(青春極少甜)原來曖昧真係最好既階段: 11-楊紫晴
今日星期日，我約左三個八婆一齊食飯。
「嘩，楊紫暗又咁誇張。」
中學既女仔，多數都唔係好識打扮，但係楊紫晴既出街look永遠都唔似一個中學生。
「同我地食飯姐，洗唔洗化妝呀。」我話。
「妳識條春咩，化妝係更加突出我既美貌。」楊紫晴特登撥左兩下頭髮。
「收皮啦妳！」Tina一野推落佢個頭到。
「哈哈哈哈哈哈哈……」
雖然楊紫晴講唒粗口，但都係跟住我地一齊大笑。
我地揀左間cafe食野傾計，cafe可以坐得耐，o岩唒我地四個女仔一個墟。
同平時一樣，我地嗌左大家最想食既四個餐，然後share黎食。
「喂油淇，妳同周銘逸點呀？上次比賽見你兩個好似幾多互動咁。」Tina問。
「冇呀……」我繼續食野。
「冇妳個頭！我搭車見到你地一齊等車呀！之前唔記得問，o岩o岩先醒起。」楊紫晴爭D噴唒D意粉落我塊面到。
「Wow……林油淇，從實招來！」麥葵用支叉對住我。
「妳地可唔可以俾番D私隱我呀？我都係人黎架，我都有秘密架。」我扮喊。
「楊紫暗俾四眼仔追都向我地全盤托出啦，妳唔係咁下話？」麥葵將支叉隊得更近我。
「咩四眼仔？喂點解我唔知架？」我禁低麥葵隻手。
「唔知我咪講多次囉，我講完妳要講番妳個單架，妳咪走數呀！」輪到楊紫晴用支叉指住我。
「我林侑淇幾時有走過數！」我用番支叉指住佢，仲要整左個懶係兇狠既樣。
「好，就憑妳呢句，我信妳！」楊紫晴整左個江湖大佬既勢，半拍台咁放低左支叉。
呢個時候，已經有半個餐廳既人都望住我地。
楊紫晴個樣咁靚真係唔多適合咁戇鳩，但好可惜，佢就係咁戇鳩。
楊紫晴係學校一直都係冇乜人追，因為佢太靚又太串，好似遙不可及咁樣。男仔通常比同年女仔晚熟，再對比埋成熟既楊紫晴，就只會更稚氣。楊紫晴同開大過自己兩三年既人一齊，對同校既人係一D興趣都冇，但唔知點解，兩個月前，有一個中五既師弟，竟然開始追佢。
個師弟離奇地高大，成183cm，高楊紫晴20cm，白白淨淨咁。有幾多個會有佢咁高丫，所以楊紫晴一講我都已經有D印象，好似叫蔣偉樂。睇外表既話，佢都唔似細過楊紫晴既。
「師姐妳都住呢頭架？」
有次楊紫晴搭車番屋企，蔣偉樂坐係佢隔離位，開始撩佢傾計。
「下？啊……係呀。」楊紫晴嚇一嚇。
「其實之前都成日見你搭呢架車，不過都唔敢同妳講野。」
「哈哈，我又唔會食人，有咩唔敢。」
「咁都係既……師姐妳係咪叫楊紫晴呀？」
「嗯。我認得你呀，蔣偉樂丫嘛，咁鬼高。」
坐低左既蔣偉樂，都係高楊紫晴半個頭。
「哈哈，其實都唔係好高姐。」
「嘩，咁都唔高唔通姚明先叫高呀？」
「哈，原來妳都唔係咁得人驚姐。」
「下？」
「見妳成日唔笑好似好cool咁，睇落有D難接近。」
楊紫晴唔多鍾意人話佢唔笑好cool，因為佢根本係成日笑，但D人見親佢自己一個個陣冇表情就話佢難接近，佢覺得好戇鳩。
