那年由耶撚變成hehe，然後…: 第二章

認識李志峰是因為他跟陳嘉儀都屬同一類人，我指，那些能夠隨心所欲地做人的人，我被他們吸引著。

「喂！何文輝，聽日不如你試下返我間教會啦，我同幾個同學一齊夾band呀，你黎捧下場呀？」

「你間教會......好遠喎，要過海既。」我的父母是基督徒，他們一直薰陶我，想我也成為基督徒，但我一直不願意。

「妖你，咪咁婆媽啦，咁你黎唔黎啫？」

「唔係話唔想黎呀，不過......」





「10點鐘就開始架喇，準時到喎！」說完後阿峰頭也不回，走出學校大門。

這時陳嘉儀從後跑來拍我的肩膀說：「喂呀，之前又話一齊做past paper，呢排成日唔見人，搞咩呀？」

「冇呀，我返屋企溫書喇，拜拜。」

「頂你，識左新friend就唔理我，你當我係咩呀？」

「我聽日要返教會呀，唔得閒，下次啦！拜拜！」





反正那時候陳嘉儀的男朋友是高材生，她應該跟男朋友一起做past paper才對。

而且我知道，陳嘉儀絕對不會喜歡我這種陰沈沈的人，當她男朋友，一定要很優秀吧？我？什麼都不是。


那時候我開始跟阿峰一起返教會，上學時一起午膳，放學時他偶爾教我彈吉他。

「男仔點都要識得彈吉他架！唔係點追女呀？積極ｄ啦何文輝！」

「拍拖冇用架，又要消費，又要哄佢，麻鬼煩。」





「唔好講咁多。喂！你試下唱呢段，我彈。」
 
這時候，我才發現放學後的課室原來可以充滿歡樂。
 
我從未試過跟一個同性朋友如此合拍，難免令我想到這並不是友誼那麼簡單。
 
******************************
 
「喂？我考完英文痾佬喇，痴線，我差ｄ俾條蛋散害死，佢講到一半突然爆左句中文出黎，我眼都突埋。」電話中的阿峰訴說著剛考試的經過，語氣自若，似乎已開始走出母親逝世的陰霾。
 
「下？咁爆？喂，我返緊工，陣間CALL你。」那時候剛開始在一家連鎖服飾店當兼職售貨員，往往晚上十二時才下班。
 
當我跟同事揮手說再見後，轉身便看到阿峰在轉角位等待著。





其實自從那一晚後，我們已十多天沒有見面，期間我們雖然有通電話，但每當他想約我時，我總是以上班為藉口推搪，只是沒想到這天他會前來等我下班。
 
「十幾日唔見，好憎我咩？」
 
「唔係呀，咪講左要返工囉。」
 
「拿，芒椰奶西做宵夜，夠貼心喇掛。」
 
「多……多謝喎。」
 
「搵個藉口見你啫，冇見十幾日……」
 
「得！我明，唔洗講。」每當他向我說曖昧的說話時，我當下反應就是想叫他閉嘴。

我很怕，很怕真的愛上這男孩，尤其我們明知這是禁忌，明知這樣只會成為叛徒，明知我們可能無法回頭。