打打下機有AI HACK左入我部電腦: 一

李星，Q1，Q2，插眼W，R五個。多麼的果斷，多麼的行雲流水。
 
可惜這神一般李星不是我，而是坐在我旁邊的人，Ashley。
 
連日來流連網吧，我認識了不少LOL高手，其中最強的便是這Ashley。
 
「你咁雷，除左我真係唔知仲有得邊幾個carry得起!」Ashley拿我的實力來開玩笑。
 
Ashley是我同校的中五學生，被比自己小一歲的女孩取笑真是丟臉。
 




「不過你呢兩日跟得我多都算有進步既，勁過我岩岩識你個陣好多。」
 
她是鑽石，而我只是個銅牌實力的銀五守門員，被她取笑也是應該的。
 
「如果早啲識到你，我就唔洗玩咁耐都銀五啦...」雖說是同校，但不同級的人基本上不是很少機會認識的。
 
「依家識都未算遲，你跟多我幾日包你有金牌實力。」
心地好，長得漂亮，最重要的是打機也厲害，能認識這樣的女孩真是三生有幸。
 
「快啲開波啦，carry多你一場我就要走啦!」雖則Ashley叫我快點開始第二場，但我卻被他人阻止了。




 
「細路!唔好開住!」一名體格魁梧的男子拍打了電腦桌一下。
 
「Ashley，你仲玩?夠鐘走啦!」那名壯漢背後的少年開口說道。
 
「都未夠鐘，明明仲有廿幾分鐘!」Ashley說。
 
「廿分鐘夠你玩一場咩?」
 
「夠!你俾我玩多場啦，好冇呀?」Ashley向那少年撒嬌。




 
「唉，你成日都係咁既...好啦，我同一齊打睇下可唔可以屠到對面20投啦!」
 
「YA!」Ashley十分高興的歡呼。
 
「但係傑少，依家已經...」壯漢好像很焦急要那少年和Ashley離開。
 
「你以為我會唔知時間咩?我唔洗你提我!」那少年傑少對壯漢的態度令人充分感受到其魄力。
 
二十分鐘，剛好二十分鐘，不用等對方20投，傑少和Ashley已經合力攻破敵方主堡。
 
「我走啦，聽日有機會再carry你啦!」賽局一結束Ashley便急忙的跟那兩人離去。
 
「傑少...」想必他一定就是Ashley的男朋友，果然像Ashley般的女神都有一個完美男友。
 




是我這樣的廢青一世也追趕不到的。
 
七天已過，我還是快點回家看Cain到底賺好錢沒有要緊。那可是我唯一能翻身，不用做廢青的機會。
 
 
 
 
 
「Cain，你賺好錢未呀?」我一回家便問Cain。
 
「資金既野當然搞掂好哂啦。」
 
「咁快啲比錢我買新電腦啦，你都唔想屈係呢部廢機到架，係咪?」
 
「唔好咁心急住。」我那有得不心急?電腦可是我的命根。




 
「做左啲緊要野先啦!」Cain說。
 
「有咩緊要得過買電腦呀?換部勁既俾你，你做野都快啲啦!」
 
「係就係重要，但係你依家應該買左防身既武器先。唔通你真係諗住赤手空拳對抗光明會派黎追兵?」
 
「但係...你唔係話過我依家安全架咩?」
 
「我係話暫時。當時我用個個殺手既身份回復左上頭任務完成，但係依家過左一個星期，都差唔多係時候俾人識穿架啦。」
 
「嘩，你早講呀!早知我就唔去打機哂時間啦!」
 
「早講你又可以做到咩呀?」
 




Cain這一問令我啞口無言，記起自己只是一個廢青，沒有Cain的幫助根本什麼也做不到。
 
「我send左張地圖俾你，你去地圖中指示既目的地交收啦。」
 
我可以做的就只是跟隨Cain的指示，去完成它安排妥當的事。
 
我跟著地圖的指示來到一間Cafe。
 
走進Cafe，沒有任何客人，只見一名瘦弱男子，是先前Cain請來的那個清理人。
 
「Mr Johnson，請。」他示意我往二樓走去。
 
我提心吊膽的走上二樓，生怕他識破我假冒殺手。
 
二樓與剛才在一樓看到的Cafe店面不同，以黑、灰色為主調的裝潢令人感到莫名的壓迫感。




 
二樓有數間房間，而大廳只有一張長枱。長枱坐著一個人，一個有點熟悉的身影。
 
「Mr Johnson?」那人疑惑的開口問我。
 
「傑少...」在我眼前的正是剛才和我打LOL的傑少。
 
「細路，你到底係咩人?」傑少身旁的那壯漢舉起手槍指著我。
 
「黑豹!收返埋你枝槍!」傑少一聲令下，壯漢馬上收起手槍退至傑少身後。
 
「Johnson，我認得，你唔係佢。你係邊個?叫咩名?」傑少問。
 
「璟楓...陳璟楓...」我吞吞吐吐的說出自己的名字。
 
「Johnson，係你殺既?」傑少用冰冷的眼神望住我。
 
「係...係...」我被嚇得口齒不清。
 
「哈哈，估唔到Johnson竟然俾自己既目標殺返轉頭。黑豹!拎佢order既野俾佢!」
 
「但係傑少!佢...」黑豹說到一半想起先前自己被責罵，這次很醒目的自動閉嘴。
 
黑豹遞給我一個鋼制的手提箱。
 
「你殺左Johnson與我無關，我只係一個生意人，冇想將你點樣。收錢做野係我既宗旨，以後有咩想買都可以搵我。只要有錢，我來者不拒。」
 
傑少的一舉一動都令我膽戰心驚。
 
當傑少起來走進其中一間房後，我便整個人坐跌在地上，雙腳完全無力。
 
「細路，唔洗咁驚既。」清理人伸手扶我起身。
 
「THX...」我站起來後連忙道謝便急急離去。
 
這鬼地方我真的片刻都不想多留。
 
 
 
