誰能逼我將就: Ch.25

第二天，我跟球隊說自行回香港。你們看慣英超球隊新聞應該覺得，我這個行為是不守紀律。不過我可以告訴你，在香港足球這是可行的，只要你告訴球隊，你自己負責回船票的錢就可以。 

不過早上離隊之前，發生了一段小小的插曲。球隊職員告訴我，昨天我們友賽的時候，他們發現了南華球隊的職員也有出現在球場的附近，而那球員一向是負責球探的工作的。 

那就是代表，南華隊對我們球隊內某一兩個球員可能發生了興趣，這真是讓人幻想的事情。 

跟墨約了在威尼斯賭場的餐廳見面，我看時間還沒有到，便跑了到賭場走一下。我很少來澳門，更不要說賭場，幾年前跟朋友來過一次，看見賭桌上那些銀碼都是三百五百作起步的，我根本就負擔不起這些玩兒。 

不過來這種地方看一下人生百態，我還是覺得很有趣的。 





突然，我接到墨的電話： 

「純，我仲未做完嘢，可能要遲兩個鐘先得，你等唔等到我？」 

「可以呀，我自己周圍行下。妳可以時就打電話俾我，唔緊要。」 

「好，咁我地一陣再見。」 

掛線後，我離開賭場。走到大門時，被一個跑得很快的男人碰到手臂，那人跑得很快，好像有很重要的事情要辦似的。
「唔好意思呀哥仔，人命關天。」他回頭看了我一眼，拋下這句話就走了。我看到他的臉不到半秒，但卻覺得很眼熟。 





我又這樣的等了墨一個多小時，這時又收到第二個電話，是媽的來電。 

「純呀…你仲喺澳門呀？」 

「係呀媽，我夜小小返。」 

「你阿爸尋晚又發脾氣，同你阿哥又鬧咗場大交。之後仲成晚訓梳化死都唔肯返入房訓，今朝一早唔見咗人，我咪打電話俾佢囉，點知佢話要離開香港周圍行下。佢聽日仲要覆診，我搞唔掂佢嘅脾氣，我好擔心呀純。」 

「好，咁我宜家即刻返香港，媽妳唔好太擔心。」 





我跳上計程車，立即往碼頭出發。就在我來到碼頭剛買好票的同一時間，墨又給我來電了。 

「墨，對唔住，我要返香港喇。」 

「你唔等我喇？」 

我把家裡的事告訴墨，但當然，我也有告訴她我是多麼想留在澳門的。 

「你仲有幾耐要上船呀？」 

「半個鐘頭。」 

「咁你等等我，我好近碼頭，我宜家嚟搵你。」 





墨掛線後，我隨便的挑了個地方坐好。十五分鐘後，墨果然趕到我的面前，手上還帶著幾袋手信。 

「純，對唔住呀，要你等咁耐。」 

「妳買咁多嘢做咩？」 

「買俾你。」 

「買俾我？」 

「係呀，世伯呢個情況，如果你係用一個解決者身份返去嘅話，你第一樣要做嘅就係要處理好伯母嘅情緒。買啲手信返去，等個氣氛冇咁緊張，自己處理所有事都會好啲。 

記住呀，唔好諗世伯做錯或者做小咗幾多嘢。係問你自己，你地可以為佢做幾多，佢而家算係一個病人嚟，唔好同佢太計較呀。」 

我看著墨如天使一般的來到，手上買的嘴裡說的都是關心我的問題，我覺得很感動。 





「係呢，妳嗰邊又點？處理好哂啲事未？」 

墨聽到我的問題，臉色又沉了一沉： 

「我有個朋友入咗醫院，今朝情況有小小麻煩，所以要留多一陣先可以出嚟。」 

「由細玩到大嘅朋友呢？」 

墨點點頭，我也拍拍她以示鼓勵。 

「我地由細到玩大，佢仲係我前夫。」墨說。