中三那年忘不了的三個月: 22

「呀呀，好彩你企定定左係到，我差啲唔記得左講，呢加係12:03分，大家放低行李，休息下就12:30係返門口外面等，我地一齊去食午餐。」 


由於本莉得一個同房，所以入升降機既只係得6個人，但係由於每個人都拎住好多行李，所以一個升降機都好快填滿哂人。入到升降機後，本莉企左係我對面，我見到佢塊臉紅紅地，dup低左頭。唔知點解我望到本莉咁樣，我又不自覺諗起欣恩追出黎既情形，唉，我都係時候放低欣恩既事。 

我望向樓層制，我唔記得左自己住幾樓，我就問阿泰﹕「喂，幾樓呀?」 

「唔記得啦，頭先掛住同肥陳講野。」 






本莉突然間抬頭望住我講﹕「我記得好似係12樓。」說罷再dup返頭。 

我打左突，冇啦啦女神同我講野，我覺得有點出奇。咁我就順住本莉咁講，就往12樓按左一下。 

係地下上到12樓，其實都係10秒左右，我都冇錯過係呢十秒，我一直望住本莉，佢頭dupdup個樣真係幾可愛下。 









「燈!!」話咁快就到左12樓。 

電梯門一開，本莉拖住佢個行李箱就一支箭就跑走去。我都未介紹佢個房友，佢個房友係一個混血兒，叫做零姐，係菲律賓加香港。不過相貌真係幾一般下，而且有極嚴重既公主病，同本莉真係差天共地， 

佢見到本莉沖左出去之後，就係到叫﹕「本莉，本莉，等埋我呀。」 

我，阿泰，瘦林同埋阿峰都呆左呆，之後我地都冇出聲就咁行左出升降機。我地往我地住既房間行，我見到佢本莉佢地仲研究緊點樣開對門。 

其實好簡單，只要將酒店門卡插入去對門個智能感應到，又拉返出黎，就可以開門，我地入到去間房，我只能說用一個字黎形容，「大」!!! 






 

一入到去，左邊就係一個開放式廚房。我只能夠說，佢個廚房，仲大過我屋企個睡房。但係我諗我地都冇機會用到。而佢地3個第一時間就入睡房到。我放下左行李箱。將個酒店房卡放係個全屋電源位到，因為呢加好多酒店設計到要將酒店房卡放係個電源位到，先可以著到野。咁我就自自然然插張卡落去，開哂啲燈呀，冷氣之類既野。 


突然我聽到敲門聲，我打開門，原來係零姐同埋本莉。 

「喂，孖撚，快啲幫我地開門啦!!」零姐一邊將酒店房卡遞比我，一邊對我呼喝。 

我用懷疑既眼光望住零姐，我諗緊﹕「唔撚係掛，好簡單渣啵....」 

我從佢手中將房卡接過來，之後順住個方法將房卡插入去，再掹返出黎。我對零姐擺出"有乜咁難"既姿勢，再門打開。 






零姐從我身中搶走張房卡，就講﹕「好啦，呢到冇你既事，你可以走啦。」說罷佢仲要做出公主先有既轉身動作，大步大步咁走入房間，如果你望到真係比佢嚇死，動作真係好浮誇。