「屌，唔通行行下路笑咩！唉！冇計啦，生得靚女係咁，一唔笑就有說話聽，你幾時有聽過人地話D豬扒唔笑係cool架？」
楊紫晴係好真性情，有個句講個句。
「噗……妳好似又幾o岩喎。」蔣偉樂聽完就笑左出黎。
「係咪呀！
我落車喇。以後咪睇表面就亂咁話人呀，我大方先唔同你計。係咁啦！」
楊紫晴好瀟灑咁落左車。
之後幾乎每日，楊紫晴番學個程車都會見到蔣偉樂，放學個程都多左見到佢。
「做乜你成日跟住我姐，搭親車都見到你。」
兩個禮拜後，放學後番屋企個程車，楊紫晴終於忍唔住問佢。
「因為妳個人幾得意，我幾鍾意。」蔣偉樂眼都唔眨，好堅定咁望住楊紫晴。
「……」平時最鍾意調戲人既楊紫晴都呆左幾秒。
「咩呀你，小朋友溝大姐姐呀？你唔o岩我架喎。」
「未試過又點知。」蔣偉樂仲係望住楊紫晴。
「嘩，而家即係公然追我咁話喇喎？」
「嗯……都係架，呀姐姐妳點諗？」
面對楊紫晴既嘰笑，蔣偉樂完全冇一絲閃縮，反而仲好自信咁笑住。
「睇下點。暫時姐姐對弟弟就冇乜興趣。」楊紫晴基本上都唔會輸個勢俾佢。
「即係唔反對我追妳啦？咁你俾個時間我，幾時會答覆我。」
「嗯……兩個月啦！」
楊紫晴覺得呢個人都幾得意，就叫做俾左個機會佢。
後來蔣偉樂成日係班房門口等楊紫晴一齊番屋企，又直接約楊紫晴出街，個幾月黎佢地周圍去，好似情侶咁。
「點解妳個三個朋友成日叫妳咩楊紫暗？」
其中一次行街既時候，蔣偉樂問。
「佢地話紫晴呢個名好普通，所以咪叫我紫暗囉。明明暗係對光，陰先係對晴架嘛，不過佢班智障係冇乜腦架喇唉。」
「無論個名幾普遍，對我黎講，楊紫晴好特別。」
楊紫晴講到呢到，我地三個一路笑一路起雞皮一路打佢。
佢話又有一次，蔣偉樂帶佢去沙灘，用蠟燭砌左個心形。
仲有一次，蔣偉樂買左隻幾大既鬆弛熊俾佢，話同楊紫晴一樣唔曉笑，個樣好cool，但就好得意。
直到上個禮拜，楊紫晴同佢出面識既男仔o益左交，佢本身同個男仔係好曖昧，就黎一齊，點知個男仔竟然同左一個楊紫晴好憎既女仔一齊。
楊紫晴諗住買醉，就上左長期冇人既蔣偉樂屋企叫佢一齊飲酒。
人地話唔開心飲酒特別易醉，可能係真既。平時幾飲得既楊紫晴飲左少少，就爆左佢飲酒既原因出黎。
蔣偉樂冇嬲，但飲得快左。
「我知你鍾意我……但我襯你唔起……我俾人掂過架喇……」楊紫晴已經好醉。
「邊個？」蔣偉樂都飲得差唔多。
「我初戀個個……同我扑完就飛左我……之後再拍拖……我都冇再做……唔敢做……我怕又會俾人飛……所以每次我都飛左人先……」
「我都做過一次……我好鍾意既女仔引我做……做完先知佢有男朋友……」
「明顯係我慘D啦……你戴人帽喎……」
「我覺得追唔到妳……好似慘D……」
蔣偉樂充滿酒氣既雙眼望住楊紫晴，兩個人貼近，就錫左落去。蔣偉樂一下抱起楊紫晴，一路錫一路行入房，將楊紫晴安放係床上面之後又繼續錫。
