中三那年忘不了的三個月: 23

「唔該哂你呀，如果唔係我諗開成世都未開到。」本莉含含羞羞咁同我講。 

之後佢入左間房後就埋閂。我就望住對門呆幾左幾秒。準備返入去我間房，但係我又好似忘記左對佢地講一啲野，所以我企左係到成分鐘，到底唔記得講咩呢。 


我諗諗下，我記得我未同佢兩個講，要將張房卡插落個電源位到先可以開到燈，開到冷氣。我諗佢兩個都應該唔知，咁我就諗住開門提醒佢地。 

點知我一開門，見到本莉係廳到換緊條短褲，我同佢四目交投。當然佢既粉紅色喱子內褲被我望得一清二楚，而零姐就應該係房汁緊行李。我見本莉好快就著返條黑色短褲，臉紅哂，而且準備沖返入房。 

頓時我就知道今次仆街啦，咩印象分都冇哂，所以我即刻dup低頭，就講﹕「你地要將將卡插係呢到先可以開到燈，冷氣之類既野。」 





說罷我就閂返門，去返自己間房到。 

入返到我間房之後，訓左係張好大既沙發上面發呆.....腦海不斷浮現本莉著粉紅色喱士底褲既情景..... 

「喂，喂，孖撚，你唔洗汁野咩?」阿泰見到我係沙發上面發呆，不禁問左句。 

我諗左諗，講左句﹕「係啵...」 

「你快啦，得返15分鐘咋。」 





「喔喔....」我慢慢坐返起身，諗緊應該去洗個臉先，定係拎返行李箱既野出黎。 

突然我FEEL到我褲袋有野銀住左，我即刻企起身往褲袋摸左摸。 
原來係欣恩既朱古力。我拎左出黎，望住"LINTD99%"既字樣，我又諗起，又諗起....... 

我即刻打返開行李箱，收返埋排朱古力，免得傷心既事從我腦海中湧現。 

「做乜鬼鬼祟祟呀?收埋啲咩唔見得光呀。」阿泰十分八掛咁樣問我。 





「朱古力，99%濃度，啱唔啱?」我拎返出欣恩比我既朱古力。 

阿泰見到排朱古力好似見到鬼咁﹕「嘩屌，上次肥陳中伏同我講完，呢加你想我中伏，你都幾毒下啵。」 

我都廢事彩佢，又要睇又要屌，咩心態。我將欣恩比我既朱古力好好地收埋左係行李箱既暗位到，因為我知道呢個算係幾美好既回憶，只能用美中不足黎形容，我要好好咁珍惜。 

我放完之後，我就仔細打量下環境，發覺呢間房真係好大，對比起本莉間房，起碼大成倍。單係張沙發都大過我屋企張床，之後我走左入去個睡房到，我見到有2張大床，真係大到你阿媽都唔信，我諗真係幾百磅既肥婆都訓唔哂一張床。 

我相信有去過酒店既人，對住張床第一時間唔係訓上去，而係跳上去試下個彈力。我跳上去之後，我就好似席夢思既廣告咁，差啲訓著。 

之後我就起返身去廁所，我入到去第一個感覺，洗唔洗咁大呀，個廁所都好似同我屋企個廳差唔多大，一個企位，一個浴缸，一個馬桶。只要對住塊鏡企遠少少，就可以望到全身。我就走到洗手盆到，洗左個臉，發現自己個樣好似老左幾歲咁，可能前幾個小時，我就好似經歷左一件人生大事咁，睇黎我今晚真係要好好地訓一教。 

出返廳之後，我見到瘦林同阿峰係到開電視睇台灣既節目，不過中午時間都係得台灣新聞，冇乜好睇。不過我係到諗緊阿泰去左邊，唔通落左去集隊，我望一望個鐘，仲有成10分鐘，唔係咁快落去呀。 






咁睇完左手邊，就要睇右手邊。你可能問「咩右手邊，咩左手邊」 

咁其實我地一入門口，左手邊就係開放式廚房同埋廳，右手邊就有一間房，同埋一間廁所。 

我見到間房對門閂埋左，咁我先去睇下個廁所。對比起左手邊個廁所，呢邊細左差唔多4倍，不過麻雀雖小，但五臟俱全。不過令我最好奇既係廁所隔離有個電話之類既野，我都係唔好亂搞，廢事整到古類精怪既野。 

我走返出廁所，準備打開神秘的大門。