《相交的平行線》: 第五話
“Flower of this purple dye, hit with Cupid's archery, sink in apple of his eye.”──A Midsummer Night's Dream
「好，人齊嘅話呢就可以debriefing啦。咁首先啦，報告賽果先，呢場只有紅組嘅王可以生存到最後，所以係由紅組勝出既。」主持人輕輕拍了拍手，以示鼓勵。
「點會呀？我撕左淇嘅名牌俾，點會係佢地贏呀？」高佬不忿說道。
「呢位綠組隊員稍安無躁先，你睇清楚呢個係咪你交上黎嘅名牌？呢個係普通嘅名牌，並唔係背後有王字嘅王名牌，而原因呢，我相信由紅組解釋會更加清楚。」主持人續道。
「咁我講啦，首先我地嘅王並唔係我，你地估錯左啦，我地嘅軍師呀單分析，你地一定會認為我，小喬同J me做王，咁樣會係各組最穩陣嘅打法。但係我地平均嘅體能都唔夠你地兩組打，所以我地要令你地相信我係王，而實際上我只係負責保護王同埋準備隨時犧牲嘅兵。而呀單先至係我地組嘅王，估唔到一切同佢諗嘅一樣。」淇淇解釋著。
「哈哈，你咁就俾呀單謆左一鑊。」肥仔向高佬得意的道。
「帶左好多個團體玩呢個Program，大部分都係以體能取勝，你地組能夠用計仔黎贏真係好少見，果然知己知彼，百戰不殆。細佬，你都幾好嘢喎。」主持人向我再道。
幸好沒有下一場，再來恐怕就沒有那麼簡單能夠取勝，他們必定有所防範。況且，現在的我亦無法集中精神，不是因為我已經筋疲力盡，而是腦海一直想著妳。我想，我真的喜歡了你。
「跟著就係自由活動嘅時間，如果想玩球類活動嘅話可以去辦公室到借。」係主持人嘅分享完之後。
「喂呀單，諗唔到咁都俾你蠃左。」高佬一拳輕輕的擊在我後背。
「嘻嘻，只係幸運姐。」我雖然這樣答道，但上揚的嘴角出賣了我的內心。
「下次你唔會再贏到嫁啦，因為我正式將你當做對手。」
高佬看著我的時候，感覺到一股壓力，令我呼吸有點困難，難道這就是學界比賽鍛鍊出來的威壓麼？
「噢，咁俾你贏囉」我臉色一正道。
「哼！我唔要呀，我要同你較量。」
「唔要。」我看著高佬好像白痴一般，用手指著我，不禁回了他一個白眼。
「點解姐？」
「因為好攰。」
「快啲接受我挑戰呀。」高佬開始伸出他的魔掌抓著我的雙臂。
「唔好掂我呀！死Gay佬。」
他還一邊追著我一邊要我接受挑戰，有幾分至死方休的氣勢。但我在意的，卻是肥仔那深沉的樣子，仿佛在盤算著什麼。
妳只是遠遠的看著我們追逐，就已經十分滿足，一直在笑著，妳給我的感覺就是不論在什麼時候也能由衷地笑，而我想去保護妳的笑。但像我這樣的毒男，淇淇竟然會覺得我型，每每想到這一點總令我既快樂又有一點擔憂。
吵鬧過後，呀年提議說打籃球，肥仔聽到籃球二字立刻如夢初醒的道「好呀，而家有幾多人？」
「Er……我地有三個。」
「呀單你打唔打。」肥仔問。
「你識我幾耐呀，我都唔打波嘅。」我有點好奇，問我的竟然是肥仔。
「我黎我黎。」高佬一面雀躍的道。
「咁加埋高佬，而家仲差一件。」
「呀達你打唔打呀？」
「我可以呀。」
「我地去打波呀，你們會唔會去睇我地打波呀？」肥仔向Blue同J me佢地四個問。
原來肥仔只是想在他的女神面前表現自己，幸好我沒有說打，要不然就成了他flirting的道具。不知道是不是眷顧，還是因為呀喬想去看的關係，妳們四個也去了。而我正在心大心細，十五十六之際，被妳的突然一問，我好像沒能拒絕的答應了。
來到球場，我確實真的沒有來過多少次，更遑論懂的打。球場好像比記憶中的細。雖然說他們倆是我的老死，但我只跟他們下場打過一次，那是一個人數不足夠的下午，要不是高佬不斷的哀求，我寧死不屈，因為那實在是太累人了。
