《相交的平行線》: 第四話
“The true man wants two things: danger and play.”─ Also sprach Zarathustra
現在，我們互相幫組員貼上名牌。
「咦，呢啲係一次性名牌黎嫁喎，自己撕左再貼番行唔通喎」呀欣道。
「咁咪好囉，會公平啲。」Kristine說。
貼好名牌後，主持人再講話
「相信大家都留意到名牌係一次性嘅。1個鐘頭之後，若果三組嘅王都冇死到，就會depends on大家撕到幾多個名牌計分，所以大家最好都係撕多幾張啦。好！大家可以出發，我地嘅工作人員已經ready，活動範圍係成個Campsite。最後祝大家Happy hunting and be hunted.」
鐘聲響起，我同淇淇就開展1小時嘅逃亡之旅。
01:00:00
我地組一開始分開行動，但我同淇淇真係一D危險意識都冇，仲一路行一路傾……
「Sorry呀，我尋晚傾傾下訓著左……」
「噢，唔緊要呀，係我講野太悶姐。」
「邊係呢，但多謝你係我訓著左個時幫我襟被，真係好窩心嫁。」
當妳對我笑一笑，我的腦裡立刻陷入一片空白……果然「人類的生命，不能以時間長短來衡量，心中充滿愛時，剎那即為永恆」。
突然，我隱約見到眼角有兩團藍色逼近。順著眼角一望，我立即拉著淇淇跑起來，身後緊迫不捨的是兩名藍組的組員，還好我們起步快，再加上本來就一段距離，不消一會就擺脫了他們。果然，這個遊戲非常刺激！看來，若不想跑到變死狗的話，該把剛才討論的戰術用上了。
擺脫他們之後，我們找到呀達，跟他提及要用上戰術解決掉藍組了。
00:50:32
「麻煩你，叫其他組員而家匿埋，一動不如一靜，等到最後30分鐘我地先行動。」我跟呀達說。
「OK！冇問題。」
就這樣，我們各人都躲藏起來，各養精蓄銳；二虎競食之後，漁翁再走個過場。
「呀單呀，其實你都幾有統籌同埋領導能力呀，點解你要收埋自己呀？」
「吓，我？我其實唔okay嫁……」
「唔係呀，你岩岩咪統籌左囉，我都未諗到點算嘅時候，你已經俾緊指令，真係好勁呀！」淇淇臉色微紅，興奮的道。
「係咩？」
「嗱，你睇下。高佬真係同小喬一組，而肥仔又真係同J me一齊行，而且其他都係各有各行，同你估嘅一模一樣呀！咁你對王既推斷應該冇錯啦。」淇淇同一種比我還要肯定的語氣道。
00:32:18
「我地開始出發啦」我說。
「乜唔係30分先去咩，我地早左小小喎」
「冇錯，佢地係30分先行動，咁但係我地要預早去搵獵物嫁嘛。雖然我地知道同伴嘅位置同埋各自嘅目標，但係我地而家對獵物嘅位置仲係一無所知，所以我地要預早去搵他們，仲要知道埋工作人員嘅位置……你做咩眼定定望住我呀？」看見淇淇美目中滿是小星星的看著我，我不禁好奇，到底她聽到了多少。
「我覺得你解釋同埋推論個陣好型呀……」
「哈，哈，呢個笑話幾好笑……」
「唔係笑話呀！！！」妳撅了撅嘴，佯裝著怒道。
就在我們打探了不久時，終於有收穫了。
「見到啦，J me同肥仔係10點鐘方向。」
「嗯，工作人員就到canteen……ok，我地慢慢行背住佢地，行向canteen 方向，收到我signal就即刻跑向工作人員。」
「Yes sir。」妳把手放在額頭前方，在我耳邊輕聲說道。
我地開始背著佢地慢慢行，我地聽到佢地亦好似好有計劃咁慢慢approach我地，等緊時機落手，其實只係太遠肥仔怕追唔上。
「放鬆D，慢慢行，唔好緊張呀。」我搭著淇淇膊頭同佢講。
「好難唔緊張喎。」
淇淇肩上傳來的微顫，揭示她的內心確實忐忑，只能寄望她能堅持多兩步。
「好啦，差唔多啦，預備……」
當我地去到轉彎位個一刻，突然擰轉頭扮岩岩先發現到佢地，然後再大叫「走呀!」，走入去轉彎位閃避。
就係個一刻，當佢地知道左行蹤敗露，手快嘅J me即該撲上黎，J me同淇淇個名牌最近個陣只係差一隻手位。正當佢地追我地而轉彎個陣，埋伏係到好耐既呀達以快槍手嘅速度，撕左J me嘅名牌，然後以更快嘅速度拉開距離，呀達一邊跑開一邊睇名牌嘅背後。
「得手啦，有王字呀！」就係呀單回頭，避開肥仔嘅偷襲，聽到呀達叫道。
「小心D去中立點呀！」我一邊同淇淇跑去工作人員一面大叫。
就係工作人員捉左J me無耐，我地終於擺脫到肥仔，可以休息下……
「肥仔平時…行唔夠100米都已經上氣唔接下氣，今次追足成3分鐘，睇黎J me落網對佢刺激都好大下……」被追了這麼久，我跟淇淇已經出氣多入氣少。
