中三那年忘不了的三個月: 31
食完碗紅豆冰後,永思就對住我講﹕「唔好意思呀,哈哈,你當冇左件事啦。」
我心諗﹕好難冇左件事啵,但係我又唔知點解佢會叫我咁做。
我出於禮貌講左句﹕「唔緊要....。」
如是者我地就冇左件事,就到5:00點左右,我地就去到西門町,大家都知道,西門町係去台北必去的地方,而賣既野真係包羅萬有,大家去台灣真係一定要去西門町走一趟,因為真係好多野買。不過我又冇乜野諗住買,所以我又好似獨行俠咁,之後我見到有間野係賣唔知咩雪糕,15數台幣枝雪糕就老練咁高,見到啲囡囡買黎食,食到好似含緊野咁。
但係呢啲都冇乜野,最過癮就係有間咩大便餐廳,阿義同阿達咁岩見到我就拉左我入去,一入到去個個主題全部都係以廁所為主。啲野都幾好食,不過真係太貴,但係人生難得一次去台灣,咁咪食下囉。
接著我地就返左酒店,當然第一時間緊係落去酒店樓下間商店買野啦。今次係我同阿泰一齊去,咁我地睇下有冇啲野玩。之後我地搵到一套兒童棒球套裝,我地就即刻係酒店房玩,點知本時淨係識睇電視既瘦林同阿峰,都玩埋一份。
咁我就玩到好攰,就坐左係門口附近既房門。突然,我聽到門外面傳來一陣敲門,我心諗邊個咁傻唔識緊門鐘。我就係防盜眼望下外面到底來者何人。
原來係本莉係門外外面好焦急咁樣等緊開門,,,,,,
我襯阿泰班友仲打緊棒球個時,我就靜雞雞出左去。我一出到去,本莉冇啦啦緊緊攬住我,我即刻嚇左嚇,佢用顫抖既聲音同我講﹕「間房...間房...有甴曱...幫我整走佢...」
我輕輕推開佢,雙手搭住佢肩頭講﹕「冷靜啲先,零姐呢??」
「佢...佢驚到沖左入房,隻甴曱就係個廳到,但係我都驚驚地,所以過左黎搵你幫手。你快啲入去幫我手啦。」說罷佢推左我入去佢間房到。
我就入去拎住左隻拖鞋,搵下隻甴曱係邊,而本莉就一直企係門口到望實我。但係我係個廳到搵左十分鐘,我連條毛既踪影都見唔到,況且呢間酒店出名衛生超好,所以可能係本莉一時睇錯。
「本莉,冇野啵,我搵黎搵去都搵唔到啵,會唔會係你睇錯呀....」我用疑惑既目光望住本莉。`
本莉都可能知道我既意思,就連忙解釋﹕「我見到零姐頭先冇啦啦大叫"甴曱呀!!!",我見到佢驚到咁,所以我都比佢嚇左嚇,就搞到出左去搵你幫手。」說罷佢伸一伸舌頭,摸一摸自己後腦,耳仔都紅哂咁,可愛到極點。
接著佢閂左對門,行左過黎細細聲同我講﹕「不如今晚你留係到訓呀.....我驚隻甴曱又出返黎...」佢講完呢句塊臉紅到極點,佢水汪汪既眼睛就好似誘惑緊我咁。
我即刻呆左望住本莉既雙眼,但係又比唔到任何既反應......
我望住本莉愈行愈近,佢每走一步,我既心跳就跳愈快。我心諗﹕唔係呀...我先岩岩過左合法年齡,唔係咁快就初嚐禁果呀...
我愈糊亂咁想諗,身體就愈黎愈熱,搞到我連呼吸都有困難。
本莉慢慢行到去我既面前,佢冇啦啦係到大笑,講﹕「你睇下你緊張到,哈哈..哈哈..講下笑咋!!」說罷就擰轉身繼續笑
我聽完之後,我口中就自言自語咁講﹕「哈哈...原來只是個玩笑...」不過我成個人都鬆左一口氣,我見本莉仲係到笑緊,我就把心一橫,諗住整蠱返佢。
我從佢身後抱起佢,佢就十分愕然,就係咁往我心口打﹕「你做乜冇啦啦抱起人,放返我落黎呀!!!」當然我緊係唔會放低佢,因為我話明要整蠱佢。
我唔理會本莉既拍打,我將佢放到去梳發到,之後我用我既身體壓住佢既身體,而且將返臉愈靠愈近...就好似下圖咁
![](http://ent.cqnews.net/yy/hyyt/200809/W020080926370053564634.jpg)
佢一路發出「UM....UM...」既呻吟聲,而且又將對眼合到實一實,驚我好似食左佢咁。不過就冇反抗到我既行為。
之後我係佢耳邊細細聲講﹕「算啦,放你一條生路,我驚再玩落去,我真係忍唔住。」說罷,本莉慢慢張返開眼望住我,本身我就想起返身個陣時,點知本莉將用雙手攬住我條頸,好似唔想比我走咁。正正係咁,我地對望左成半分鐘。
誰知本莉慢慢攬得愈黎愈實,我既嘴唇距離佢既嘴唇都係得10厘米左右。我就問佢﹕
「你唔後悔??我地都唔係男女朋友關係...」
佢冇答到我,只係慢慢愈攬愈實...愈攬愈實....