「小朋友食大姐姐……唔得喎……」楊紫晴笑住咁講。
「妳覺得我好小咩？」蔣偉樂都笑住回應佢。
楊紫晴笑一笑又錫番住蔣偉樂，對手就開始除蔣偉樂件衫。
好快，兩個人身上已經冇唒遮蓋。蔣偉樂慢慢進入楊紫晴既身體。
第一次之後，佢地兩個都好耐冇做過，楊紫晴好緊，蔣偉樂又好敏感，唔夠五分鐘已經射左出黎。不過佢兩個都已經好攰，所以好快就訓著左。
第二日起身，蔣偉樂唔知去左邊，楊紫晴就自己離開左佢屋企。
不過個日之後到而家，蔣偉樂一次都冇再搵過楊紫晴。
楊紫晴覺得，蔣偉樂應該覺得自己係楊紫晴個男仔friend既替代品。
「咁蔣偉樂一定好hurt啦……」麥葵扁唒嘴。
「雖然我唔想咁諗……但佢同妳初戀有咩分別喎，食完就唔要。」我攪拌住杯野飲咁講。
楊紫晴聳聳肩。
「但係楊紫暗妳都瞞得我地耐喇，以為妳身經百戰添，原來係容易受情傷的女人。」Tina話。
「屌妳吹鳩我漲咩！妳失戀咪撚攬住我喊呀！」楊紫晴係咁篤Tina個頭。
「喂係喎，想我地叫妳楊紫陰咪早講囉！楊紫陰！」我又篤楊紫晴個頭。
「陰妳條毛！好撚難聽呀！」楊紫晴係咁笑，跟住篤我個頭。
我地係咁互篤既時候，楊紫晴電話係咁震。
我地見到，
來電者係蔣偉樂。
「Wow！嗚！聽電話！聽電話！」
我敢肯定我地一定係最嘈個台。
「收聲啦妳幾個！
喂？」楊紫晴o殊左我地一下，然後接聽左電話。
楊紫晴沉默左一陣，聽對方講野。
「下？你點會知我係邊食飯？」楊紫晴好驚愕。
又等對方回答。
「麥葵，佢話多謝妳Instagram既地點標記喎。」楊紫晴好無奈咁望住偷笑既麥葵。
「嗯，我而家落黎。」楊紫晴講完就收左線，望一望窗，然後起身行出Cafe。
「咁算點呀？佢個袋係到架喎。」我問。
「睇住戲等佢上黎啦。」麥葵同Tina都哄去窗邊。
我都跟住望出去，見到拎住札花既蔣偉樂同楊紫晴。
我地好努力咁估佢地講咩，但估到九唔搭八，三個係咁笑。
最後淨係見到楊紫晴拎住束花入番黎。
我地即刻瘋狂追問楊紫晴發生咩事。
楊紫晴話，蔣偉樂消失一排，首先係因為傷心楊紫晴原來有鍾意既人，搵佢陪都係因為個個男仔。但諗左幾日，佢知道自己都係鍾意楊紫晴，所以唔想放棄，於是揀左兩個月試用期結束既今日黎搵番楊紫晴，希望佢俾個答覆自己。
「妳花都收埋，即係應承左同佢一齊啦。」我望住D花。
「我冇。」
「下？點解呀？」麥葵問。
「始終我都係o岩o岩俾個個男仔傷完，我唔想咁快又開始，唔想當蔣偉樂做代替品，唔想佢覺得我當佢代替品，所以拒絕左。我想佢同我都諗清楚先。」
「咁都o岩既……」麥葵點點頭。
「咦，睇黎我地小野貓楊紫暗好似成熟左咁喎。」Tina捽亂楊紫晴個頭。
「成妳條命！咪搞啦！」楊紫晴反渣Tina個波。
「o殊！」我同麥葵即刻叫佢地收聲。
我諗我地去到邊，都應該係最嘈個台架喇。