 
 
 
 
 
回到家後我馬上打開手提箱看看，到底Cain為我準備了什麼武器。
 
「Cain!你玩我呀?」我看到箱中的東西不禁大叫Cain。
 
「做咩呀?」
 
「你俾啲咁既野我，同我講係武器?」我指住箱中的一副眼鏡和一部手機說。
 
「咁唔係你想要咩做武器呀?」
 
「大佬，就算買唔起機槍你至少都俾把手槍黎呀!你買埋啲咁既垃圾返黎有咩用呀?」我覺得自己被Cain玩弄。
 
「俾把槍你，你識用咩?你射得中人咩?」
 
「Er...」聽Cain這樣一說才覺悟，自己不懂射擊，有槍也是得物無所用。
 
「你最大既武器就係我，快啲將部手機連落電腦到啦。」
 
「哦哦!」冷靜下來細想便知道，Cain隨時隨地在我身旁才是最重要的，它便是我唯一的武器。
 
「Cain咁副眼鏡呢?係咪好似柯南個副咁勁架?」我急不及待的戴上眼鏡。
 
「呢副眼鏡既功能唔止咁少。」轉眼間Cain已經轉移至手機。
 
突然間左邊鏡片出現類似window的介面。
 
「呢個時間...Cain左上角個幾舊咩黎架?」有數個圖標就像浮在空中一樣顯示於左上方。
 
「你唔洗佢，只係方便人進行操作既圖標，依家所有程式都係由我控制，對你黎講完全冇用。」
 
「Google glass改良版?我想買Google glass好耐架啦!」
 
「雖然基本原理係一樣，但你都唔好拎個玩具黎同呢副眼鏡比啦。」
 
「唔係咁有咩分別?」
 
「Google glass只得可以執行簡單既指令，功能亦都好少，純粹只係一個俾人玩下既玩具。」
 
「嘩!!!」突然我看見一個女鬼撲向自己。
 
「副眼鏡已經可以完全代替手機螢幕，甚至可以切換做虛擬實境顯示。」
 
Cain將影像切換，令我好像真的身處於沙灘一樣。
 
「係就係勁，但係我都係覺得同Google glass冇咩分別。」不就是一個顯示器。
 
「機械既野你唔會明架啦，你咁講黑白電視同高清電視都冇咩分別啦。」
 
被Cain這樣一說我又覺得這眼鏡很先進似的。
 
「你唔係話要打機咩?正好俾你見識下呢副眼鏡既強大之處。」
 
進入LOL後多了很多的提示。
 
小地圖的野怪計時器，敵人的技能冷卻時間，施法和攻擊範圍。
 
「車!咪同人地啲外掛一樣，有幾勁姐?」
 
「你又係咁...仲有更多外掛做唔到既野。你click一下對面隻英先。」
 
點擊之後，那英雄便出現綠色邊邊框住。
 
「我已經分析好你兩個既即時狀態，計算好哂攻擊力同防禦力，只要綠色邊變成紅色既時候就代表你有足夠既技能傷害將佢一波帶走。」
 
「我自己都識睇血量啦!」
 
「仲有大把功能，我驚你處理唔到姐。」
 
對線英雄的頭上多了我的技能圖示。
 
「圖示入面既數字就係你仲差幾多下先將佢血量降至擊殺範圍。仲有...」
 
「夠啦!知你勁啦!我眼花，唔洗再加功能!」
 
借助Cain的力量，我清楚知道敵我雙方精確的實力，依靠提示不斷擊殺敵人。
 
當我被人追殺時，地板會出現數個紅點，提示我最佳的逃走路線和如何躲避敵方指定技的走位。
 
整場賽局我靠著Cain的輔助打下了完美的戰績。
 
「知道呢副眼鏡加埋我有幾勁未?」Cain問。
 
「係好勁...但係現實世界冇得開外掛架喎。」我開始有點擔心這眼鏡在實戰中的效用。
 
「呢層你唔洗咁擔心，係現實世界既廝殺，副眼鏡既功能仲有用。」
 
「但你岩岩都要知道人地有幾防先計到我幾時可以秒佢，現實冇呢啲data俾你睇架喎。」
 
「就係正正冇data先最好，以我既分析能力可以預測到對方大概既狀態。換言之你知道佢既血量同攻防力，但對面咩都唔知。呢個優勢係實戰係最重要既。」
 
「咁我唔夠打呢?LOL都會更新做調整，平衡返個遊戲呀。現實我好多人都唔夠打架喎!」
 
「你唔記得左有功能幫你走佬咩?只要分析地圖，附近既監視器，我保證逃走方法一定比LOL走佬多。」
 
接下來Cain向我講解了一整天，在得知所有功能後，令我十分安心，有了這眼鏡我已經不用怕被人追殺。