【突發】有個巴打PM我，話我聽佢死左。: 陸

「所以你認為，係因為你傷害左佢，而令佢自殺？」

「嗯……」啊朗答完呢句靜默左差唔多三分鐘冇講過野。「如果，我當日冇利用佢既話，可能佢就唔會咁傷心。」


「或者，我一早就唔應該再搵返佢。」



聽完件事收線之後，我不禁深呼吸左一下。




實在太沉重。
如果鋒哥係刻意將有負於佢既人講比我聽
到底用意何在呢？
係咪代表佢真係因為呢d事自殺，所以陰魂不散？
唔通佢想報仇？想我幫佢報復？


主題：「我今日去左畢業禮。」
內容：「我已證實左個兩件事。雖然我唔排除你只係認識鋒哥既人，但目前我姑且信住你先。





到底點解你要講呢兩件事我知？你想佢地後悔？定還是想我幫你報仇？
好對唔住，傷天害理既事我唔會做，尤其係你唔係我親友，我冇必要幫你報復。」



當我send左個pm之後，我先至醒起我冇睇過鋒哥acc既起底page。
一撳入去睇，我嚇左嚇。


【其實人生存有咩意義？】




【我懷疑自己有d抑鬱症，有冇巴絲同我一樣？】
【有冇人同我一樣，咩都咁失敗？】
【有冇人未考dse已經覺得自己炒硬？】
【（物理jj）D人開煤氣自殺，係咪好易會搞到爆炸累隔離屋？】



【各位再見】


難道呢個post，就係鋒哥自殺前最後一個開既post？
我click入去再睇下內容，以及留言。


鋒哥




「好似我咁冇用既人，唔死都冇用 」

巴打一
「樓主做咩事呀？講黎聽下先啦」

巴打二
「安已不  」

鋒哥
「對唔住，我真係覺得自己對父母唔住，但我真係覺得好辛苦。」

巴打三
「介唔介意講下咩事？我地好難幫到你架喎？」

鋒哥




「冇朋友，冇女，學業又差，dse炒硬。淨係識畫畫，但我個人又內向，呢係屋企畫畫睇唔到有咩出路。」

巴打四
「屌，咁大把人同你一樣姐，唔好睇到自己係悲劇男主角得唔得？高登大把毒撚同你一樣啦。」

鋒哥
「其他人慘，唔等於我唔慘  」

巴打五
「等我仲以為有幾慘，原來咁咋  」

鋒哥
「或者我應該去睇醫生。但我唔想再浪費佢地錢。我咁冇用，我第時都賺唔返比佢地。」

巴打二




「報警撚召喚」



巴打五
「自殺還自殺，唔好搞跳樓跳軌就得啦，阻住全世界。」

巴打六
「唔好開煤氣，會爆炸。」




巴打七
「係去死就快啦。真係想自殺既人會上黎開Post講咁多野咩？搏人注意咋，大家咪理佢。就算你自殺，都唔會有人理你囉，wfc。」








鋒哥（最後一個留言，之後其他人既留言省略）
「   」