只是看了一眼，我已經對這場結果了然的比賽失去了興趣。因為高佬與肥仔是一組，他們倆這個組合是經歷過無數屆學界比賽的洗禮。可笑的是，我身旁的四位女士仍然興高采烈的看著。
不對，是三位。因為我突然感到肩膀一沉，原來是妳敵不過睡魔的侵襲，睡著了。我看著肩膀上妳那沒有化粧的臉，隨著妳的一呼一吸，一起一沈，勾動著我的魂魄，To the world you might be one person but to me you are the world. 那種可愛，那種美，至今我仍沒法忘懷。縱使我們在歐幾里得(Euclid)幾何裡是無法相遇，但我還能寄望黎曼幾何的世界，讓我們能夠相見，相惜，相……。
全因為，我喜歡你。
晚飯後，因為下午的激烈活動，再加上各人昨晚不足的睡眠，所有人睡的睡，死的死，而且晚飯後的活動亦比較恬靜，各人自然提不起精神。但當活動過後，他們像是充滿電一樣叫囂著要再來一次通宵。
「呀單呀，你今晚會唔會join佢地呀？」高佬問我。
「下，又通宵呀，我體力好有限嫁咋。」
「你攰嘅話我借個肩膀俾你啦，見你今日借俾人借得咁爽。」高佬笑道。
「係囉，唔怪之得唔打啦，老謀深算呀。」肥仔亦不甘後人。
「哈，係先好講，但我諗你地去到之後都唔記得我啦。你知你地啦，一個要照顧女朋友，一個要照顧兩個女性朋友，記得我先奇啦。」
「點會呀，你係我地老死黎嫁嘛。點會唔理你呢？」高佬話。
「哈，你嘅言辭真係好無說服力囉。」
「下，呀單你今晚唔join佢地呀。」妳突然探頭進來跟我說。
「佢緊係會join啦，佢又點會捨得揼低你呢。」高佬為免我反悔，搶著話。
「係呀？嘻嘻。」淇淇聽到之後笑了一笑。
「但係我地而家冇野食呀，你地有冇買到宵夜呀？」肥仔問。
「咁你而家拿拿臨去canteen買啲零食啦。」高佬道。
「快啲啦，就閂門啦。」淇淇叫著。
肥仔意會了，再看看錶，屏幕顯示著2145，他立刻飛奔到canteen買零食。“When you love you wish to do things for. You wish to sacrifice for. You wish to serve.”海明威說出了各個已經入伍的思想。而當我正要去房間時，妳卻輕輕的問「可唔可以陪我一陣？」
「樂意之至。」
我們漫步到清澈的夜空下，妳說妳很喜歡郊外的星空，這裡沒有城市的污染阻隔，可以隨心所欲的眺望夜空，與月亮攀谈。
「你會唔會覺得我好奇怪呀？」妳突然問道。
「如果每個人都唔奇怪，呢個先係最奇怪嘅地方。而人最奇怪嘅地方，正正就係佢最特別，最罕有嘅嘢，亦係妳，之所以係妳──淇淇，最重要嘅證明。」
「你突然間咁哲學嘅，但係同你傾計真係好唔同，一樣我覺得咁奇怪嘅習慣可以俾你講到我應該好proud of咁。」
「你睇，流星呀。」妳突然手指往九天之上的繁星一指，然後立即合上雙眼。
那時我並沒有許願，因為我的願望早已經應驗了。我只想看著閉上眼的你，正在祈禱的樣子，很pure很true，沒有多餘的粉飾，才是最美的妳。
「你許左啲咩願呀？」妳好像好奇寶寶般問著。
「我冇許呀。」
「你做咩唔許呀？」
「因為我唔需要囉。」我看著妳那心痛的神情，淡淡的說道。
「咁你以後個啲俾埋我啦。」妳竊喜的道。
「你咁貪心，咁妳又許左啲咩？」我不禁笑了笑。
「夢想成真。」妳滿心歡喜的道。
「咁妳夢想係咩呀？」
妳蹬一蹬腳，作勢要我把耳仔放在妳的唇邊說。
「秘～密，唔話你知！」
「車，而家我唔想知喎。」
「嘻嘻，有機會實話你知，你等下啦。再唔係你用running man個陣嘅推理能力諗下囉。」妳一面走著一面回頭笑道。
「我真係毫無頭緒呀，俾啲貼士呀……」我小跑兩步追上去哀求道。
「冇呀，加油啦，福爾摩斯！」淇淇再笑了笑就回去了。