一個被MK妹改變既毒撚(修正版)新結局: 機會
我嘅眼淚慢慢滴到地上，地下開始熔化左。熔開左一個大窿，我個人掉左入去。
係我掉落去嘅時候我睇見我同呀思嘅所有野。我好感嘆，我合埋眼流淚。
合埋眼果一瞬間，我感覺到我停止左掉落，我開返眼，我睇見自己係個好熟悉嘅草原。
我記得喇依個係杞成日出現嘅草原。
突然有一把女聲四方八面咁傳出，把聲好熟。
又唔係呀杞，又唔係呀思係邊個呢...
「勤... 勤...」
我想得喇 係呀晴
「係唔係呀晴啊 呀思點啊 呀思點啊」
「係啊 我係呀晴 呀思佢無事啊」
無事？我明明睇見佢自殺...
「發生咩事啊...」
「勤我咪話你有個大劫嘅 所以我走左去我鄉下試下幫你解 」
估唔到你放低左呀杞走左去原來係為左幫我
「不過呀思佢...」
「唔洗多謝我喎 我睇見我同你有緣」
多謝你？呀思死左啊
「但係呀思佢...」
「放心喎 勤 岩岩你發嘅係預知夢 姐係你將會遇到嘅事 不過要睇你自己造化 因為未來係可以改變嘅」
我聽到之後放心左 我信相我可以有能力去改變 就算無左條命 我都唔想無左呀思
「多謝你啊 晴」
「唔洗 一切都要睇你嘅造化」
「起身喇 起身喇 勤 起身喇 八點喇 仲唔起身 去動漫展就要排隊喇」
係呀思把聲 呀思嘗試叫醒我 我馬上起身 二話不說就攬住呀思 我忍唔住喇 我喊左出黎 我抱得呀思好緊
「思 思 你無事真係好啊 思 思 思 我愛你啊 你唔好離開我 無論咩事都好 唔好自己離開我」
可能真係攬得好緊
「傻瓜 你發惡夢喇 好痛啊 洗唔洗咁大力啊 放開我去厠所 要梳洗啊」
嘿 係真嘅 係真嘅 呀思無事啊 真係太好喇
「唔放 思 你應承我先 唔可以自己離開我」
呀思聽到之後一到俾我攬住一到好似媽媽咁撫摸我個頭
「明白喇 勤 我應承你」
我聽到之後放開左呀思而呀思見到我喊緊就拎自己件衫幫我抹眼淚
「傻瓜 唔俾再喊到咁啊 會麻煩到我嫁」
我點點頭
「嗯 不過我可能會再麻煩到你嘅老婆」
「嘿~ 只可以為左我而喊詐 不過你發左啲咩惡夢 我想知」
放心喇思 你一世都唔會知
「唔~講~你~知」
「衰人 奸~茅」
就因為我已經預知左今晚會發生咩事嘅關係所以出門之後都有啲心不在焉。
點樣先可以化解呢會唔會只要我地唔出現係厠所就唔會有事發生呢？
不過如果打起上黎，我一個人應該唔夠三個人打。
點做好呢。
我同呀思坐緊火車，呀思睇現我咁就突然問我
「勤 你做咩心不在焉咁樣嘅 你係唔係又諗起果個夢啊」
點同呀思講呢...唔通同佢講你會俾人姦同會自殺咩...
