【突發】有個巴打PM我，話我聽佢死左。: 柒

主題：「畢業禮點？」
內容：「係咪順住班號一個一個咁上台拎證書？
多唔多人黎睇？有冇人送花？大家係咪好開心？」

鋒哥無視我上個pm既問題
直接問畢業禮當日既情況。
唔通鋒哥既心願就係想我代佢參加畢業典禮？

「Sharon同呀朗佢地點呀？」





難道鋒哥真係仲仇視佢地？


主題：「類似係你講既咁。」
內容：「佢地都過得好好。但係，佢地都想同你講對唔住。Sharon其實都中意你，只係佢有苦衷，先至扔左個風鈴，拒絕你。至於呀朗，佢話對唔住利用左你，而且當日句話係衝口而出，並唔係有心傷害你。」


我send左第二個pm後，我以為鋒哥應該會了左心事。
點知，佢再send黎既pm竟然係……






主題：「 」
內容：「點解去畢業禮既人唔係我。」


哇，好邪啊 完全係恐怖片入面陰魂不散個種


「幫我同佢地講，我都想同佢地道歉。係我衰，我一早就唔應該纏住佢地。









其實我都知，我好惹人討厭。」


我忽然醒起Ball后形容既鋒哥
一個奇奇怪怪、內向到極既毒男。
因為其他人都唔中意佢，所以Sharon拒絕左佢。
因為怕佢影衰自己，所以呀朗唔想同佢做朋友。


但到底鋒哥有咩咁乞人憎呢？
佢冇傷天害理，冇作奸犯科




追女仔又好，識朋友又好
明明平常既事放係毒男身上，就變成罪惡一樣。
講到尾，佢錯在因為佢係毒男。

明明做錯事既人，係排斥佢既人啊。



「點解去畢業典禮既人唔係你，而係佢地呢。」
我將今日第三個，即係最後一個pm send出。