中三那年忘不了的三個月: 27

自由活動時間就話咁開始，我就返房拎住換對拖鞋出去行下，因為成日著住對CON屎鞋真係幾唔舒服下，除左對襪，著住對拖鞋，個種透氣度，諗返起真係人生一大樂事。 

係出去之前我見到阿峰同瘦林係到睇緊電視，個啲台灣偶像劇，本身我想問佢地兩個落唔落去酒店下面個超市行下，不過見佢兩個睇得咁入神，所以廢事打擾到佢地，阻人電視死左會比人燒春袋的。 

跟住我入房，見到阿泰訓左係張床到，我就問佢﹕「喂，落唔落去行下，買個杯麵上黎食，頭先個晚餐食得唔係好飽。」 

「唉，屌咪煩我，我寧願訓個教仲好。不過如果得既幫我買多個。」阿泰講完之後即刻打左個呵欠，再繼續訓。見到佢訓到成隻豬咁，我都廢事理佢。 

咁我只好帶著300蚊台幣，落去酒店地下超市到睇下有咩賣。我本身懷住興奮既心情，唔知本莉會唔會又好似中午咁，咁岩又一齊去超市買野。可惜呢啲只係我小毒撚既幻想。我都係面對現實。 





話咁快就到到左B1個層，一開門我見到個超市大到好似一個標準足球場咁，咁我行左入去睇有乜賣啦，基本你你諗到既都有得賣，所以生活用品，食物基本上都齊哂，但係我心諗係酒店地下起間咁既野做乜野.... 

如是者我就行到去賣麵既位，又係咩麵都有，即食麵，杯麵，乜麵都有，真係算幾齊正。咁我見到貨物價底部有香港賣既合杯道，身為香港人既我，當然支持返本地品牌。我就彎低身去拎左幾杯香辣海鮮味，我起返身諗住去比錢啦，我就見到本莉冇啦啦企左係我隔離望住我............ 我即刻嚇左嚇，點解本莉冇啦啦係我身邊出現，我就出於禮貌講﹕「乜咁岩呀。零姐呢?」 

「佢呀，懶到死，佢話想食野但係又想沖涼，所以叫左我落黎幫佢買個麵食。就係咁，又岩見到你。嘿嘿...」本莉撥弄著佢既頭髮講﹕「咁你呢?」 

「我呀...我頭先食唔飽，順便幫阿泰買埋。」 

說罷我地兩個就往收銀處到行， 





「你仲有冇野買呀?因為呢間野好似收9:30，所以陣間你想買野都買唔到。」我輕聲地問著。 

「呀!!!我仲有少少野買，不如你收電梯門口等我呀。」本莉好似求緊我咁。 

「唉，我陪埋你啦。」因為我都想知佢買啲咩，所以自動請纓跟埋去。 

「唔洗啦，你去排隊比錢先啦。」說罷佢行左去我後面，慢慢推我。佢呢個動作真係好似啲情侶咁，好可愛。 

我亦無謂強逼佢，所以我就講﹕「咁我係收銀處出口等你啦。」 





「嗯嗯。」說罷佢去搵佢想買既野。 

咁我比完錢，就聽本莉講係出口等佢。