「無啊 思 你太可愛喇 搞到我暈哂大浪姐」
呀思聽到之後就係火車到攬住我
「衰人 你搞到我好唔好意思 係喎」
「做咩啊」
「我呀哥都去左成個月旅行 知唔知佢幾時返」
係喎 個思哥佢今日 放監啊 我可以搵佢幫手 我馬上鬆左一口氣 知道左我身後有個強大後盾 因為思哥講過會睇住我同呀思。
「思 你呀哥依家應該坐緊飛機 今日就應該到香港喇 做咩啊 好掛住你呀哥？」
呀思佢笑口噬噬咁
「做咩啊 呷醋啊？」
思佢真係好得意啊
「無啊」
同夢入面一樣，我同呀思佢食完早餐又係11點到就入左會場，一樣都有好多人搵呀思合照.呀思又拉埋我去影。
重複做返好多夢入面嘅野不過我發現左一樣野，我見返呀俊果兩個同黨原來一直都係我地身邊徘徊。原來我地一直俾佢地跟蹤所以我見到咁就撇除左只要唔出現係果個厠所就無事嘅想法。
我同呀思玩到去六點嘅時候，我心諗思哥應該都放左監所以就借啲意叫呀思係男厠門口等我，我就去打電話俾思哥。
我一打過去思哥就馬上聽電話
「喂 思哥？ 放左喇？」
思哥嘅語氣好慌張咁問我
「做咩我一放監 你就打俾我 係唔係... 係唔係呀思 出左啲咩問題」
果然係一個妹控
「依家應該無事 不過遲啲我就唔知」
「吓咩叫應該無事 咩叫遲啲我就唔知 你講清楚喎 勤」
「思哥我地依家俾人跟蹤啊 不過唔驚我地一間坐的士走 你大約八點搵人係樓下接我地就得喇」
「明白 你好好睇住我個妹啊 如果唔係 我打撚死你」
「得喇我會睇住佢」
我收左線之後我出返去會場。
不過...思已經唔係 係厠所門口等我而係唔知去左邊...
呀思唔見左... 去左邊啊 去左邊啊 唔通... 唔通 俾左果兩條友拐走左...
唔通事實係改變唔到...
果一刻我覺得自己好無用。不過果兩個綁匪會唔會太勁，我先走開左一分鐘咁就...咁就...唔見左呀思...
唉 我都唔係唔知...呀思佢又易信人 又林善 最慘嘅係佢又靚又可愛 點可以俾佢自己一個係到。
最衰係我唔夠細心，就算預知左一定有事發生都俾佢自己一個
我跪低左係地下。淚水係眼入面打轉當我係到自責緊嘅時候，周圍嘅人都注意我
我不停聽到一啲野。
「依個咪愛莉個老豆」
「嘩 佢COS得好還原啊 真係敬業樂業」
「嘩 真係七情上面表情流露 連我COS左五年都做唔到依個境界」
「佢真係好犀利」
「睇下 佢同果邊果個cosplayer係同一個系列」
果邊果個？唔通係
我跑左過去真係 果個真係呀思黎 原來佢又俾人捉左去影相
我個心馬上放鬆哂 真係好 呀思無消失到
我咩都唔理 我沖左埋去 一野攬左呀思
身邊周圍嘅人都好愕然.不過我不嬲都唔理會世俗人嘅目光
「思 你岩岩走開左 我好擔心你啊」
呀思面對四方八面啲人嘅目光搞到面都紅哂
「嘿~ 睇下你 你隻眼又紅左 你係唔係又喊過啊 真係麻煩啊」
呀思講完之後一野嘴左埋黎
「唔俾再喊喇 勤」
周圍嘅人都呆住左。直至有個人大嗌
「嘩 鬼父 100%還原 」
之後周圍所有人都拍手，冷靜過後好多人問我地拎面書，電話等等。
都六點喇 玩左成日 我同呀思都準備走。
離開會場之前，我有叫呀思想去厠所就去喇
「嘿~ 勤你又知我想去嘅 變態 咁你等我喇！」
講完之後我企左係女厠門口等佢 不過同時我眼角望到果兩個綁匪係到遠距離監察我地。
放馬過黎喇，我唔會俾個惡夢發生嘅
我同呀思出左去會展外面。眼見果兩個大陸人仲有跟住，我忍唔住講左句。
「屌 跟尾狗」
然之後引起左呀思嘅好奇
「勤 咩跟尾狗啊」
死唔講都講左出黎，都應該要一一交代俾呀思知
「思 我地俾人跟蹤啊」
「吓... 唔會掛 我地又唔係有錢 又唔係得罪左人」
呀思講完好似明白左啲野
「咪住 好似...」
我點點頭
之後呀思就繼續講
「勤 一定係你果十萬...」
頂... 我地真係唔係有錢啊 ...
