一個被MK妹改變既毒撚(修正版)新結局: 終結
噗 好清脆 把摺刀插入左我嘅腹部 因為我見到佢向呀思沖埋去嘅時候我已經咩都唔理 打開雙手幫呀思檔 雖然係痛 不過總算係一件好事 因為呀思佢無受傷。
呀思呆左企係到，我就另頭問呀思佢
「有無事啊 思」
同一時間思哥佢沖左埋黎一野禁低左呀俊 舉起拳頭
「屌你老母 想捅我呀妹？」
不過係思哥想出手嘅時候我叫停左佢
「思哥 停手 依啲人係要搵法律去懲罰佢 再加上...」
講到依到我突然之間 無哂力 訓左係地下 呀思佢馬上跪低諗住推醒我
雖然我係訓左係地下 不過我都仲未失去知覺 呀思不停推我 不停喊住咁係到講
「勤 你唔係腹肌好勁嘅咩 做咩俾把刀仔吉左一野就訓左係到喎 衰人 你又呃我 衰人 又話自己好勁 起身啊 快啲起身 」
我感覺到我下半身開始無知覺，好凍 真係好凍 唔通我咁快就玩完？
係我就昏迷嘅時候我見到個路人行左埋黎話
「嘩 發生左咩事啊 」
然之後佢用雙手按我嘅下腹佢舉返起手嘅時候滿手鮮血 吓我流左咁多血...
「快啲叫救傷車啊 要 即刻做手術啊 如果唔係就可能會死 因為佢傷左要害」
呀俊聽到之後個好樣驚 可能佢都無諗過可能會殺死人所以佢就話
「超 只係插一野個肚就會死 你唔好玩我喇」
聽到之後思哥啲情緒爆左出左黎
「係 個路人講得無錯 之前我為左拎冠軍所以我師父叫我打拳要打要害
咩喉嚨啊... 太陽穴啊... 氣門啊 真係有一次 我係擂台上面 打死左一個有為青年
不過因為比賽之前簽左生死狀 所以我先無事 之後所有賽事我嘅對手都怕左我所以全部投降 我就好輕易拎到省港澳冠軍 依家啲人叫我擂台上嘅殺手 思認真 真係要叫救護車」
呀思聽到之後佢拎起手機打左三條九
「喂 依到係XXXXX 有人俾人捅左一刀啊 快啲救下佢喇 快啲啊」
好快救護車到左 我連埋呀思坐救護車到左醫院 而思哥佢就同俊同果兩個大圈仔去左警局。
不過好彩 傷唔到要害不過要留院觀察
出院幾日之後 我係街邊見到呀晴。 我沖左埋去
「晴多謝你」
「多謝我啲咩」
呀晴真係呢...
「係你救我 唔洗扮喇」
「哦 少少事姐...救人一命勝造七級浮屠」
少少事？ 你救返我條命喎...
「勤 你估做風水師可唔可以搵到兩餐啊... 出名就應該得 不過我依啲低調嫁所以應該搵唔到食 我諗要出黎秘撈 你估明星有無得搵」
「如果秘撈做到明星你就好野嗱」
事後呀俊因為企圖謀殺判左好耐監 不過佢入獄前佢跳樓死 仲講要返黎搵我地
屌 我驚佢有牙啊？
我又交代左呀杞嘅遺願俾呀思哥知，佢諗都唔諗真定假就去左美國
呀晴自從俾星探發現左之後就開始秘撈做明星
幾年之後
我工作穩定做左個釀酒師傅 我釀果一批孖蒸酒仲拎埋世界獎。
我同呀思關係好好結埋婚呀思個有左我地嘅骨肉，不過就俾呀晴話我地條命係牛郎織女命 我到依家都唔明。
思哥就真係同杞整左個B 完左杞嘅遺願，依個B仲無變成思哥個包袱。
思哥因為要奶粉錢 走左去打拳。依家唔只係省港澳拳王依家佢係全美拳王
呀杞就好喇 走左去做神仙。
呀晴，佢真係去左做明星之後做果啲咩風水節目做到風山水起搞到發左達，不過唔知道有無俾人潛規則...
唔講喇 我地個仔出左世喇。
我走左去望個仔...
咁熟口面嘅...
係俊...
無理由點解會係呀俊個樣黎，無理由應該唔會架。
好細微嘅聲音傳黎我耳邊
「醫生 病人醒喇」
病人醒？ 咩情況啊
一開眼見到個天花 點解我會暈左應該係個仔出世我太激動所以就暈低左
不過好快我就要接受現實，思哥沖左入黎一手的起我
「你唔係話會好好睇住呀思咩 佢做咩會自殺」
「自殺？ 佢唔係係產房咩」
「產房？我打死你 你都無咁快投胎喇 產房？暈左就唔洗負責任？」
原來岩岩一切都係我發嘅夢 原來呀思佢真係跳左
無左呀思 我仲係啲咩...
「思哥 我明白喇 我依家就去報仇」
辦理完出院手續之後我一出醫院門口就見到呀晴
「晴 我依家就去報仇」
我講完之後都無望過呀晴直行直過
直到呀晴對我大叫，我就企左係到
「依個係我講嘅大劫 如果你去就真係會中依個劫」
估唔到當時同我講我唔理就會無事喇
「多謝 你呀晴 不過就算知道依個係劫 我都會去 因為我決定左有一件事一定要做」
「呀思都唔希望你去」
呀思？
「哼 晴幫我做最後一次傳聲筒 幫我同思講 對唔住 因為依次我應承唔到佢」
講完我就頭也不回咁走左。
我諗住返屋企寫封信留低俾屋企人道歉嘅時候我係呀思跳樓果個位我見到呀俊
呀俊係到燒衣紙 我仲好清楚聽到佢話。
「思 我有俾返錢你架 你唔好黎搵我啊 你就當係一場交易喇」
就係依句 我決定佢一定要死
我返上去我屋企個廚房拎左把刀，我放左係背囊之後就落去搵呀俊
我靜靜地咁行去佢身後不過因為佢燒緊衣紙嘅關係我嘅影子出賣左我。
不過就算係咁，都已經太遲喇 我一野劏落佢條頸。
我見到佢啲血好似泉水咁噴出黎，我推跌佢不停用刀插入佢身體。
我不停插，我見到呀思係到望住我係到喊。
我望住呀思講
「你唔會寂寞喇 思 我好快陪你」
我講完就行入呀思住果棟大廈我見到個保安大嬸趴左係枱到訓
我就坐到16樓 回憶我同呀思嘅野之後我就行上天台坐係欄桿到。
我打返屋企 我老豆聽電話
「喂 邊撚個啊 依家幾點啊」
「老豆 對唔住啊 幫我同埋老母講埋對唔住啊」
「喂 仔 你做咩 出左院嗱？」
嘟...嘟嘟...嘟...嘟嘟
我收左老豆線
之後打左俾思哥話我已經報左仇同交代左呀杞嘅身後事
依家嘅我企左係欄桿到
望住呀思跳樓果個位大叫
「思 我黎陪你喇」
我就跳左落去
今次呀思佢無好似一開始咁跑過黎話等左你好耐之類嘅野
今次係我跑過去 問呀思
「你等左我好耐喇？」