對白兔牙…」 我用手係門牙到模仿白兔牙，洛賢好抵死咁笑左笑，然後就望住我。

「係啦，話時話你手上個本野咩黎？」 呢個moment梗係搵話題，於是我問起左佢本奇奇怪怪既野。

佢本野個封面係用藍絨毛既質地去包住，冇任何既字係上面，而我隱約見到好似有啲金色係本書啲頁既中間，本野大概同一本普通既教科書咁厚，粗略估計，都有200幾頁到。

「呢本係有字天書黎架，當你成功撮合一對天作之合既話，就會有紀錄出現本書既開頭到，反之如果撮合後，發現雙方都唔係大家既真命天子既話，就會記錄係書既最後一頁。」洛賢打開本野比我睇，似係好得戚咁曬佢啲戰績。





但我見到既只有一頁頁既白紙。

「呢位先生，請問你係到揭黎揭去做咩？一隻字都冇喎，你唔係想話我聽你冇成功過呀嘛？」 我指一指佢本白雪雪既頁面。

「咩冇呀！你睇下！有成十版紙都係成功架……吖！係喎你未開眼…哼遲啲你開左眼就知我有幾勁！」 洛賢收返埋本書之後準備行出去。

「喂！咪行住！開咩眼呀，我係咪都有本野架？」 我及時拉住洛賢個衫尾。

「到時你就知架啦…果個死野敢直接比本野呢條女，我打死佢都似！我去廚房睇下玉姐煮咩野食先～」佢自言自語左一陣之後，我鬆返開佢個衫尾，然後就攤左落床。

我既第一份工竟然就咁開始左。