一個被MK妹改變既毒撚(修正版)新結局: 隔絕

其後呀思抑鬱左一日。我點打電話，就算去佢屋企拍門佢都唔應，我明白到佢受左好大打擊，我都唔知應該點做好。

第二日我落街買左幾支啤酒諗住自己劈，當我想返 返上樓嘅時候。呀思岩岩好主動打俾我。

我第一時間話
「喂 喂 係唔係呀思啊 喂 你有無事 你知唔知我好掛住你 我好擔心你 思 我好想見你」

呀思把聲好沙 我諗喊左成日
「勤... 我... 已經唔係... 你專屬嘅...」





咩撚野專屬啊 我愛嘅唔係你果到啊 我愛嘅係你個人
「思 係唔係都唔緊要 我想見你」

我講完之後只係再次聽到呀思嘅喊聲
「思 你係唔係係屋企啊 我上黎搵你」

不過呀思嘅回應只係一句
「再見」

之後就收左線





我行去呀思住果棟樓，心諗呀思應該唔會做傻事掛，但係好多人係樓下圍觀。令我都好好奇向天台望一望。

有個女仔坐左係欄桿到，睇真啲。

原來係呀思，果一刻我個心好痛，好亂。
我拋低果一袋啤酒，沖上去佢果棟樓。屌 升降機停哂係十幾樓，屌 我唔可以再等，唯有跑樓梯。

每一步 





每一步

我都心諗住呀思唔好做傻事，我一到跑一到打俾呀思。不過佢一直都無接電話，
當我跑到天台，我面前係天台果一道門。我個心仲諗緊，如果我打開左之後呀思唔係到會點。

雖然我依家仲係上氣唔接下氣不過都要突破依一道門，我隻手雖然係到顫抖。
不過我都一氣呵成咁打開果一道門。

好彩我都仲見到呀思坐左係到 頭髮好亂。

我一到嗌一到行近
「呀思唔好做傻事」

呀思另轉頭，兩雙眼紅哂仲有兩條淚痕。我睇見都心痛，一睇就知佢無訓過再加上喊左成日。
「勤... 你唔行埋黎 我無面目見到你」





我果一刻都忍唔住男兒淚
「思 落返黎喇 唔好咁 我好心痛 錯嘅唔係你 而係我 我無能力保護你先會咁」

呀思佢開始有返少少微笑但係同時間佢都係到流緊淚。
「勤... 我真係無愛錯人  我...因為做唔到你專屬嘅另一半 所以我都再無資格生存係依個世界 我再無勇氣去面對你」

我嘅眼淚一直流，我好自責。
「思... 我」

「你無必要為左我依件二手貨嘅離開而傷心喎 勤」
呀思打斷我說話

二手貨？ 
「咩二手貨啊 思 你永遠都係我嘅 你記唔記得 我同你嘅承諾 要一生一世啊 我係唔會理會其他野 果個衰人嘅四分鐘 就破壞到我地建立左成年嘅關係？」





呀思佢笑住話
「就係果四分鐘... 就係果四分鐘... 我返到去沖左二十幾次涼都沖唔甩 果一陣味 果一種感覺好污糟 我已經唔再乾淨喇 我唔想連呀勤你都搞到污糟埋」

果個仆街我一定會殺左佢
「污糟？ 思 一開始我同你一齊果時你都無介意我污糟喇 再加上你依加都唔污糟」

呀思開始喊到收唔到聲，我嘗試慢慢行近
「唔好再行埋黎 勤我多謝...你...咁愛我 不過一切都太遲喇 有一啲污漬係洗...唔甩」

呀思佢企左係欄桿到面向外面。我個心抽住抽住
「思 唔好啊」

呀思佢另轉頭微笑 揮動隻手對我講一聲再見 而個手指頭綁上左我同佢嘅陰毛護身符
「再見喇 勤 多謝你俾左咁多咁好嘅回憶俾我 不過我要走先喇 希望下一世可以再遇上你喇 就算做到你隻狗我都會好開心 永別喇 勤」





呀思佢講完就跳左落去，同時間我都大叫
「思」

隨後警車聲響起，我拎出我銀包睇住我同呀思張合照
腦海中不斷好似走馬燈咁重播我同呀思嘅回憶
我雙腿無用力跪低左 眼淚一滴一滴咁流落地下 滴嗒 滴嗒 張地下嘅石屎地慢慢由灰染成黑。