過了5分鐘左右，出現了第一次的遊戲廣播。
「藍組王已死亡，請藍組全體組員返回中立點。重覆，藍組王已死亡，請藍組全體組員返回中立點」廣播重復著。
00:20:00
「呀……好攰呀，心跳仲係跳得好快呀。」淇淇雙手捂胸口說道。
「你冇事呀嘛？」我一邊拿著紙巾給她一邊問道。
「冇呀，只係好攰…好緊張……」
「咁不如我地入canteen飲啖水啦。」我提議。
「好呀好呀。」
此時，呀達已經跑番番黎。
「喂，睇你平時唔聲唔聲，都幾有計喎。」呀達一拳打落我膊頭話。
「你夠真係跑得好快啦，揀你打遊擊真係冇錯。」
「我已經照你意思專登跑去俾高佬佢地睇到我走過黎啦。」
「好！掂！可以進下一步計劃。」
「好，咁我通知組員叫佢地分散D啦。」
「嗯，辛苦啦」嘢都未講完，呀達一個轉身已經無左影。
「咁而家我地點呀？」淇淇平復氣息之後問我。
「等。等其他組員分散敵人，同埋等綠組嘅王攻過黎。」
「你咁肯定佢地會。」淇淇疑惑道。
「當然。」我自信的微笑道。
「點解呀？」
「因為我之前叫呀達經過佢地面前先跑過黎，就係要佢地發現我地同監視我地，能夠監視canteen而唔俾人發現，就只有前面嘅花園。」
「咁點解佢地唔攻入黎呀？以佢地嘅戰力絕對可以贏。我唔係有心踩你……」淇淇語畢有點小擔心的看著我。
「唔緊要。沒錯，論單兵戰力而言，我地已經輸晒，但係佢地怕，怕岩岩嘅事會再發生，再用多次打低藍組嘅方法。怕一子錯，滿盤皆落索！」
「咁我地點先引到佢地過黎？」
「等到最後5分鐘到，我地向後門走，佢地就會落手。」
「嗯，明白啦。」
00:06:02
「我地走啦，係最後決戰嘅時候啦。」
「好緊張呀！你有冇一句名言呀而家？」
「I think that only daring speculation can lead us further and not accumulation of fact.」
「下，呢個唔識喎？」
「嘻嘻，呢句係愛因斯坦嘅。」
「你蝦我唔識。」妳打著我說。
當我們搭出第一步時，身體不自覺的牽著了彼此的手，連上了彼此的心，在這一刻，不分你我。妳對我笑了笑，我只感覺自己的臉越發滾燙，我問你我是否紅得像蘋果？
妳沒有答我，只是對我再笑了一笑。
面對決戰，兒女私情理應放下，專心戰場，但能夠牽著你共赴戰場，是我永遠都沒想過的。我們踏出第二步，此刻我緊張得心臟快要爆炸，除了是決戰的一刻，更是我第一次牽著你，手如柔荑，膚如凝脂，令我戰意前所未有的高漲，真希望能夠把這刻無限放大，直到永遠。當我們從後門一出去，手牽手的就跑了起來。
突然一聲巨響從後方傳來，令我們不由自主的往回看，只見剛被推開的門中，衝出兩道人影。我們向前一直跑，一直跑，一刻都不敢停留。奈何他們是運動情侶，很快就把我們之間的距離縮短，危急存亡之際，我還不斷的拉扯著淇淇，希望能多拉開一丁點的距離……。
突然！我整個人被抱了起來，然後我聽到淇淇的尖叫聲，她被呀喬從後抱著，掙扎了幾秒的淇淇，名牌最終還是被撕下了。
「No！」我放聲叫道。
然後，高佬就鬆開了我，接過淇淇的名牌，像學屆籃球賽最後快攻般向中立區跑去。
「跑快啲呀。」呀喬說。
只見高佬繞過回來支援的呀達就遠離了我的視線。
一切都完結了嗎？就這樣輸了嗎？到最後還是改變不了身體質素的差距嗎？
00:01:19
「你地已經輸左了，已經冇人能夠追到佢嫁啦。」呀喬得意的說道。
當呀喬跟我們搭話時，淇淇便已經將她背後的名牌撕下。
「係呀，而家的確冇人能夠追得到佢，學屆比賽場上面能夠追到佢快攻嘅已經不多，更何況呢到得我地，可惜呢個先係你們會輸嘅原因，因為佢跑得太快啦。」我說到這裡，嘴角揚起了勝利般的微笑。
「小喬，你地中計啦。」淇淇向她揚揚手中的名牌。
淇淇立刻把名牌交給我，我拔足狂奔，向著高佬相反的方向。這一切都在意料之中……因為怕高佬會反撲我。呀喬因為知道我們的計劃而不停追著我，不愧為田徑長跑隊成員，雖然沒有高佬的爆發力，但她仍然緊追不捨。幸好我們整隊大部分時候都在休息，呀喬開始後勁不繼。而且我有著不可輸的理由，繞路向著中立點進發。眼前，我只看見目標的建築物，向著終點跑去，其他人亦紛紛跑向中立點保護我不被阻截。
然而，達陣！交上名牌。
最後淇淇同呀喬雙雙都在限時前回來，伴隨著低沉的喇叭聲響起，撕殺結束。