中三那年忘不了的三個月: 32

我地兩個既呼吸愈來愈凝重，正當我閉上眼，準備往本莉濕潤既嘴唇上面獻上我的初吻。突然我個背脊比人狠狠地打左一野，我即刻嚇到彈返起身，本莉既手亦自然輕開。 

我擰轉身一望，我發現原來零姐係後面好嬲咁樣望住我，我即刻嚇到從梳發跌左落地，之後我手慌腳亂咁樣企左起身，好尷尬望住零姐講﹕「你...你好...」 

「你好??如果唔係我及時出到黎，本莉咪比你污辱左?你有冇搞錯呀，女仔都蝦，一啲gentleman風度都冇囉。」零姐好嬲指住我講。 

我心諗﹕仆街了，比人誤會左，點算好呢。 

我口啞啞咁樣望住零姐，吞左啖口水，因為我都唔知點解釋好。 





「點呀，冇聲出呀??」零姐擺出一副得逞既表情出黎。 

我即刻將目光轉往本莉，本莉即刻笑笑口，擺出一副〝WHO FUCKIN'CARES?”既動作，而且個樣仲要扮到好無辜咁，之後急急腳走左入睡房。 

「呀.....唔好意思，打搞哂....拜拜...」我DUP低頭就往門口處走。 

「你唔好比我知道你再入黎，如果唔係我叫周SIR鎖你入保安房全日。」零姐臨尾都要整返招將軍抽車比我嘆。 

我就冇理到佢，接著就返到自己間房到，諗住訓個教先。但係一閉上眼就諗起頭先同本莉近距離既感覺，成個身體既血液又好似沸騰緊，我就沖個凍水涼，沖左自己既慾火，跟著就好舒服咁訓著左。 





如是者話咁快到左第3日，朝早食早餐既時候完全見唔到本莉既踪影，所以我對全日既行程冇哂寄望。 

咁今日就全日行走藝術為主，首先鶯歌陶瓷博物館，我只能說我不懂藝術，入面既陶瓷都色彩繽紛。全程我都HEA下HEA下走哂整個場館。 

之後我地走到另一個以藝術為主——朱銘美術館。朱銘美術館起碼都叫有啲野睇下咁，因為就算唔識藝術，佢地都整到好吸引。所以我都幾認真咁樣睇，但係睇睇下就有啲口渴，咁岩我見到有間CAFE附近，心癢癢又走左入去叫左杯Cafe Mocha，係微微落雨既天氣，坐係露天既CAFE店外面，可以話係品味生活。而對正出面就係一路幾大既路。 

突然我見到本莉同佢個組既人一齊唔知係地下畫咩，咁我當然驚到躲埋入間CAFE望下佢地做緊咩。咁我望望下，個CAFE既女職員用普通話同我講﹕「你是不是不知道她們在做什麼呢?」 

「對呀，她們在地下畫什麼呢?不會被罵喔?」 





「不會啦，那是可以的，但是要在限制的框框裡面畫喔。」 

「喔，原來是這樣的，謝謝你的解說喔。」 

說罷佢就繼續調製佢既咖啡。如是者我就係CAFE入面等左幾分鐘，等佢地畫完走左之後先走出去。 

我就走到本莉畫既畫個到睇下佢畫左啲咩，我仔細望，原來佢畫左一隻貓，但係佢單單用左幾分鐘就畫到好神似，而且仲要只係用粉筆，我只能說佢好有畫畫天份。 

我望向在遠方既本莉，心裡感到一絲安慰，睇黎佢冇因為尋晚既事感到唔開心。