中三那年忘不了的三個月: 24

我將隻手放左係門把上面，吞左一啖口水，因為我唔知間房有啲咩，我一打開，就發現間房黑到伸手不見五指。 

我就打開左房燈，發現間房就好似下圖咁(張細圖就係個廳) 

 


原來呢到都有2張床，但係唔知點解呢間房比左一種無型既壓逼感比我，可能因為真係太寂靜，跟住我就行左過去窗邊，諗住打開窗簾，點知有人冇啦啦拍我肩頭。 

我即刻嚇到轉身，好大力推開我身後既人。我望清楚原來係阿泰條仆街仔，又嚇鳩我，好彩佢踩左落張床到。 





佢開聲講﹕「嘩屌，嚇下你姐，洗唔洗咁大反應呀仆街。」 

「鬼叫你嚇鳩我先。」 

「嘿嘿，點，過唔過癮??」阿泰邪笑著。 

「過你老母，人嚇人冇藥醫呀!」 

「嘿嘿，玩下姐，不過話是話，頭先我自己企左咁耐，真係有點淆。好彩你好快入左黎開左燈，如果唔係我真係比自己嚇。」 





阿泰份人真係有啲神經質，我同佢講﹕「就夠鐘落去啦。」 

「你自己落先，我屙篤屎先!!」說罷佢就沖左出去左手邊個大廁所到。 

我出返廳後，見到瘦林同阿峰睇電視睇到入哂迷。我就提醒下佢地2個﹕「喂，仲有5分鐘，記得落樓下集隊。仲有記得落去個時最後個個走要拎埋張酒店房卡。」 

佢兩個講﹕「OK，你落去先。」 






如是者，我就行到電梯口準備搭電梯落樓下，天意弄人，誰會估到本莉又咁啱同一時間等緊。 本身我諗住即刻轉身走，等本莉自己落左去先。我一行到過去，佢又望到我。咁我冇理由就咁調頭走，姐係硬著頭皮都要行過去。我見到佢著一件白色T恤，前面就印左隻貓貓。下身就係換左條黑色短褲。 

我企係本莉隔離，之前都有講，女神矮我一個頭，我用我隻眼不經意望下本莉。我發現佢隻耳仔已經紅哂，我問佢﹕ 

「咦，零姐呢??」我盡量搵話題，令到個氣紛冇咁緊張。 

「吓...零姐??佢仲係間房汁緊野呀。」明顯聽得出本莉既聲音好緊張。 

「頭先.....頭先...唔好意思呀，我冇敲到門就入黎，所以..SORRY....」我講完之後都顯得有少少唔好意思。 

佢即刻抬高頭，扮哂好嬲咁，好似啲細路囡，指住我講﹕「啦，唔準同其他人講呀，如果唔係我殺左你呀!!」 

當然我知道呢個係一個玩笑。 

「YES，MADAM!!」我就好似士兵咁，對住本莉擺出一副敬禮既動作。 





佢見到之後，不禁笑左笑，講﹕「好啦，升降機到啦，希望你忘記頭先既事。」 

「係既係既。」我一邊笑笑口，一邊摸著後腦咁同本莉講。