打打下機有AI HACK左入我部電腦: 二

機艙內站著十多名持槍男子。
「媽咪!我好驚呀!」一個小男孩在哭喊。
機艙一片混亂，充斥著各種尖叫聲。
有的人嘗試逃跑，但困在這飛機中又能逃到哪裡?很快便有另一批人從後面出來，把逃跑的人押回來。
這發生的一切Cain早已預計到，但即使一早知道又如何?被數十個人用機槍指著還會感到不安的。
「Cain，我真係後悔聽左你講。」我用極微細的音量說。
這一切都是我自己的衝動所致。
在前一天，Cain認為我不應該坐以待斃，要主動出擊，建議我去摧毀光明會的實驗場。
「我臨走前都存有少少有關光明會既資料，據資料既記載，組織每個月都會運送一批人去做實驗。」
「咁你想...?」我已經隱約猜到Cain要我做的事。




「混入批實驗體當中，入侵實驗場。如果佢仍然依照原來的計劃進行，佢地將會挾持聽日其中一班既民航機。」
「咁大鑊?」不是什麼拐帶人口那麼簡單，而是將整架客機劫走。
「都唔算大鑊，對組織黎講只不過係每個月都會做一次既例行工作，我就係賭佢地唔會改變呢啲咁小計劃。」
「小計劃...」
「點?機會只有一次，我已經冇咩可能知道下次既日期。」
「成功左可以對佢地有咩影響?」雖然機會只有一次，但得失還是要衡量好。
「拖慢光明會既研究進度，再加上冇左我既幫忙，令我地多好多時間一步步去阻止佢地最終既計劃。」
「只係拖慢...」這一點的成果令我有些少猶豫。
「雖然由一般既結果上黎睇係唔值得去做，但如果計埋額外收穫就唔同。」
「額外收穫?」




「第一，你可以累積寶貴既實戰經驗。第二，直接連接到組織既電腦我有機會偷到意想不到既情報。就睇你肯唔肯去賭。」
我只是思考了幾秒便衝口而出。
「我賭!」真不知我當時發什麼神經。



飛機降落後，機內的人逐一被組織的嘍囉押送至下機，完全沒有逃跑的機會。
「Cain，我地跟埋一齊去定老佬先一間再潛入?」
「雖然逃跑路線係有，但係走佬有機會被人殺死都係跟埋一齊好啲。既然係捉黎做實驗，咁短時間內就唔會有生命危險。」
Cain說得有道理，我還是靜待機會較好。




一行接近百人，被押送到實驗場的入口，一個像是主題公園的大門。
到底是誰設計的，真是惡趣味。
通過大門後，嘍囉們一字排開，擋住入口。
「大家好，歡迎黎到我既Deathland!」聲音從高立著的揚聲器中傳出。
「Cain，呢個係?」
「光明會首席發明家，Joseph。呢個孤島係光明會送俾佢當做遊樂場兼實驗室既。」
「時間無多，立即開始遊戲吧!」
嘍囉們同時高舉機槍。
「第一個遊戲，大逃殺!但規則有少少唔同，你地只需要帶一具屍體去同士兵報到就算通關。大家盡情係場內搵武器殺死你身邊既人啦!」
這人真是喪心病狂，竟然把互相廝殺當作遊戲。
「Cain...」
「得啦，我知你想講咩。我已經準備好入潛，你唔需要陪佢癲，逃離Deathland直闖佢既實驗室就得。」
左邊鏡片出現了這Deathland地圖，有一條紅線指示我的逃出路徑。
我馬上全力疾跑，向Deathland的另一個出口奔去。
「一開始就已經有人開始係場內搵武器，大家都唔好落後呀!」




看來在他的眼中，我只是冷靜的在找武器想要獲勝、生存下去。
在逃跑的途中，在Cain的幫助下，輕易發現了一把藏好的手槍，讓我多了一樣武器。
「Cain，既然有你幫手，點解我地唔係場內搵多啲武器先走?」
「其實岩岩仲有好多武器我發現左冇話你知。我唔想你因為帶住啲唔識用既武器拖累自己。」
拿了一把手槍還一直奔跑，而不是回頭殺人，在數分鐘後我的舉動終於引起了注意。
四處的揚聲器都發出警報。
「大量既士兵被投入，你要小心避開佢地。」Cain說完後，地圖上便多了幾堆紅點。
「哼，一班on9仔!」我憑著Cain的雷達搜敵和場內設施作掩護，輕鬆躲過所有追殺，順利到達出口。