中三那年忘不了的三個月: 30

我換左件普普通通既T恤，因為尋日台灣都算幾大風下，我唔想有感冒，所以加返多件風褸。咁就部左阿泰落去食早餐，咁瘦林同阿峰亦準備出去，咁我就提醒佢地記得拎房卡。 

落到去餐廳到，咁我同阿泰有早餐券，我同阿泰就叫左份蛋包飯，食完之後當然再係準備去遊玩啦，咁跟住就去左中正紀念堂睇下，不過真係幾撚悶下，又冇乜野睇，見到啲囡囡係咁同個真士兵係到影相，又攬又YEAH咁，真係睇到都笑撚死，但係唔知點解女神又過埋去影埋一份，睇見都眼怨。 

但係佢又好似見到我好不滿咁，就問我﹕「做咩呀，唔抵得呀。睇黎有人冇得影，妒忌啵。」佢一邊講，一邊恥笑我。 

我就擰轉身廢事彩佢，佢就講﹕「你唔係嬲呀??」說罷佢拉住我隻手，我驚愕左一下。佢拉左我去左個士兵到，講﹕「啦，咪話我孤寒，呢加就同你一齊影返張相留為紀念啦!!」 

「唔係掛，要收肖像費啵。」其實本莉肯動拖住我隻手，去一齊影相，我已經開心到爆炸，因為本身我地又唔同組，有機會一齊己經算好好彩。但係我都扮哂唔願意咁，特登激下佢。 





「喔，咁好啦，要收肖像費就唔影囉。」本莉嘟起嘴咁講。 

「唉好啦好啦，見你咁可憐，唔收你錢啦。」我不知幾想同本莉影相，估唔到佢咁都當認真。 

「好野!!!但係我唔係幾識普通話啵，點搵人幫我地影相呢...」我見到本莉四周咁望，睇下有冇同學。 

「唔洗啦，我識咪得囉。」之後我就用流暢既普通話叫左一個當地人幫我同本莉影相。 

我同佢擺好左個蒲士，當地人往快門按了下去。如是者張相就係本莉部相機到。 





「哈哈，你睇下你個樣幾傻。」本莉仔細望住張相係到傻笑。 

我望住佢傻笑個樣，我覺得呢個MOMENT真係好SWEET...... 

你要知道，快樂既時光總係過得特別快，而呢句野我就呢幾日經歷好多次。當我仲沉醉係佢可愛既樣上面，佢都望住我，耳仔都紅哂講﹕「你做乜望實人姐....」佢講完呢句之後就DUP低左頭，繼續望佢部相機，扮哂唔緊張咁，真係  。 

正當我正想諗住戲弄下佢，撥弄佢頭髮。點知零姐咁唔識做，冇啦啦行左過黎拖左走本莉，話咩發現到有趣野，佢趁本莉望唔到我既時候用十分鄙視既眼神望唔住，可能佢以為我同本莉不懷好意啦。 

咁本莉走左，我緊係跟住去睇下有咩有趣野，原來廣場中間既儀仗隊係到進移交接儀式，我見到我班同學一邊影住儀仗隊步操，一邊就好似狗仔隊咁。不過都幾有趣，而且又係文化既保留，所以都不妨多望一眼。 





接著我地就去左中正紀念館呀，台灣故事館。正正唔同組既關係，我又冇機會同本莉傾計，所以呢幾個鐘入面我感到十分苦悶，但係成程我都同之前有提及過既李永思一齊行，咁我就下稱叫永思啦，永思就高我半個頭左右，佢都算我地級數一數二樣子唔錯既女仔，但係又唔可以用女神黎形容。高高瘦瘦，白白雪雪，而且個樣仲要鬼鬼地，都可以一戰。 

但係雖然佢全程同我一齊行，其實有原因，因為佢比個叫做水哥既男仔煩住，咁水哥呢份人都可以算係MK仔，矮我少少咁多。但你要知道通常MK仔都係特別蠢，所以永思唔想比佢煩住哂，所以就全程跟住左我，希望水哥自難而退。 

當然永思全程跟住我，水哥唔敢亂咁黎，所以永思都放心左。不過佢有個問題我都呢加都搞唔明，咁我地去到個台灣故事館到，有間野就賣紅豆冰，佢就坐係我隔離，咁我地自自然然叫左碗紅豆冰。食食下佢就冇啦啦問我﹕ 

「喂，孖撚，我呢加比個任務你。」 

「係，點。」我放低匙羹望住佢。 

「呢加你同我面對面望住大家既眼三秒。好簡單姐，得唔得??」 

「好呀!」咁我當時又以為真係面對面，望三秒算。點知永思將塊靠到好埋，如果我個頭往前伸一伸，就真係可以KISS到佢。我望住佢個唇，我緊張到吞左啖口水。 

之後佢提醒我﹕「望住我隻眼。」 





我就慢慢將目光由唇，移到去佢個目光到。如果你試過同女仔近距離對望，你會發現你係會閉上呼吸，血液好似沸騰咁，身體僵直哂。我從永思既目光好似感覺啲野，但係又硬係講唔出咩感覺。 

之後我只係望左2秒左右，就好緊張DUP返低頭食碗紅豆冰。你要知道，呢2秒真係好似成個鐘咁，如果第時大家有女朋友既時候，不妨試試。 我聽到永思係咁笑，之後佢都繼續食紅豆冰。如是者全程我就尷尬到唔敢同佢講野.......