誰能逼我將就: Ch.95

這幾天都很忙，我跟小春這種香港隊的新手，跟著陳七這等老大哥到處做訪問。鏡頭前的陳七總是輕描淡寫，對攝影師的要求也很快配合得上。比起他，我跟小春只是兩棵枯樹。

終於，我迎來了第一課香港隊的操練。第一次跟法圖斯和麥基這些聯賽對手練習，感覺很奇妙。金判坤的要求很高，比海sir還要高，第一課操練後，差不多要了我的命。

「點呀，收得皮未？」陳七走過來調侃我。

「嘩，原來真係要體能操得咁勁？」我叫苦連天的說。

「我地就嚟對中國隊呀，嬴咗可能出線下一輪外圍賽。技術就唔夠中國隊，所以一定要體能好，防守都要用力嘛。」





「我都唔記得咗我地要對中國隊。」

「你近排咁多麻煩，明啦。一陣操完食飯，去唔去？」

「唔喇，我約咗人。」

「咁多女嘅你？」

「七哥，呢句說話我又點夠膽講呢？」





「哈哈，好啦再講啦。」

「係喎，波衫你揀咗幾多號？」陳七突然問我。

「十六號，你係咪想用七號同我換？」

「唔舒服早啲瞓啦，唔好亂諗嘢，拜拜。」

「哈哈，拜拜。」





我的確是約了女孩子，李英琦前一天跟阿爸喝過茶。她主動約我的目的，大概是跟我說阿爸的事吧。

不過奇怪的是，李英琦說阿爸這一次的約會沒有跟她說什麼，只是普通的閒話家常。嚴格來說，李英琦感覺到阿爸比之前沉默，只是笑容相對地增加了。

「咁妳約我出嚟做咩？請我飲茶呀？」我開玩笑的說。

「唐爾墨搵過我。」這句話，差點讓我把杯子跌到地上。

「佢搵妳？佢點搵妳？」我有點失方寸，追問起來。

「佢打電話俾我，可能偷睇你電話搵到我聯絡掛。」

「佢鬧妳呀？」我硬著頭皮問。

「冇，佢約咗我出嚟。約呢堆嘢交咗俾我。」





李英琦在袋子裡拿出一堆東西，都是我送給墨的。

「你同佢分咗手，佢以為你同返我一齊。」李英琦平靜的說。

「但佢搵妳都冇用，即係點？我送俾佢嘅禮物轉贈俾妳呀？」我有點啼笑皆非，因為我永遠不知道，墨做很多事的動機是什麼。

「聽我講先，佢真係真心以為我地一齊返，約我出嚟係為之前嘅事道歉。」從李英琦看著我的表情，我可以感受到，她對墨是改觀了。

「但都唔會係咁樣麻煩妳…」我無奈的說，感情事就是複雜。

「起碼我覺得釋懷。」李英琦笑笑說，她這話應該說來不假。

「咁咪好。」我已經沒有台詞，除了傻笑也沒什麼可以做。





「純呀。」

「嗯？」

「女人直覺，我覺得你要搵返墨，佢幾鐘意你。」我跟李…我跟英琦四目交投，那感覺有點苦澀。從來沒有想過，這種落落大方的豁達態度會出現在我們之間。

「好，我會搵佢。」

「好，我地食嘢啦。」

回家途中，我把自己跟英琦和墨的事，想了很多很多遍。不過，最後還是沒有結論。

回到家門，門前有一對我沒有見過的波鞋放著。我推開門，看見一個有點陌生的男人坐在沙發上。

「純呀，權叔嚟咗呀。」阿媽走過來說。