「唔係啊 你記唔記得邊個呀俊」
「呀俊？ 啊... 我叫人打果個」
「係啊 佢搵啲大圈仔返黎報仇啊」
「唔撚係掛 佢咁撚夠薑...」
「係啊」
我見到呀思起馬都有少少知道發生緊啲咩事就一野公主抱抱佢跑去的士站，
身邊啲人都話洗唔洗咁浪漫。
不過果兩個綁匪應該知道自己已經俾我發現左就唔再潛伏而主動出擊。
佢地兩個追住我，因為呀思俾我公主抱緊所以可以望到後面，呀思指住佢地。
「勤 你睇下... 係唔係佢地兩個啊」
「係啊 佢地就係果兩個大圈仔」
我地同果兩個綁匪嘅距離大約係50米到
好彩唔洗到的士站係馬路邊已經有一部的士，我同呀思沖左上去果架的士到。
講好左去邊之後，我同呀思佢好安然無恙咁坐左係的士到。
好快呀思就問我係唔係一早就知道會出事。我就好誠實咁承認左。
呀思聽到之後就發脾氣話我
「你今日咁緊張我 今日啲情緒咁唔穩定 就係為左依件事 勤 你做咩依家先同我講啊」
呀思好似真係嬲緊...
「我知道你期待左好耐 再加上我唔想因為佢而影響你嘅心情啊 思」
呀思聽到之後眼濕濕個頭依靠我嘅上胸用雙手好似打鼓咁打我
「衰人~ 衰人~ 衰人 衰人 衰人衰人衰人衰人」
呀思真係好得意如果我會因為佢而無左條命我都覺得值啊，我輕輕一隻手抱住佢另一隻手就攬住佢個頭安撫佢。
「思啊 放心就算你有咩危險我都會博埋條命黎保護你 所以唔洗驚」
「勤 唔洗嘅 大可以一齊去面對啊 無理由一直都要你保護我嫁 衰人」
原來呀思係咁諗嘅
「唔洗啊 你已經為我做左好多野喇 思 如果唔係你 我依家都仲係屋企坐左係到 因為你賦予我第二條命啊 因為你我先可以改變 所以你係我嘅寶物 無人可以恰你 除左我之後」
「嘿 衰人 我先唔會俾你恰啊」
「睇下點」
我同呀思落左的士，思哥同啲手下岩岩好到之後黎接我。
「勤 點啊 你講果啲人呢」
呀思就望住我同佢呀哥
「勤 呀哥 你地兩個瞞著我 你地真係好野 不過算喇你地都係為我好姐」
我同思哥就同時
「你明白就最好喇」
不過係果個時候有一架貨車岩岩到左。
有三條友沖左落車 我睇真啲係俊同佢果兩個大圈仔
拎住支鐵通向我地跑埋黎
當時我地手無寸鐵唔知點反抗，連思哥班手下都淆 黎唔切反應
不過好彩有思哥佢依個省港澳冠軍 幾下手勢就搞掂曬
佢地三個就俾思哥同佢班手下夾住左係到問話
「點解你地要搞佢地」
果兩個大圈仔就話
「受人錢財替人消災」
都係一個好理由黎而問到呀俊嘅時候佢好激動
「係條八婆同個死毒撚搞到我留班 屌嗱星 之前我溝條八婆嘅時候佢又唔受 睇下毒撚就受 咩世界啊」
思哥慢慢行到呀俊身邊一野摑落佢到
「屌你老母 八婆前 八婆後？ 你睇下你咩新鮮蘿蔔皮 賴蝦毛想食天鵝肉？ 柒頭」
就係果一野搞到呀俊暴走，佢推開左啲人 向呀思沖左過去。係沖嘅途中 佢係褲袋到拎出一把摺刀出黎一到大叫
「唔俾我溝 又搞到我留班？ 屌你老母 去死喇」
因為太突然所以連思哥都黎唔切反應。
噗 一聲 刀插入腹部
呀思就呆左咁企係到